Showing posts with label Beauty. Show all posts

මේ 'වයිට්නින් ක්‍රීම්' භාවිත කරන්නේ බලාගෙනයි! - ශ්‍රී ලංකාවේ පාරිභෝගිකයන්ට අනතුරු ඇඟවීමක්.


සම පැහැ ගැන්වීම සඳහා ශ්‍රී ලංකාවේ භාවිත කෙරෙන ඇතැම් ක්‍රීම් වර්ගවල [whitening Cream] සම්මත ප්‍රමාණයට වඩා පනස් එක්දහස් ගුණයක් රසදිය අඩංගු බව පර්යේෂණයකින් අනාවරණය වී ඇතැයි පාරිභෝගික කටයුතු පිළිබඳ අධිකාරිය පවසයි.

එම අධිකාරියේ නියෝජ්‍ය අධ්‍යක්ෂිකා සමන්තා කරුණාරත්න පෙන්වා දෙන පරිදි කාර්මික තාක්ෂණ ආයතනයේදී [ITI] නියැදි 16ක් පරීක්ෂා කර ඇති අතර එම ක්‍රීම් වර්ගවල ඉතා ඉහළ රසදිය ප්‍රමාණයක් අඩංගු වී තිබේ. කාර්මික තාක්ෂණ ආයතනය, රජයේ ආයතනයකි.

නිසි පටිපාටියකින් තොරව එවැනි ක්‍රීම් වර්ග බොහොමයක් ශ්‍රී ලංකාවට ගෙන්වා ඇත්තේ, පාකිස්තානයෙන් බවත් පාරිභෝගික කටයුතු පිළිබඳ අධිකාරිය පෙන්වා දෙයි.

අපේ පරීක්ෂණවලදී හෙළි වුණා මාලිකා [Malika] කියන නිෂ්පාදනයක් ගැන. ඒකෙ රසදිය තිබුණා 51,752ක්. මම ලෝක සෞඛ්‍ය සංවිධානයේ වාර්තා අන්තර්ජාලයෙන් පරික්ෂා කළා. එක වර්තාවක තිබුණා ලෝකයේ හමුවුණු වැඩි ම නිෂ්පාදනයේ තිබුණෙත් රසදිය තිස් දාස් ගාණක් කියලා
පාරිභෝගික කටයුතු පිළිබඳ අධිකාරියේ නියෝජ්‍ය අධ්‍යක්ෂිකා සමන්තා කරුණාරත්න

2018 මැයි 03 වන දා නිකුත් කෙරුණු අංක 2069/37 දරන අතිවිශේෂ ගැසට් නිවේදනයට අනුව සමේ අලේප කරන්නා වූ සියලු ම ක්‍රීම් සහ දියර වර්ගවල [Lotions] බැර ලෝහ අඩංගු කළ හැකි උපරිම සීමාවන් දක්වා ඇත.

ඒ අනුව රසදිය [Mercury] පැවතිය හැක්කේ කිලෝග්‍රෑම් එකකට මිලිග්‍රෑම් එකකි (1Kg -1mg). එහෙත් පරීක්ෂාවට ලක් කෙරුණු නියැදි 10/16ක අන්තර්ගත රසදිය ප්‍රමාණය මිලිග්‍රෑම් එකළොස් දහස ඉක්මවා තිබේ.

ශ්‍රී ලංකාවේ ජනප්‍රිය වෙළෙඳ නාම බවට පත්ව ඇති ඉතා ඉහළ රසදිය ප්‍රමාණයක් අඩංගු ක්‍රීම් සහ දියර පිළිබඳ විශ්ලේෂණයේදී පාරිභෝගික කටයුතු පිළිබඳ අධිකාරිය සුවිශේෂී තත්ත්වයක් හඳුනාගෙන තිබේ. එනම් ඒවායේ නිෂ්පාදිත රට, කල් ඉකුත් වීමේ දිනය හෝ අන්තර්ගත රසායන ද්‍රව්‍ය පිළිබඳ කිසිදු සටහනක් නොමැති වීමය.

අදාළ ක්‍රීම් වර්ග නිෂ්පාදනය කරන ලද සමාගම්වලින් ඒ සම්බන්ධයෙන් ප්‍රතිචාරය ලබා ගැනීමට උත්සහ කළ ද දවටන මත නිෂ්පාදිත සමාගමේ විස්තර අඩංගු නොවන බැවින් ඔවුන් සම්බන්ධ කර ගැනීමට මගක් නොමැත.

"සමේ පාට නිසා ඉස්සර දුක් වින්දට අද මම ඒ ගැන ආඩම්බර වෙනවා"
සාක්ෂරතාව ඉතා ඉහළ මට්ටමක පවතින ශ්‍රී ලංකාව වැනි රටක භාණ්ඩ තෝරා ගැනීමේදී පාරිභෝගිකයන් ඒවායේ ගුණාත්මකභාවය සම්බන්ධ මූලික කරුණු කෙරෙහි අවධානය යොමු නොකිරීම කනගාටුදායක තත්ත්වයක් බව පාරිභෝගික කටයුතු පිළිබඳ අධිකාරිය පෙන්වා දෙයි.

"වැඩි වශයෙන්ම" රසදිය අඩංගු ක්‍රීම් වර්ග

ශ්‍රී ලංකාවෙන් සොයා ගත් වැඩි ම රසදිය ප්‍රමාණයක් අන්තගත වන ක්‍රීම් වර්ග ගැන පාරිභෝගික කටයුතු පිළිබඳ අධිකාරියේ නියෝජ්‍ය අධ්‍යක්ෂිකා සමන්තා කරුණාරත්න මෙලෙස විස්තර කළාය.

''අපේ පරීක්ෂණවලදී හෙළි වුණා මාලිකා [Malika] කියන නිෂ්පාදනයක් ගැන. ඒකෙ රසදිය තිබුණා 51,752ක්. මම ලෝක සෞඛ්‍ය සංවිධානයේ වාර්තා අන්තර්ජාලයෙන් පරික්ෂා කළා. එක වාර්තාවක තිබුණා ලෝකයේ හමුවුණු වැඩි ම නිෂ්පාදනයේ තිබුණෙත් රසදිය තිස් දාස් ගාණක් කියලා. කිසි ම උප්පැන්නයක් නැති ලයිලා [Layla], නූහා [`Nuha], ගෝරි [Goree] සහ ගෝල්ඩන් පර්ල් [Golden Pearl] යන නිෂ්පාදනවලත් ඉතා ඉහළ රසදිය ප්‍රමාණයක් තිබුණා,'' යනුවෙන් ඇය කියා සිටියේ අදහස් දක්වමිනි.

‘සම සුදු කිරීම’ ගැන නොතකන කරුණු

සමේ ආලේප කරන ප්‍රමිතියෙන් තොර ක්‍රීම් සහ දියර වර්ග නිසා අසාත්මිකතා, දරුණු රෝගාබාධ මෙන් ම ජීවිත හානි පවා ශ්‍රී ලංකාවෙන් වාර්තා වී ඇත.

සම පැහැපත් කර ගැනීමේ අරමුණින් භාවිත කරන ආලේපනවල ප්‍රමිතිය කෙරෙහි කාන්තාවන් විශේෂ අවධානයක් යොමු කළ යුතු බව චර්ම රෝග පිළිබඳ විශේෂඥ වෛද්‍ය ශ්‍රියානි සමරවීර පෙන්වා දෙයි.

ඇය පවසන පරිදි රුව පැහැපත් කර ගැනීමේ අරමුණින් භාවිත කරන ආලේපන නිසා රසදිය ශරීරගත වන ආකාර දෙකකි.

  1. සම හරහා
  2. ස්වසන මාර්ගය ඔස්සේ


දරුවන්ගේ "මොළයට බලපෑම්"

යම් කාන්තාවක් රසදිය අඩංගු ආලේපන භාවිත කරන්නේ නම් එහි හානිය ඇයට පමණක් නොව සැමියා සහ දරුවන්ට ද එක සේ බලපාන බව චර්ම රෝග පිළිබඳ විශේෂඥ වෛද්‍ය ශ්‍රියානි සමරවීර අවධාරණය කරයි.

මව්වරුන් රසදිය අඩංගු ආලේපන භාවිත කිරීම, විශේෂයෙන් කුඩා දරුවන්ගේ මොළයේ වර්ධනය අඩු වීමට හේතු වන බව බොහෝ දෙනා නොදන්නා කරුණක් බව ද ඇය පෙන්වා දෙයි.

විශේෂඥ වෛද්‍යවරිය පෙන්වා දෙන පරිදි රසදිය ශරීරගත වීම නිසා ඇති විය හැකි සෞඛ්‍ය ගැටලු:

  • වකුගඩු රෝග
  • ස්නායු ආබාධ
  • නොරුස්සන ගතිය
  • සිහිමද ගතිය
  • සමේ දද සහ කැළැල් ඇති වීම
  • සම දුර්වර්ණ වීම
  • ප්‍රතිශක්තිකරණය අඩු වීම නිසා පහසුවෙන් බැක්ටීරියා හා අසාදනවලට ලක්වීම
  • කන් ඇසීම අඩුවීම
  • ඇස් පෙනීම අඩු වීම

පාසල්, විශ්වවිද්‍යාල සහ විවාහවන වයසේ තරුණියන්

පාරිභෝගික කටයුතු පිළිබඳ අධිකාරියේ වාර්තාවලට අනුව ශ්‍රී ලංකාවේ කාන්තාවන් අතර සම පැහැපත් කර ගැනීම සඳහා ක්‍රීම් වර්ග භාවිතය ඉතා ඉහළ මට්ටමක පවතී.

සෞඛ්‍ය බලධාරීන් පවසන පරිදි පාසල් ශිෂ්‍යාවන් සහ විශ්වවිද්‍යාල ඇතුළු උසස් අධ්‍යාපනය හදාරන ශිෂ්‍යාවන් එවැනි ක්‍රීම් වර්ග භාවිතයට වැඩි නැඹුරුවක් දැක්වීම මෑත කාලයේ දක්නට ලැබෙන ප්‍රවණතාවකි.

එමෙන් ම විවාහ දිනය ආසන්න වන විට සම පැහැපත් කර ගැනීමේ අරමුණින් කාන්තාවෝ මෙවැනි ක්‍රීම් වර්ග භාවිතය කෙරෙහි යොමු වෙති. විවාහය වෙනුවෙන් එවැනි ක්‍රීම් වර්ග කෙරෙහි යොමු වන පුරුෂයන් ද නැතුවා නොවේ.

විවාහ දිනයට පෙර සම පැහැ ගැන්වීමේ ක්‍රීම් භාවිත කිරීම නිසා සෞඛ්‍ය ගැටලු මතු වූ කාන්තාවක සිය අත්දැකීම පැවසුවේ මෙලෙසය.

"මම වෙඩින් එකට මාස දෙකකට විතර කලින් ෆේෂල් එකක් කර ගන්න ගියා. සුදු වෙන්න ගිහින් අන්තිමේදී මට සිද්ධ වුණේ සුදු මැලි වෙන්න."

ආලේපනය හේතුවෙන් ඇති වූ දරුණු ආසාත්මිකතාවක් නිසා තම මුහුණ "විරූපී" වූ ආකාරය ඇය සිහිපත් කළාය.

ඇය සිය නම හෙළි කිරීමට අකමැති වූ අතර භාවිත කරන ලද ක්‍රීම් වර්ගය සම්බන්ධයෙන් ඇයට කිසිදු අවබෝධයක් නොතිබිණි.

ඉහත කී තරුණියගේ විවාහ උත්සවය පවත්වා මේ වන විට වසරක කාලයක් ගතව තිබේ. මුහුණ පැහැපත් කර ගැනීමට අලේප කළ ක්‍රීම් නිසා මුහුණේ ඇති වූ කළු පැහැති ලප නැති කර ගැනීම සඳහා මේ වන තුරුත් ඇය ප්‍රතිකාර ලබන්නීය.

අවධානය යොමු කළ යුතු ආලේපන සහ දියර වර්ග

පාරිභෝගික සේවා අධිකාරිය පවසන පරිදි රසදිය මට්ටම කෙරෙහි විශේෂ අවධානය යොමු කළ යුතු ආලේපන සහ දියර වර්ග:

  • මේකප් ක්‍රීම් සහ දියර වර්ග
  • මොයිස්චරයිසින් ක්‍රීම් සහ දියර වර්ග
  • රෝම ඉවත් කිරීමේ ආලේපන (වැක්ස්) සහ දියර වර්ග
  • හිරු රශ්මියෙන් සම පිළිස්සීම වළක්වන ක්‍රීම් (සන් ක්‍රීම්) සහ දියර වර්ග
  • සම පැහැපත් වීම සඳහා භාවිත කරන ක්‍රීම් සහ දියර වර්ග
  • සමෙහි අඳුරු පැහැය නොපෙන්වීම සඳහා භාවිත කරන [Vanishing] ක්‍රීම් සහ දියර වර්ග

ප්‍රමිතියෙන් යුත් ක්‍රීම් සහ දියර හඳුනා ගන්නා ආකාරය

රසදියවලට අමතරව ඊයම්, ආසනික් සහ කැඩ්මියම් යන බැර ලෝහ සමෙහි ආලේප කරන ක්‍රීම් හා දියර තුළ අඩංගු වේ. එම බැර ලෝහ සඳහා ද උපරිම සීමාවන් දක්වමින් ප්‍රමිති සකස් කර ඇත. බොහෝ විට ඉන් වඩාත් හානිකර බවට වාර්තා වී ඇත්තේ රසදිය බැවින් පිළිගත් වෙළෙඳ නාමයක් සහිත නිෂ්පාදන මිල දී ගැනීම ආරක්ෂාකාරී බව පාරිභෝගික කටයුතු පිළිබඳ අධිකාරිය පෙන්වා දෙයි.

නිෂ්පාදිත දිනය, කල් ඉකුත් වීමේ දිනය, අඩංගු රසායන ද්‍රව්‍ය සහ භාවිතයට උපදෙස් ලේබලයේ අඩංගු වී ඇත්දැයි පරික්ෂා කර බැලීම එහිදී වැදගත් වේ. පිළිගත් නිෂ්පාදනවල රසදිය අඩංගු නම් ලේබලයේ 'මර්කරි'' ලෙස හෝ මර්කරි අයඩෙඩ්, අමොනියටෙඩ් මර්කරි ආදී ලෙසින් සටහන් කර ඇති බව විශේෂඥ වෛද්‍ය ශ්‍රියානි සමරවීර පෙන්වා දෙන්නීය.

ශ්‍රී ලංකාවේ නීතිය

යම් ක්‍රීම් හෝ දියර වර්ගයක උපරිම සීමාවට වඩා රසදිය අන්තර්ගත බවට අනාවරණය කර ගත්ත ද ඒවා ශ්‍රී ලංකාව පුරා විකිණීම තහනම් කිරීමට පාරිභෝගික කටයුතු පිළිබඳ අධිකාරියට නීතිමය හැකියාවක් නොමැත.

"අපිට නඩු පවරන්න පුළුවන්. ඒත් පුංචි බාධාවක් තියෙනවා. 2003 අංක 09 දරන පාරිභෝගික කටයුතු පිළිබඳ පනත යටතේ මහේස්ත්‍රත්වරයාට බලතල තියෙන්නේ ඒ අධිකරණ බල සීමාව තුළ ඇති වෙළෙඳසල්වලින් එම භාණ්ඩ ඉවත් කරන්න පමණයි. ලංකාව පුරා ම විකුණන්න තියෙන්න පුළුවන්. ඒත් එහෙම නියෝගයක් දෙන්න බෑ.'' යනුවෙන් පාරිභෝගික කටයුතු පිළිබඳ අධිකාරියේ නියෝජ්‍ය අධ්‍යක්ෂිකා සමන්තා කරුණාරත්න කියා සිටියේ ඒ සම්බන්ධයෙන් පවතින නීතිමය පසුබිම විස්තර කරමිනි.

"රැවටෙන අය සිටින තුරු රවටන අයගේ අඩුවක් නෑ"

මේ අතර පාරිභෝගික කටයුතු පිළිබඳ අධිකාරියේ අධ්‍යක්ෂ ජනරාල් එම්.එස්.එම්. ෆවුසර් පවසන්නේ රසදිය අඩංගු ක්‍රීම් සහ ආලේපන ගැන දැනුවත් කිරීම සඳහා කාන්තාවන් ඉලක්ක කර ගනිමින් දැනුවත් කිරීමේ වැඩසටහන් පාරිභෝගික කටයුතු පිළිබඳ අධිකාරිය මගින් ආරම්භ කර ඇති බවය.

''ශ්‍රී ලංකාවේ බොහෝ දෙනෙක් හිතාගෙන ඉන්නේ පාරිභෝගික කටයුතු පිළිබඳ අධිකාරිය මගින් කරන්නේ බඩුවල මිල පාලනය කියලා. ඒක එක දෙයක් විතරයි. රටේ මුල් පුරවැසියාගේ සිට අවසාන කෙනා දක්වා අපි හැමෝම පාරිභෝගිකයෝ. ගැටලුව තියෙන්නේ බොහෝ පාරිභෝගිකයෝ තමන්ට වන අසාධාරණකම් වෙනුවෙන් නැගී සිටින්නේ නැති එක. ඒ නිසා ඔබේ ගැටලු 1970 කියන දුරකතන අංකයට කතා කරල කියන්න," යනුවෙන් පාරිභෝගික කටයුතු පිළිබඳ අධිකාරියේ අධ්‍යක්ෂ ජෙනරාල්වරයා වැඩිදුරටත් පැවසීය.

සුදු වෙන්න හදන අයට “කළු” ආරංචියක්.


වර්තමානයේ බොහෝදෙනා උත්සාහ දරන්නේ තමන්ගේ සම පැහැපත් කරගන්නවාටත් වඩා සම සුදු කරගැනීමටය. නවීන විද්‍යාව දියුණුවීමත් සමඟම ලෝකයේ බොහෝ රටවල් සම සුදු කර ගැනීමට විවිධ ක්‍රම අත්හදා බලමින් සිටී. ඒවායින් ඇතැම් අත්හදා බැලීම් සාර්ථක වුවද ඇතැම් විට මිනිසාගේ සිරුරට අහිතකර, විවිධ අසාත්මිකතා ඇතිකරවන අවස්ථා මතු වේ. 

සුදුවීමට වැඩිපුරම උත්සාහ දරන්නේ පිරිමි පාර්ශ්වයටත් වඩා කාන්තා පාර්ශ්වය වීම සාමාන්‍ය දෙයකි. එය ලෝකයේ බොහෝ රටවලට මෙන්ම ශ්‍රී ලංකාවටත් පොදු වූ කරුණකි. කෙනෙක් සුදුවීමට උත්සාහ දැරීම වැරැද්දක් ලෙස සැලකීමට නොහැක. විශේෂයෙන්ම ඕනෑම කාන්තාවක් උත්සාහ දරන්නේ තමන්ගේ ස්වභාවික රූප සම්පත්තියට වඩා සුන්දරත්වයත් මෙන්ම සුදක් එක්කර ගැනීමටය. ඒ සඳහා කෙනෙකුට හානියක් නොවී තම නිරෝගීභාවය ආරක්ෂා කරගනිමින්ම සුදුවන්නට ක්‍රමයක් ඇත්නම් එය අත්හදා බලා ක්‍රියා කිරීමෙහි වරදක් දැකිය නොහැක. ඕනෑම කෙනෙක් අන් අයට ආකර්ෂණය වන ලෙස ජීවත් වෙන්නට කැමතිය. එය කුඩා කල සිට මහල්ලා දක්වා පොදු වූ කරැණකි. නමුත් ඒ සඳහා මීට වඩා සැලකිල්ලක් දැක්වීම ඉතා වැදගත්ය.

“අපි උත්සාහ කරගත යුත්තේ අපේ පැහැය නිරෝගිමත් වන ලෙස, නිවැරදි ලෙස වර්ණවත් කර ගැනීමටයි. එය අපි පැහැපත්කම ලෙස හඳුන්වනවා. අපේ සිරුරේ ඇති පැහැය එමඟින් වැඩිදියුණු කරගන්නවා. නමුත් අපිට මුණගැහෙන්න එන කවුරුවත් “අනේ මට නිරෝගිමත් පැහැපත් භාවයක් ලබාදෙන්න” කියල කියන්නේ නම් නැහැ. ඒ අය ඇවිත් අපිට කියන්නේ “අනේ අපිව සුදු කරන්න” කියලායි යැයි ප්‍රවීණ රූපලාවණ්‍ය ශිල්පිනී නදීශා ද සිල්වා මහත්මිය දේශයට පැවැසුවාය.

ආසියාතික මිනිසුන් ලෙස අපට පිහිටා ඇත්තේ දුඹුරු රන්වන් පැහැය මිශ්‍ර සමකි. ඇතැමුන් ලා දුඹුරු පැහැති සමකට හිමිකම් කියති. ඕනෑම කෙනෙකුගේ පැහැය ජානවලින් පවතින දෙයකි.

“කෙනෙකු සුදු හෝ කළු පැහැය ඇතිවන්නේ ඒ තැනැත්තාගේ ජානවල හේතූන් නිසයි. යුරෝපා රටවල සියල්ලන්ම සුදු පැහැයෙන් යුක්ත වුවත් ආසියාතික රටවල බොහෝ මිනිසුන් දුඹුරු හෝ ලා දුඹුරු වර්ණවලින් යුක්ත වෙනවා. රටවල්වල දේශගුණික බලපෑම් අනුවද මිනිසුන්ගේ වර්ණය වෙනස් වෙනවා. කාලාන්තරයක් තිස්සේ ඒ ප්‍රදේශවල ජීවත්වීමෙන් ඒවාත් ඒ ජානවලට එකතු වෙනවා. මේ නිසා කෙනෙක්ට බලහත්කාරයෙන් තම වර්ණය වෙනස් කර ගැනීම ලෙහෙසි පහසු කටයුත්තක් නෙමේ. මීට අමතරව තවත් සමහරුන්ගේ ජානවල එම විකෘතිතා හේතුවෙන් සිරුර සුදු පැහැයක් ගන්නවා. ඇතැමුන්ගේ මෙම ජානවල විකෘතිතා හේතුවෙන් සිරුරේ තැනින් තැන සුදු පැහැයක් ගන්නවා. සුදු කළු භේදයට ප්‍රබලව බලපාන්නේ සමේ ඇති මෙළනින් වර්ණකය හේතුවෙනි. මෙම මෙලනින් වර්ණකය අඩු වූ විට සුදු පැහැයත් එය වැඩි වූ විට කළු පැහැයත් සිදුවෙනවා.” යැයි ආයුර්වේද විශේෂඥ වෛද්‍ය රූපලාවණ්‍ය උපදේශක ඒ.එච්. තෙන්නකෝන් මහතා දේශයට පැවසීය.

සුදුවීම වර්තමානයේදී කාලීන උමතුවක් වී හමාරය. බොහෝ අය සුදුවීමට උත්සාහ දරන්නේ විවිධ හේතුන් නිසාවෙනි. ඒ අතරින් කාන්තාවන් වැඩිවශයෙන් සුදුවීමට උත්සාහ දරන්නේ පිරිමින්ගේ ආකර්ෂණය දිනා ගැනීමටය. විශේෂයෙන් විවාහ වීමට සූදානම් වන වයසේ පසුවන තරුණියෝ තම ආදරවන්තයාගේ ආකර්ෂණය දිනාගැනීම සඳහා සුදුවීමට විවිධ ක්‍රම අත්හදා බලති.

මීට අමතරව බොහෝ අය සුදුවීමට උත්සාහ දරන්නේ තමන් කැමැති පුද්ගලයන්ගේ සමට සමාන වීමටය. විශේෂයෙන් තමන් වඩාත් ප්‍රියකරන නළු නිළියන්ගේ වර්ණයට සමාන වර්ණයක් ලබාගැනීමට උත්සාහ ගනිති. මේ නිසා මෙවැනි අය රූපලාවණ්‍යාගාරයට ගොස් “මට මේ නිළිය වගේ සුදු වෙන්න ඕනේ” යැයි රූපලාවණ්‍ය ශිල්පිණියට ඇවිටිලි කරනා අවස්ථාද නැතිවා නොවේ. පාසලේදී හෝ රැකියා ස්ථානයේදී අන් අය ඉදිරියේදී තම සිරුරේ වරණය නිස කොන්වන බව සිතට දැනීම නිසාත් තව සමහරු තම වර්ණය වෙනස් කරලීමටත් සමාජ මාධ්‍ය ජාලය ඔස්සේ තම සුන්දරත්වය පෙන්වීමටත් හැකිවන ලෙස සුදුවීමට උත්සාහ ගනිති.

මේ නිසා බොහෝ කාන්තාවන් තුළ සුදුවීමට ඇත්තේ දැඩි කැමැත්තකි. මේ බොහෝදෙනා සුදුවීම සඳහා විවිධාකාර ආලේපන වර්ග භාවිත කරති. ඇතැම්හු බ්ලිචින් ක්‍රීම් ආලේප කරති. සමහරු දැන හෝ නොදැන ඉක්මනින් සුදුවීමට රසදිය වැනි බොහෝ රසායනික ද්‍රව්‍යයන් අඩංගු ක්‍රීම්වර්ග පාවිච්චි කිරීමට උත්සාහ ගනිති. එමගින් සිදුවන්නේ මිනිස් සිරුරේ ඇති උඩු ස්ථරය යම් පිළිස්සීමකට ලක්වීමය. මෙම පැහැය පිළිස්සීම හේතුවෙන් සිරුරේ පවතින රෝම කූප ඇතුළු සියල්ල යම් සුදු පැහැයකින් දිස්වේ. ඇතැම්විට එය රත්රන් වර්ණකයකින්ද පෙනී යා හැක. මේ අවස්ථාවේදී බැලූ බැල්මට සුදු පැහැය දිස්වුවද පැහැපත් වුවද කාලයක් ගතවෙද්දී තිබෙන පැහැයද නැතිවී, ආසාත්මිකතා හටගැනීම හේතුවෙන් ඇතැම්විට රෝහල් ගතවීමට ද පුළුවනි. මේ තත්ත්වයන් හේතුවෙන් සමහරුන්ට ජීවිතය අහිමි වූ අවස්ථාද නැතිවාම නොවේ.

“බොහෝ කාන්තාවන් වර්තමානයේදී සුදුවන්නට උත්සාහ දරන්නේ එන්නත් ක්‍රම මගින්. එසේත් නැත්නම් ලේසර් ක්‍රම මගින්. මෙම එන්නත් මඟින් ග්ලුටෝ පයෝන් ශරීරයට එන්නත් කරගන්නවා. ග්ලුටෝ පයෝන් අප ශරීරයේ සාමාන්‍ය ප්‍රමාණයක පවතින දෙයක්. මෙය අප ශරීරයේ වැඩිපුර පවතින දෙයක් නොවේ. ශරීරයට පිටතින් එන්නත් ක්‍රම මඟින් ග්ලුටෝ පයෝන් ඇතුළු කරගැනීමටත් වැඩිවන මෙළනින් නම් ප්‍රබල ප්‍රතිඔක්සිකාරක ග්ලුටෝ පයෝන් පාලනය කරගන්නවා. එවිට ප්‍රබලතම ප්‍රතිඔක්සිකාරකයන් සමඟ පාලනය වීමත් සමඟ යම්කිසි පැහැයක් ඇතිවෙනවා. නමුත් මෙම එන්නත් ක්‍රමය හිතුමතේට පාවිච්චි කරන්න බැහැ. එයටම සුවිශේෂී වූ විශේෂඥ වෛද්‍යවරැන්ට පමණයි මෙම එන්නත් ලබාදිය හැකි වන්නේ.” යැයි ප්‍රවීණ රූපලාවණ්‍ය ශිල්පිනී නදීශා සිල්වා මහත්මිය ප්‍රකාශ කළාය.

සුදුවීමට පමණක් නොව වර්තමානයේදී බොහෝ කාන්තාවෝ තම රූපය සුන්දර කර ගැනීමට විවිධ නවීන ක්‍රම අත්හදා බලති. විශේෂයෙන් මුහුණේ රැලි වැටීම තාවකාලිකව හෝ වළක්වා ගැනීමට, පපු ප්‍රදේශය විශාල කර ගැනීමට, දෙතොල විශාල කර ගැනීමට උත්සාහ ගනිති. නමුත් මේ සියල්ලම කළ යුත්තේ ඒ සම්බන්ධ විශේෂඥ වෛද්‍යවරයකුගේ උපදෙස් හා අනුමැතිය ඇතිව පමණි. අද බොහෝ රූපලාවණ්‍යාගාර තුළදීද මෙවැනි එන්නත් ක්‍රම සිදුකරයි. හතු පිපෙන්නා සේ රූපලාවණ්‍යාගාර බිහිවන්නා සේ ඒ හා සමානවම එවැනි ආයතනවලින් රූපයට යම් හානියක් සිදුවීමෙන් රෝගී වූ අවස්ථාද නැතිවාම නොවේ. ඇතැමුන් මෙම එන්නත් තමන් විසින්ම එන්නත් කරගනී. එය ඉතා භයානක තත්ත්වයකි. එන්නත් කිරීම යනු ඉතා වේදනාකාරී අවස්ථාවකි. සුදුවීමට ඇති බලවත් ඕනෑකම නිසාම මෙම අධික වේදනාව වුවද විඳදරා ගැනීමට මොවුහු පෙළඹෙති.

වර්තමානයේ කතුන් සුදු කරන විශාලම මාෆියාව වන්නේ ආලේපන වර්ගයි. මේ වනවිට නොයෙකුත් වර්ගයේ ක්‍රීම් වර්ග වෙළෙඳපොළේ ඇත. ඇතැම් ක්‍රීම් රූපලාවණ්‍යාගාරවලම නිෂ්පාදනය කෙරේ. වෙළෙඳපොළට ගොස් ආලේපන වර්ගයක් ආලේපනය කරද්දී සොයා බැලිය යුතු කරුණු කාරණා රාශියකි. “හිතුමතේට ආලේපන වර්ග මිලදී ගන්න එපා. තව කෙනෙකු පාවිච්චි කරන, ක්‍රීම් ආලේපන වර්ගයක් තමන් හිතුමතේට ආලේප කරන්න එපා. වෙළඳපොළේ ඉතා සාර්ථක, ඉතා උසස් ආලේප වර්ගද පවතී. ඒවා මිලදී ගන්න. යම් ආලේපන වර්ගයක් මිලදී ගනිද්දී එහි වෙළෙඳ නාමය, නිෂ්පාදිත රට, එහි අන්තර්ගතව ඇති ද්‍රව්‍යයත්, ආනයනය කරන සමාගම, නිෂ්පාදිත දිනය, කල් ඉකුත්වීමේ දිනය හා ඒ සම්බන්ධව ඇති තත්ත්ව සහතිකය පිළිබඳව අවධානය යොමුකරන්න.” යැයි මේ පිළිබඳ බොහෝ විශේෂඥයෝ අවවාද කරති.

වෙළෙඳ පොළ විවෘතය. නමුත් පාරිභෝගිකයා බුද්ධිමත් විය යුතුය. ජීවත්වීමට විශාල කාලයක් නොමැත. ඒ කාලය තුළ සුන්දරව ජීවත්වන්නට ඕනෑම කෙනෙකු කැමැතිය. එහි කිසිදු වැරැද්දක් නැත. නමුත් හිතුමතේට වෙළෙඳ පොළේ ඇති ආලේපන මුහුණේ ආලේප කිරීමත් අඩු මුදලට වෙළෙඳ පොළේ ඇති ආලේපනවලට රැවටීමත් හානිකර ප්‍රතිඵල උදාකරයි. ඇතැම් ආලේපනවල අලුතින් ස්ටිකරයක් අලවා තිබීම දක්නට ලැබේ. ඒ කල් ඉකුත් වූ දිනය වෙනුවට නව දිනයක් ආදේශ කරමින්ය. මෙවැනි ආලේපන භාවිතයෙන් අසාත්මිකතා ඇතිවේ. ඇතැම්හු මේ පිළිබඳව තව කෙනෙකුට කීමට පවා මැලිවෙති. මේ තත්ත්වයට වැඩිපුරම මුහුණ දෙන්නේ මේ රටේ සාමාන්‍ය ජනතාවය. මුදල් හදල් ඇති අය වැඩිපුර මුදලක් වියදම් කොට විදෙස් රටකට ගොස් ඉහළ ප්‍රමිතියකින් යුත් එන්නත්, ආලේපන, මඟින් සුදුවීමට උත්සාහ ගනිති. නමුත් මාසේ වැටුපෙන් යම්තමින් ජීවත්වෙන කුඩා සැෂේ පැකට්ටුවක් ගෙන ලස්සන වෙන්නට උත්සාහ ගන්නා අප රටේ තරුණ තරුණියන් බහුතරයකට සුදුවන්නට ගොස් තිබෙන ලස්සනත් නැති කරගෙන ඇතැම් විට ජීවිතෙන්ම වන්දි ගෙවන්නට සිදුවීම කොයිතරම් නම් අවාසනාවන්තද...?

►දිශානි ජයමාලි කරුණාරත්න

අනවශ්‍ය රෝම සදහටම ඉවතට...


කාන්තා ඔබට අනවශ්‍ය රෝම කියන්නේ සිතට අසහනයක් එක්කරන කරුණක් බව අමුතුවෙන් කිවයුතු කාරණාවක් නොවේ. නමුත් වෙළෙඳ පොළේ දැනට පවතින රෝම ඉවත් කරන්නට නිපදවා ඇති ආලේපන සම්බන්ධයෙන් ඇතැමුන් දරන්නේ තරමක නොකැමැත්තකි. ඒ මෙවැනි ආලේපන ඇතැම් සංවේදී සමක් සහිත කාන්තාවන්ට අසාත්මික වීමෙන් විවිධ ගැටලු පැන නගින අවස්ථා කොතෙකුත් පැවතීම හේතුවෙනි. 

රෝම ඉවත් කරගැනීමට පවතින තාවකාලික විසඳුම්වලින් හෙම්බත්ව සිටින ඔබට දැන් නවීන විද්‍යාවේ පිහිටෙන් නැවත කිසිදු දිනයක මතුනොවන ආකාරයට සදහටම රෝම ඉවත් කරගැනීමට පුළුවන. මේ අප ඒ සම්බන්ධව සිදුකළ විමසුමකි. 

කාන්තාවන් බොහෝ දෙනෙකු පිරිමින් මෙන් මුහුණේ රෝම ඇතිවීම පිළිබඳ නොසතුටෙන් පසුවන්නන් බව පැවසුවහොත් ඒ මතය සමග කාන්තාවන් බොහෝ දෙනෙකු තම එකඟතාව පළකරනු ඇත. එපමණක් නොව කාන්තාවන්ගේ දෑත්, දෙපා, උදරය, පපුව, පිට යන ස්ථානවල සාමාන්‍යයෙන් රෝම වැවෙන්නේ ඉතා සිනිඳු ලෙසය. වැඩි කාලවර්ණයකින් යුතුව නොවුණත් ඇතැම් කාන්තාවන්ගේ දෑත්, දෙපාවල, පිට සහ බඩ, පපුව යන ස්ථානවල පිරිමි අයෙකුගේ මෙන් රෝම වැවෙන අවස්ථා කොතෙකුත් පවතී. එය ලැජ්ජාවට හෝ අපහසුතාවට පත්විය යුතු ශාරීරික වශයෙන් ආබාධමය තත්ත්වයක් සේ සැලකිය යුතු දෙයක් නොවුණද මෙම තත්ත්වය එයට මුහුණදෙන කාන්තාවන්ගේ සිරුරේ හොර්මෝන ක්‍රියාවලියේ යම් වෙනසක් පවතිනවිට හා ඩිම්භ කෝෂවල ගැටලු පවතිනවිට ඇතිවීමට හැක. මෙයින් සිදුවන්නේ කාන්තාවගේ සිරුරේ සමේ පවතින සියුමැලි බව හා අලංකාරය යම්තාක් අඩාළ වීමක් නිසා අනවශ්‍ය රෝම පිළිබඳ සෑම කාන්තාවක්ම කනස්සල්ලට පත්විය හැකිය.

විශේෂයෙන්ම කාන්තාවකගේ රූපකාය පෞරුෂත්වයට මේ අනවශ්‍ය රෝම පිළිබඳ ගැටලුව වඩාත් බලපාන්නේ ඇගේ විලාසිතාවන්ට එයින් බරපතළ ලෙස ගැටලු මතුකරන්නට ඇති ඉඩ කඩ හේතුවෙන් බව සුලභ කාරණයකි. එසේ කියන්නේ ඇගේ වෘත්තීය මට්ටමට එයින් යම් බලපෑමක් ඇතිවීම නිසා වෙන්නටත් පුළුවන. යම් කාන්තාවක් නිරූපිකාවක්, නිළියක් හෝ කිසියම් නියත දිගක් තීරණය කිරීම නිසා මදක් කෙටියට පෙනෙනා,( පොලිස් හා හමුදා වැනි නිල ඇඳුම් ඇඳීම වැනි දෙපා මදක් නිරාවරණයව පෙනෙන) ඇඳුම් අඳිනා විට අධික ලෙස රෝම වැවී  තිබීම ඇය අසහනයට පත්කරනා කාරණයක් වන්නට ඉඩ ඇත්තේ එයින් ඇගේ දෙපාවල සුන්දරත්වයට යම් අසුන්දර බලපෑමක් ඇතිවෙන්නට තිබෙන ඉඩ හසර හේතුවෙනි. නමුත් සුන්දරත්වයට ඇති එම බාධාව මිස එම රෝම ඇගේ සාමාන්‍ය ජීවිතයට බලපෑමක් එල්ල නොකරනා බවත්, එයින් යම් ශාරීරික බලපෑමක් ඇති නොකරන බවත් කිව යුතුය. එහෙත් එසේ රෝම වැඩිපුර වැවීමට හේතු සොයා බැලීම නම් වරදක් නොවන්නේ හෝර්මෝන අසමතුලිතතා මෙන්ම ඩිම්භ කෝෂවල පිළිකාමය තත්ත්වයන් පවතින විටත් මෙවන් ලක්ෂණ දැකිය හැකි නිසාය. නමුත් එවන් විශේෂ හේතුවක් රෝම වැවීමට බලනොපාන අවස්ථා තිබෙන බවත් අමතක නොකළ යුතු කරුණකි. කෙසේ නමුත් අනවශ්‍ය තරම් රෝම වැවීමේ සීග්‍රතාවක් පවතී නම් ඔබේ වෛද්‍යවරයා හමුවී අවශ්‍ය පරීක්ෂණ හරහා එයට හේතුව කුමක්ද යන්න තීරණය කරගැනීම වරදක් නොවේ.

දැන් අප අනවශ්‍ය රෝම ගැටලුව කාන්තා ඔබට ඇතිවෙන ආකාරය මුහුණ හා කඳ යන කොටස් දෙක වෙන වෙනම ගෙන විවරණය කර බලමු. කාන්තා මුහුණේ අනවශ්‍ය රෝම කම්මුල්, නිකට, සහ තොළ උඩ ඇති විය හැකි අතර මැද්දෙන් එකට හා වූ ඇහි බැමද කාන්තා මුහුණේ සුන්දරත්වයට බාධා කරයි. බොහෝ දෙනෙක් මේ සඳහා ත්‍රෙඩින් ක්‍රමය මෙන්ම වැක්ස් කිරීම , ට්වීසරයක ආධාරයෙන් ගැලවීම වැනි තාවකාලික ක්‍රම යොදාගන්නා අතර, එයද හරියාකාරව සිදු නොකළහොත් වෙනත් රූපලාවණ්‍ය ගැටලු ඇතිකරගන්නට මග පෑදිය හැක. 

එසේ රෝම කූපයෙන් රෝම ඇද ඉවත් කරන විට  එහි කේශ මූලය ආසාදනය වීම නිසා කළු පැහැති තිතක් ආකාරයේ පැල්ලමක් මතුවීමට ඉඩ තිබේ. එම අවස්ථාවේ එහි මෙලනින් තැන්පතුවක් ඇතිවීම හේතුවෙන් ඇතිවන මේ තිත් ආකාරයේ පැල්ලම් P I H ලෙස වෛද්‍ය විද්‍යාවේදී හඳුන්වනු ලබයි. මේ නිසා රෝම ඉවත්කිරීම නිසියාකාර දැනුවත් බවකින් සිදු නොකළහොත් එයින් අතුරුඵල රාශියක් ඇතිවීමට ඉඩ තිබේ. විශේෂයෙන් රෝම ඉවත්කිරීම සඳහා කිසියම් ආලේපනයක් තවරන්නේ නම් සමේ සීරීම් වැනි තත්ත්වයන් පවතින විට ඒවා ගැල්වීම එතරම් හිතකර නොවේ. මන්ද ඒවායේ අඩංගු රසායනිකයන් එවන් ස්ථානවලින් ශරීරය තුළට එක්විය හැකි බැවිනි. කුමන ක්‍රමයෙන් ඒවා ඉවත් කළත් එය නැවත වැඩෙන බැවින් වඩා සුදුසු වන්නේ ඒවා නැවත නොවැඩෙන අන්දමේ පිළියමකට යොමුවීම යැයි ඔබට සිතෙනවා ඇත. මෙසේ රෝම ඉවත්කළ හැකි ක්‍රම හතරක් පවතින බව ඔබ දන්නවාද? 

  1. ලේසර් හෙයා රිමුවර්
  2. කිවු ස්විච් ප්ලස්
  3. අයි පී එල්
  4. ඩයෝඩ් ලේසර් 808 නැනෝ මීටර් 

යනු ඒ ක්‍රම හතරයි. මෙහිදී රෝම ඉවත්කිරීම එක් දවසින්ම සිදු නොකෙරෙන බවත්, ඒ සඳහා වාර 4- 5ක් එම ප්‍රතිකාරයන්ට ලක්විය යුතු බවත් ඔබ දැන සිටිය යුතුය. නමුත් ඉතා දිගු කාලයක් මේ සඳහා බලාසිටිය යුතු නොවේ. මුහුණේ හැරුණු විට කිහිළි, බිකිනි ඒරියා, සහ පිට, පපුව, දෙපා, අත්  ආදී ස්ථානවලත් කාන්තාවන්ට අනවශ්‍ය යැයි සිතෙන පරිදි රෝම පැවතිය හැකිය. ඒවාද සදහටම ඉවත් කරන්නට අප මේ කියූ පර්මනන්ට් හෙයා රිමුවර් ක්‍රම තුළ අවශ්‍ය තරම් විසඳුම් තිබේ. මේවායේ අතුරු ආබාධ රහිත වන අතර අධික වියදමක්ද නොවේ. රුපියල් දස දහසත්, දොළොස් දහසත් අතර මුදලක් මෙම ප්‍රතිකාරයන්  සඳහා දල වශයෙන් වැය විය හැකි අතර, නැවත වතාවක් කිසිදු දිනයක රේසර්, වැක්ස්, රිමුවර් ක්‍රීම්. ත්‍රෙඩින් හෝ අනවශ්‍ය රෝම තාවකාලිකව ඉවත් කරන්නට දහස් ගණනින් මුදල් වැයකරන්නට ඔබට සිදු නොවනු ඇත. 

ඔබේ සිරුරේ හොර්මෝන තත්ත්වය කුමක් වුවත්, ආරය කුමක් වුවත් මේ ක්‍රමයෙන් සදහටම ඔබේ රෝම ඉවත්ව ගිය පසු නැවත ඇතිවීමක් සිදුනොවේ. එමෙන්ම මේ රෝම ඉවත් කළ පසු එය ඉවත් කර ඇති බවට කිසිදු සලකුණක් පිටතින් නොපෙනෙන බවද විශේෂයෙන් සඳහන් කළ යුතුය. මේ පිළිබඳව ඔබට වැඩිදුර තොරතුරු දැනගැනීමට අවැසි නම් 0716412427 යන දුරකථන අංකය මගින් වෛද්‍ය ජයරුවන් බණ්ඩාර මහතාව ඇමතිය හැක. 

සටහන - නාලිකා රාජපක්ෂ

කාර්යාලයේදීම ලේසීයෙන් ව්‍යායාම කළ හැකි ක්‍රම (Video)


මේ වන විට ලංකාවේ  පුද්ගලයින් ඉතා කාර්ය බහුලයිනේග ඉතින් ඔන්න මේ කාර්යබහුල කමත් එක්ක කාටවත් තමන්ගේ ශරීර සෞඛ්‍ය ගැන නම් හිතන්න වේලාවක් නෑ.

ඔන්න තමන්ගේ කාර්යාලය තුළ ඉඳළාම ව්‍යාම කරන්න  ක්‍රමයක් දැන් අපි ඔබට පෙන්වනවා.

එම වීඩියෝව පහතින් නරඹන්න.

ෆෙයානස් ක්‍රීම් නිවැරදිව ආලේප කරගන්නේ මෙහෙමයි




ෆෙයාර්නස්‌ ක්‍රීම් වර්ග ගැන ගැන කාන්තාවන්ගේ අවධානය වැඩිපුර යොමුවී තිබෙන යුගයක් තමයි මේ. දිනෙන් දින නොයෙකුත් නම්වලින් ෆෙයානස් ක්‍රීම් වෙළෙඳපොළට එක්වන්නේ මේ හේතුව නිසයි.

ෆෙයානස්‌වලින් සිදුවන්නේ මෙලනින් පාලනය කිරීමක්‌. මෙහිදී විශේෂයෙන් මතක තබා ගත යුතුවන්නේ වෙළෙඳපොලේ ඇති නොයෙකුත් බාල ෆෙයානස්‌ වර්ගවලට නොරැවටීමටයි.


  • ෆෙයානස් ක්‍රීම් නිවැරදිව ආලේප කරන්නේ මෙහෙමයි


බොහෝ දෙනෙක් ෆෙයානස් ක්‍රීම් ආලේප කරන්නේ මුහුණෙහි පමණයි. එය වැරදි ක්‍රියාවක්. එයින් සිදුවන්නේ ඔබේ  මුහුණ සහ සිරුර වර්ණ දෙකකට වෙන්වීම. ඒ නිසා ඔබ මිලදී ගත් හොඳ වර්ගයේ ෆෙයාර්නස්‌ ක්‍රීම් වර්ගය පළමුව හිරු එළියට සම පිළිස්‌සී ඇති ස්‌ථානවල ආලේප කරන්න. ටික දවසකින් සම නැවත යථා තත්ත්වයට පත් වූ පසු මුහුණ, බෙල්ල, අත් පා යන සියලු ස්‌ථානවල ෆෙයාර්නස්‌ ආලේප කිරීම අරඹන්න. අන්න එහෙම තමයි ෆෙයාර්නස්‌ එකක්‌ ආලේප කළ යුතු වන්නේ.

ඉක්‌මනින් සුදුවෙන්න හදන්නේ නැතිව එය ක්‍රමානුකූලව කාලයක්‌ ඇතුළත කළ යුතු දෙයක්‌ බව සිහිතබා ගැනීම හරිම වැදගත්.

ඇතැම් ෆෙයාර්නස්‌ වර්ගවල බ්ලීචිං මිශ්‍රකර තිබෙනවා. මේවා සමට සුදුසු දේවල් නොවෙයි. ගලයිකොලයික්‌ ඇසිඩ් ඇතැම් අවස්‌ථාවල භාවිත වුනත් එය ඉතාම සුළු ප්‍රමාණයකින්. එය වැඩිවීම සුදුසුම නැහැ. වෛද්‍ය නිර්දේශ අනුව තමයි එවැනි දේ සමට භාවිත කළ යුතු වන්නේ.


  • ෆෙයානස් ක්‍රීම් සහ සුදු පැහැති සමක් ලබා ගැනීම


සුදුවෙන්න හිතාගෙන නොයෙකුත් ෆෙයාර්නස්‌ වර්ග ආලේප කර සම නාස්‌ති කරගන්නා කාන්තාවන් අද දක්‌නට ලැබෙනවා. සුදු පැහැ සමක් වෙනුවෙන් විවිධ ආලේපනයන් වගේම, එන්නත් ආදිය ලබාගැනීමට ගොස් මරණයට පත්වූ කාන්තාවන් ගැනත් පසුගිය කාලයේ අසන්නට ලැබුණා ඔබට මතක ඇති.

අද ෆෙයාර්නස්‌ ආලේප කර හෙට සුදුවෙන්න තමයි බොහෝ දෙනා කල්පනා කරන්නේ. බ්ලීචිං වර්ග අඩංගු නම් එහෙම වෙන්න පුළුවන්. ඒත් ප්‍රතිඵල භයානකයි. කල් ගත වනකොට සම රැළි වැටෙනවා. සම ගැලවී වියළි යන තත්ත්වයක්‌ මතුවෙනවා. ඒ විතරක් නෙවෙයි සමේ පිළිකා තත්ත්ව පවා ඇතිවන්නට පුළුවන්.


  • ෆෙයාර්නස්‌ සහ SPF


ඔබ තෝරාගන්නා ෆෙයාර්නස්‌ ක්‍රීම් එකේ SPF (සන් ප්‍රොටෙක්‌ෂන් ෆැක්‌ටර්) හිරු කිරණින් සම ආරක්‍ෂා කිරීම ඇතුළත් නම් ඔබට එය එළිමහනට යනවිට ආලේප කළ හැකියි. මෙහිදීත් ඔබට විශේෂ යමක්‌ මතකයේ තබාගත යුතු වෙනවා. ඒ තමයි ඔබ තෝරාගන්නා ෆෙයාර්නස්‌ ක්‍රීම් එකේ SPF තිබෙනාවාදැයි කියන කාරණය. ඔබේ ෆෙයාර්නස්‌ ක්‍රීම් එකේ SPF නැතිනම් එය කිසිවිටෙකත් අව්වේ යනවිට අලේප කරන්න එපා. එය ආලේප කළ යුත්තේ නිවසේ සිටින සවස්‌ කාලයට සහ රාත්‍රී කාලයටයි.

SPF නැති ෆෙයාර්නස්‌ එකක්‌ එළියට යන විට ආලේප කිරීමේදී හිරු කිරණ සමඟ ෆෙයාර්නස්‌වල අඩංගු දේ ක්‍රියාකර සමට වෙනම ආබාධ සිදුවිය හැකි බවත් මතකයේ තබා ගැනීම නුවණට හුරුයි


How to bring up your child


English Translation by Dr. Tilak S. Fernando 

The late Dr. Buddhadasa Bodhinayake, was attached to Lady Ridgeway Hospital for Children in, Colombo, as a senior Paediatrician and worked for many years in the UK for the National Health Service as a Consultant and achieved the highest honour of being elected to Emeritus status. In 1975 he published a book in Sinhala, which can be identified as a 'twin'publication to the American Paediatrician Benjamin McLane Spock's Baby and Child Care, published in 1946.

Dr. Spock's message to mothers was: "You know more than you think you do". Dr. Bodhinayake said "How to bring up your child from the date of conception up to one year".

Dr. Buddhadasa Bodhinayake's book deals with many a problem young parents come across in bringing up babies and acts as a guide on how not to run to a doctor every time the mother thinks something is wrong with the baby, thus saving time and money while making parenting less stressful.


  • Contents

The book deals in twelve chapters with instructions to would be mothers during their pregnancy, on the condition of the new born and feeding during the first few days, about breast feeding, feeding babies other than breast milk, constipation, running temperature, epilepsy, treatment of dysentery and diarrhea, bathing techniques, colour of skin and importance of keeping the umbilical free of germs, reasons for puking, underdeveloped and over developed babies, weaning techniques, milk in preference to other baby food, how to gauge the constant growth, and the inoculations a baby should have. All in all, Dr. Bodhinayake has dealt with the vital subject of 'How to bring up a child from date of conception until one year old'.


  • Preface

Professor C.C.de Silva, attached to the University of Ceylon, wrote the preface to the book. In his summary he said, an embryo develops from the time it is conceived in a mother's womb and once the child is born the first year is regarded as the most vital period as the child proceeds to grow so rapidly. Then the growth pattern takes place increasingly during youth and goes through a process of development until the baby grows into adolescence and finally to adulthood. Therefore, it is the duty of the society to nurture and protect this growing process and look at how it could be done effectively.

45% of the population of 'Ceylon' is under the age of 18. Those who are under 30 years of age make up to 63.5%, which means that out of the whole population in Ceylon a major portion consists of the younger generation. Therefore it is vital to ensure that the young generation is kept healthy not only physically but mentally as well in order to achieve the best results for their own progress as much as the development of the country.


  • One has to remember that the

'growing up generation'is entirely dependent on the senior citizens of this country. This new generation depends on their parents for food, lodging, clothing, and medical expenses when sick, as well as for their education. These factors related to growing up will affect the adult community who are working hard to meet such expenses.

Take a small baby who is falling sick often, and the parents having to rush the child every time to a doctor or a hospital. The mother will not have anything else to do other than giving her full concentration and attention to the sick child. She simply becomes a mental wreck.

Quite often it is not only the mother who has to take the child to a hospital or a doctor. Child's father too has to accompany them, which boils down to the fact that he will not be able to go to work on a regular basis. He will have to take days off frequently, at times with 'no-pay'. Even if he were to go to work his concentration will be somewhere else because he becomes completely stressed out.
This will not only affect a single family unit, but such situations are going to affect the production lines of factories and work in offices which will push everyone in the whole country towards destitution. When such a situation is viewed in a dimensional perspective the whole family of that child can be classified as being sick.

Let's concentrate on how important health would be in the 'growing up' generation and take a child who falls ill regularly as an example. First and foremost the child's inability to attend school will affect his studies. Even if he goes to school he will not be fit to attend to his schoolwork properly. So there will be no future for that child who cannot receive a good education because interruptions become a wedge between his life and his school career. His opportunities to get ahead in life will be stunted under such conditions. This situation essentially affects our country today [1975].

In the circumstances, it is important to realize how parents in our society should look after their children's health from the day of conception.It is imperative to mention, that we all should be ashamed of the mortality rate of newborn babies in ' Ceylon' [1975 statistics].

Considering all these facts, one of our best students, Dr. Buddhadasa Bodhinayake's book on how to look after your child within the first year will be extremely helpful to parents, medical colleagues as well as to anyone in the society. This is my honest feeling – 

Professor C.C de Silva, M.D., FRCP
tilakfernando@gmail.com

දැනගෙන අඳිමු DENIM


ගැහැනු පිරිමි භේදයකින් තොරව අද වෙනකොට හැමෝම අඳින ඇඳුමක් තමයි ඩෙනිම් කලිසම. තරුණ පරපුර අතර මෙච්චර ජනප්‍රිය ඩෙනිම් කලිසම 16 වැනි සියවසේ විතර නිර්මාණය වෙලා තියෙන්නෙ ප්‍රංශයේදී. 'සර්ජ් ඩෙ නිම්' කියන පුද්ගලයා විසින් සොයා ගත්ත මේ මෙටීරියල් එක පසු කාලයේ ඩෙනිම් බවට පත්වුණා කියලා අදහසක් තියෙනවා. ඔහු මේ රළු ඩෙනිම් රෙදි රුවල් නැව්වල රුවල් සඳහා භාවිත කරලා තියෙනවා. නමුත් තෙත් වුණාට පස්සෙ බරින් වැඩිවීමත් පාවිච්චිය අපහසු වීමත් නිසා ඩෙනිම් රුවල් පාවිච්චිය නතර කරලා තියෙනවා.

ලෙවී ස්ට්‍රෝස් නිර්මාණය කරපු ඩෙනිම් මෙටීරියල් එක දැන් හඳුන්වන්නෙ "ලෙවිස්" කියලා. සමහර රටවල අය මේක කියවන්නෙ "ලිවයිස්" කියලා. ලෙවිස් ඩෙනිම් තමයි ලෝකෙ තියෙන වටිනාකමින් වැඩිම ඩෙනිම් වර්ගය. මුල් කාලෙ ලෙවිස් කියන බ්‍රෑන්ඩ් එකෙන් ආවෙ නිල් පාට ඩෙනිම් විතරයි. නමුත් 1936 වසරේ ඉඳලා කළු පාට ඩෙනිම් පවා ලෙවිස්ලා නිෂ්පාදනය කරනවා. 18 වැනි සියවසේ ඩෙනිම් නිෂ්පාදනය කරපු මුල්ම කාලෙ ඩෙනිම් ඇඳලා තියෙන්නෙ ඇමෙරිකාවෙ රස්තියාදුකාරයො, කම්කරුවො සහ සංචාරකයො. ඉතින් රළු ඇඳුමක් විදියට සලකන ඩෙනිම් ඇඳුම් වංශවත් රදලයන්ගේ උපහාසයට ලක්වෙලා තියෙනවා. සාමාන්‍යයෙන් ඩෙනිම් කියන්නෙ මාස ගණනක් වුණත් හෝදන්නෙ නැතිව අඳින්න පුළුවන් ඇඳුමක්. ඒ නිසා වෙන්න ඇති සංචාරකයන් අතර ඩෙනිම් කලිසම මෙච්චර ජනප්‍රිය වෙන්න ඇත්තෙ.

20 වැනි සියවසේ මුල් කාලෙ ඇමෙරිකානු පාසල් සිසුන්ගේ ජනප්‍රියතම ඇඳුම වෙලා තිබුණෙ ඩෙනිම් කලිසම. ඒ වුණත් 1960 අවුරුද්දෙ ඇමෙරිකාවෙ ඇතිවුණු තරුණ කැරැල්ලෙන් පස්සෙ පාසල් සිසුන්ට ඩෙනිම් අඳින එක තහනම් කළා. ඒකට හේතුවෙලා තිබුණෙ තරුණ කැරැල්ලට සහයෝගය දුන්නු තරුණ තරුණියන් ඩෙනිම් ඇඳුම ඒ අයගෙ ඪජධද එක බවට පත්කර ගත්තු එකයි. ඒ කාලෙදිත් මහන්සි වෙලා වැඩ කරන කම්කරු පන්තිය ඒ කියන්නෙ දුම්රිය සේවකයන්, ගොවීන්, මහාමාර්ගවල වැඩ කරන අය, පතල් කර්මාන්තයේ යෙදෙන අය ඇන්දෙ ඩෙනිම් කලිසමම තමයි.

සාමාන්‍යයෙන් ඩෙනිම් කලිසමක් මාස 15ක් පමණ හෝදන්නෙ නැතිව අඳින්න පුළුවන්. මේක කියන්නෙ අපි නෙවෙයි. ලෙවිස් සමාගමේ වර්තමාන හිමිකරු වන චිප් බර්ග් ෆෝචූන් මහත්මයා. ඔහු මේ ගැන කියන්නෙ කැනඩාවේ ඇල්බේටා විශ්වවිද්‍යාලයේ පර්යේෂකයන් පිරිසක් සිදුකළ පර්යේෂණයක වාර්තාවකුත් අතේ තියාගෙනයි. ඔහු කියන විදියට නම් ඩෙනිම් ඇඳුම් වතුර සහ සබන්වලින් අෑත් කර තබන තරමට වැඩි කාලයක් පාවිච්චි කරන්න පුළුවන්ලු. ඩෙනිම් කලිසම් පහසුවෙන්ම පිරිසුදු කරගන්න පුළුවන් විදියක් ගැනත් ඔහු කියනවා. ඒ තමයි හොඳින් නවපු ඩෙනිම් ඇඳුමක් පොලිතින් බෑග් එකකට දාලා වතුර යන්නෙ නැති විදියට සීල් කරලා පැය 24ක් ශීතකරණයේ තැබීමෙන් නැවුම් බව සුරැකෙනවා කියලා ඔප්පු වෙලා තියෙනවා. ඒ කියන්නෙ අලුත්ම අලුත් ඩෙනිම් ඇඳුමක තත්ත්වයට පත්වෙනවලු.

ඩෙනිම් ඇඳුම් නිෂ්පාදනය කරන්න වැඩි වශයෙන්ම යොදා ගන්නෙ කොට්න් රෙදි. සාමාන්‍යයෙන් කොට්න් රෙදි මීටරයකින් ඩෙනිම් කලිසම් 225ක් නිෂ්පාදනය කරන්න පුළුවන්. මේ වෙනකොට වසරකට ලෝක ඩෙනිම් කලිසම් නිෂ්පාදනය කොච්චරක් වෙන්න ඇද්ද? හරියටම කියනවා නම් ඩෙනිම් රෙදි යාර මිලියන 2.5ක් වසරකට නිෂ්පාදනය වෙනවා. වැඩියෙන්ම ඩෙනිම් අලෙවියක් තියෙන්නෙ ඇමෙරිකාව, කැනඩාව, ප්‍රංශය වගේ රටවල. ඇමෙරිකාවේ විතරක් අවුරුද්දකට ඩෙනිම් කලිසම් මිලියන 450ක් විකිණෙනවා. ගණන් හදලා බලපුවාම ගැහැනු-පිරිමි භේදයකින් තොරව හැම ඇමෙරිකානුවකුටම අනිවාර්යයෙන්ම අවුරුද්දකට ඩෙනිම් 7ක් වත් මිලදී ගන්න ඕනෙ. ඒත් ඒක එහෙමම වෙන්නෙ නැහැ.

ඩෙනිම් කලිසම මුලින්ම නිර්මාණය වුණේ කිසිම හැඩයක් නැති ඇඳුමක් විදියට. නමුත් පස්සෙ කාලෙ ඩෙනිම් කලිසම ටික ටික හැඩ වෙන්න පටන් ගත්තා. ඒ කියන්නෙ ස්ලිම් ෆිට්, ස්ලිම් බැගී, ටයිට් වගේ නම්වලින් වෙළෙඳපොළට ආවා. මේ වගේ හැඩයක් එක්ක ඩෙනිම්ස් වෙළෙඳපොළට එන්න හේතුව වුණේ කාන්තාවන් අතරත් ඩෙනිම් කලිසම ප්‍රසිද්ධ වීමයි. සාමාන්‍යයෙන් ඕනෑම කාන්තාවක් කැමැති තමන්ගෙ ඇඟේ හැඩය හොඳට පෙනෙන විදියට ඇඳුම් අඳින්නනෙ. ඒ නිසා කාන්තා සිරුරේ හැඩය පෙනෙන විදියේ ඩෙනිම් වෙළෙඳපොළට එන්න පටන් ගත්තා. ඒ 20 සියවසේ අන්තිම කාලෙදි. මුලදී කාන්තාවන් වෙනුවෙන් ආපු ස්ලිම් ෆිට් ඩෙනිම පසු කාලයේ පිරිමි අය වෙනුවෙනුත් නිෂ්පාදනය වුණා. මේ විදියට තමයි ඩෙනිම් කලිසම හැඩ වුණේ.

අද වෙනකොට ලෙවිස් සමාගමට අමතරව අද රයිෆල්, ගැප්, රැංග්ලර්, ඩීසල් වගේ සමාගම්වල ඩෙනිම් ඇඳුම් සඳහාත් විශාල ඉල්ලුමක් පවතිනවා. කොහොම වුණත් නියම ඩෙනිම් ඇඳුම්වලට අමතරව නියම ඩෙනිම්වල පෙනුමට ඒත් සමට අහිතකර වන විදියේ ඩෙනිම් වර්ගත් අද වෙළෙඳපොළේ තියෙනවා. ඩෙනිම් ගැන විශේෂඥ දැනුමක් තියෙන කෙනකුට නම් මේ දෙකේ වෙනස හඳුනා ගන්න පුළුවන්. අපේ රටේ අඩු ගණන්වලට තියෙන ගොඩක් ඩෙනිම් තත්ත්වයෙන් බාල ඒවා. ඒ කියන්නේ ලෙවිස් කොලිටි එක ඒවාවල නැහැ. සමහර විට ඒ ඩෙනිම් දෙතුන් වතාවක් සෝදනකොට පාට පිච්චෙනවා. නමුත් ඔරිජිනල් ඩෙනිම්වල එහෙම වෙන්නෙ නැහැ. අවුරුදු ගණන් ගියත් පාට වෙනස් වෙන්නෙ නෑ. ඒ නිසා ආයෙත් ඩෙනිමක් මිලදී ගන්න යද්දී බ්‍රෑන්ඩ් නේම් එක ගැන සැලකිලිමත් වෙන්න. ඩෙනිම් එකක් මිලදී ගන්නකොට සැලකිලිමත් වෙන්න ඕනෙ මොනවගේ කරුණුද කියලා ආයෙත් දවසක තවත් ලිපියකින් කියලා දෙන්නම්.


දුලංජලී මුතුවාඩිගේ 

අනේ, මම දන්නෙත් නැහැ - යමීශා(Photos)



යමීශා රසාධි කියන්නේ නිරූපණ ක්ෂේත්‍රයට අලුත් මුහුණුවරක්. ඇය විසින් නිරූපණය කරන ලැබූ ඡායාරූපයන් සඳහා ෆේස්බුක් තුළ ඉහළ ප්‍රතිචාරයක් හිමිව පවතී. මේ දිනවල නිරූපන ක්‍ෂේත්‍රය සම්බන්ධයෙන් සහ ඇගේ තොරතුරු සම්බන්ධයෙන් අපත් සමගින් මෙලෙස දිගහැරියාය.

"ඇත්තටම මේ දවස්වල විශේෂයක් කියලා දෙයක් නැහැ. තියෙන වැඩ ටික කරගෙන ඉන්නවා. දැනට මම මියුසික් වීඩියෝ දෙකක් සඳහා දායක වෙලා තියෙනවා. එයින් එක් ගීතයක් දැනට එළිදක්වලා තියෙනවා. තව අජිත් පෙරේරාගේ ගීතයක් සඳහා දායක වෙලා තියෙනවා. එය තාම එළිදැක්වුණෙ නැහැ. සිරස කුමරිය ඔස්සේ තමයි මට නිරූපණ ක්ෂේත්‍රයට එන්න අවස්ථාව ලැබුණේ. මගේ යාළුවෙක් තමයි මේ සඳහා ඉල්ලුම් කරලා තිබුණේ. අනේ ඒ ගැන මම දන්නෙවත් නැහැ. කොහොම හරි මේ තරගයෙන් අන්තිම දොළොස් දෙනා වෙනකම් ආවා. මේ වනවිට මට රංගනයට ආරාධනා ලැබිලා තියෙනවා. මොකද තවම අධ්‍යාපන කටයුතු කරන නිසා, ඒ ගැන තාම හිතලා නැහැ"








තනියම makeup කර ගැනීමේදී සිදුවන වැරැදීම්...



ගෙදරදී මේක්අප් කරගන්න ඕනෙම කෙනෙක් කැමැතියි. සැලොන් යන්න ගියාම කාලය විතරක් නෙවෙයි සල්ලිත් වියදම් වෙනවා. ඒත් ගෙදරදි කරන මේක්අප් එක සැලොන් එකේ කරන මේක්අප් එක තරම් නීට් නොවුණොත් ඒකත් ප්‍රශ්නයක්. ඉතින් මේ කියලා දෙන්න යන්නෙ ගෙදරදි මේක්අප් එකක් කරද්දි වෙන්න පුළුවන් අතපසුවීම් කීපයක් ගැනයි.

1. මස්කාරා පාවිච්චි කරද්දී වෝටර් පෘෆ් එකක් පාවිච්චි කරන්න. ඒ කියන්නෙ දාදියට හෝ කඳුළුවලට දියවෙන්නෙ නැති එකක්. සාමාන්‍යයෙන් තත්ත්වයෙන් බාල මස්කාරා ගාලා ටිකක් වෙලා යද්දි දාදිය දැම්මොත් ඇස් දෙක යටින් කළු පාටට මස්කාරා ගලන්න පටන් ගන්නවා. ඒ නිසා දියවෙන්නෙ නැති එකක් පාවිච්චි කරන්න. හොඳ තත්ත්වයේ මස්කාරා සෝදාහරින්න නම් වතුරින් තෙමලා ෆේස් වොෂ් එකක් දාලා සෝදන්නම ඕනෙ. මිලෙන් ටිකක් වැඩි වුණත් හොඳ මස්කාරා ඕනෙ තරම් වෙළෙඳපොළෙන් මිලදී ගන්න පුළුවන්.


2. ඔබේ මේක්අප් බ්‍රෂ් සෙට් එක ඔබ කොච්චර කාලෙකට සැරයක් පිරිසුදු කරනවාද? සමහර විට ගත්ත දවසෙ ඉ¼දලා පිරිසුදු කරලා නැතිව ඇති. සාමාන්‍යයෙන් මේක්අප් බ්‍රෂ් සෙට් එක දිනපතාම පාවිච්චි කරනවා නම් සතියකට වතාවක්වත් පිරිසුදු කරන්න ඕනෙ. සතියකට දවස් දෙකක් තුනක් විතරක් පාවිච්චි කරනවා නම් මාසෙකට වතාවක්වත් පිරිසුදු කරන්න ඕනෙ. මේක්අප් බ්‍රෂ් පිරිසුදු කරනවා කියලා කියන්නේ සෝදලා දාන එක නෙවෙයි. වෙළෙඳපොළේ ඒ වෙනුවෙන්ම නිෂ්පාදනය කරපු පිරිසුදුකාරක දියර තියෙනවා. ඒවායේ මිල අධික නැහැ.


3. ඔබ ෆවුන්ඩේෂන් පාවිච්චි කරන කෙනෙක් නම් ෆවුන්ඩේෂන් එකේ වර්ණය ගළපන්න ඕනෙ මුහුණේ වර්ණයට නෙවෙයි පිටි අත්ලේ වර්ණයට. එහෙම නැති වුණොත් වෙන්නෙ මුහුණ ගොඩක් සුදු පාටට ලස්සනට පෙනෙන එක හා අත් අඳුරු පාටට පෙනෙන එක. ඒ නිසා මුහුණ ඕනෙවට වඩා සුදු වෙන්න ෆවුන්ඩේෂන් දාන්න එපා. පිටි අත්ලේ වර්ණයට ෆවුන්ඩේෂන්වල වර්ණය ගළපනවා කියන්නේ එක්තරා ආකාරයකට ඔබ දෙස බලන්නාව රැවටීමක් විදියටත් කියන්න පුළුවන්.


4. ෆවුන්ඩේෂන් ආලේප කරද්දි මුළු මුහුණේම ආලේප කරන්නෙ නැහැ. සාමාන්‍යයෙන් මුහුණේ ඇස් යට සහ නාසය උඩ ඉංග්‍රීසි ඊ අකුරේ හැඩයට ෆවුන්ඩේෂන් ආලේප කළොත් මුහුණේ පිරිපුන් බවක් පෙන්වනවා. නමුත් සමහර ගැහැනු ළමයි සුදු පාට වෙලා පෙනෙන්න කියලා ෆවුන්ඩේෂන් ගොඩක් මුළු මුහුණේම ආලේප කරනවා. ඒක එච්චර හොඳ දෙයක් නෙවෙයි කියලා මතක තියාගන්න. ඒකෙන් වෙන්නේ ඔබ අනෙක් අයගේ සමච්චලයට ලක්වෙන එක විතරයි.


5. ක්‍යුටෙක්ස් ගාන අය ඒවා රිමූව් කරන්න කම්මැළි හිතුණාම තියෙන ක්‍යුටෙක්ස් එකට උඩින් නියපොතුවල පාට ක්‍යුටෙක්ස් එකක් ආලේප කරනවා. ඒකත් හොඳ පුරුදක් නෙවෙයි. සාමාන්‍යයෙන් ක්‍යුටෙක්ස් තට්ටු තට්ටු ආලේප කළාම නියපොතුවල ස්වාභාවික පැහැය නැති වෙලා අවපැහැ වෙන්න පුළුවන්. ඒ වගේම දීර්ඝකාලීනව ක්‍යුටෙක්ස් ගාගෙන ඉන්න එකත් හොඳ නැහැ. ඒ නිසා සති දෙකකට වතාවක්වත් පරණ ක්‍යුටෙක්ස් එක රිමූව් කරලා අලුතින් ආලේප කරන්න ඕනෙ.


6. ඔබ මේක්අප් එකක් දානකොට හොඳ තදට ආලෝකය එන ලයිට් එකක් පාවිච්චි කරනවා ඇති. ඒකත් වැරැදි පුරුද්දක්. සාමාන්‍යයෙන් මේක්අප් කරන්න හොඳම ලයිට් එක විදියට සලකන්නේ කහ පැහැ ලයිට් එක. එහෙමත් නැත්නම් ස්වාභාවික ආලෝකය. ඒ කියන්නේ සාලෙ හොඳට එළිය තියෙන අව්ව වැටෙන්නෙ නැති තැනක. එහෙමත් නැත්නම් ගහක් යට වගේ තැනක. සුදු ආලෝකය නම් මේක්අප් කරන්න හොඳම නැහැ කියලා ඒ සම්බන්ධ විශේෂඥ අය උපදෙස් දීලා තියෙනවා.



දුලංජලී මුතුවාඩිගේ


Salon නොයා ලස්සන වෙන්නේ මෙහෙමයි.



කාන්තාවකගේ එක හීනයක් තමයි ලස්සන වීම කියන්නෙ. හැම කාන්තාවක්ම කැමති කාගේත් ඇස් ඇය වෙත හැරෙනවට. අපි කවුරුත් බලන්නේ කොහොම හරි ලස්සන වෙන්න. සුදු වෙන්න. ලස්සනට අඳින්න. පළඳින්න. ඉතින් අද මම SHII Magazine එකෙන් කියලා දෙන්නේ කොහොම ද අඩු වියදමකින් ලස්සන වෙන්නේ කියලා.


ක්‍රම කිහිපයක් ම තියනවා.  


1. Blackhead අයින් කරගන්නේ කොහොම ද?








මේ  Blackhead කියන එක හැම කාන්තාවකට ම පොදු ප්‍රශ්නයක් වෙලා තියනවා. ඒ ඔයා ඔයාගේ මුහුණ නිසියාකාර ව  පිරිසිදු කරන්නේ නැති නිසා. විශේෂයෙන් makeup නිතරම use කරන අයට මේ කියන blackhead ඇතිවන ප්‍රමාණය වැඩි. ඉතින් Blackhead ඇති වෙලා ඔයාගේ මුහුණ කැත වෙනවා. ඊට පස්සේ Salonsවලට ගිහින් වියදම් කරලා අයින් කරගන්නවා. ඒ සල්ලි ටික ඔයාට ඉතුරු කරගන්න තිබ්බ නම් කොයි තරම් නම් හොඳ ද? එහෙනම් මෙන්න ගෙදර දී ම විසඳුම. කරන්න ඕනෙ පොඩි දෙය යි. 


අවශ්‍ය ද්‍රව්‍ය 

Baking soda මේස හැඳි 1ක්
වතුර මේස හැඳි ½ක්
කුඩා bowl එකක්
බිත්තර සුදු මදය
Toilet papers හෝ Tissue papers
පින්සලක් (තරමක් කෙඳි සහිත පැතලි පින්සලක් විය යුතුයි)


මේක මුහුණට apply කරන්න කලින් අපි මුහුණ හොඳට පිරිසිදු කරගෙන ඉන්න ඕනෙ. ඔයා පාවිච්චි කරන face wash එකෙන් ඉස්සෙල්ල ම මුහුණ පිරිසිදු කර, තෙතමාත්තු කර උණුවතුර bowl එකකට පුරවා steam කරන්න. මේක විනාඩි 5ක් කලොත් ඇති.
ඊට පස්සේ අපිට පුළුවන් Baking soda පස්ටේ එක blackhead තියන තැන්වල ගාගන්න.


සාදන ක්‍රමය

Baking soda වතුර සමඟ මිශ්‍ර කර ගෙන paste එකක් සාදා ගන්න. පසුව blackhead තියන තැන්වල ආලේප කරන්න. (මෙම ආලේපය මුළු මුහුණට ම වුවත් සුදුසු වුව ද විශේෂයෙන් blackheadවලට සුදුසු වේ.) මිනිත්තු කිහිපයක් scrub කර හොඳින් සෝදා හරින්න. පසුව බිත්තර සුදු මදය ගෙන bowl එකකට දමා මදක් බුබුළු එන තෙක් beat කරගන්න. පසුව පින්සල රැගෙන බිත්තර paste එක අලේප කරගන්න. Toilet හෝ tissue paper එකක් රැගෙන (toilet papers වඩාත් සුදුසු යි.) ආලේප කරන ලද බිත්තර paste එක මත තබන්න. නැවත සාදාගත් බිත්තර paste paper එක මත apply කර මද වේලාවකින් ඉවත් කර ගන්න. පසුව හොඳින් සෝදා හරින්න. ඉන් පසු ඔබ පාවිච්චි කරන moisturising cream එක ආලේප කරන්න.




2. Face mask එකක් සාදා ගන්නේ කොහොම ද?






ලස්සන වෙන්න, ලස්සනට ඉන්න තවත් එක ක්‍රමයක් තමයි face mask එක කියන්නේ. මම මේ කියලා දෙන ක්‍රමය හරිම සරල යි. ඒ වගේ ම හරියට ම හරියන දෙයක්.
අවශ්‍ය වෙන්නේ මෙච්ච්චර යි.

දෙහි යුෂ මේස හැඳි 2ක්
Baking soda මේස හැඳි 4ක් හෝ 5ක්
Bowl එකක්
(මෙය තමන්ගේ මුහුණේ ප්‍රමාණය මත වෙනස් විය හැකි ය.)


සාදන ක්‍රමය
දෙහි යුෂ සහ Baking soda රැගෙන bowl එකට දමා paste එකක් සෑදෙන සේ කලවම් කරගන්න. පසුව විනාඩි 20ක පමණ කාලයක් තබා සීතල ජලයෙන් සෝදා හරින්න. 


3. කිහිලි ප්‍රදේශවල අවට තිබෙන කළු ඉවත් කරගන්නේ කෙසේ ද?







හැම කාන්තාවකගේ ම කිහිලි ප්‍රදේශ සහ දණිහිස් ප්‍රදේශ කළු පැහැ වීම සාමාන්‍ය දෙයක්. නමුත් එය කාන්තාවන් වූ අපට හිසරදයක්. ඉතින් අපි බලමු මේ කළු වූ ප්‍රදේශයන් ඉවත් කරගන්නේ එහෙමත් නැත්නම් සුදු කරගන්නේ කොහොම ද කියලා.


අවශ්‍ය ද්‍රව්‍ය
වතුර මේස හැන්දක්
Baking soda මේස හැඳි 3ක් පමණ
Paste එක සාදා ගැනීමට කුඩා භාජනයක් 


සාදන ක්‍රමය
වතුර සහ baking soda එකට දමා paste එකක් ආකාරයට සාදා ගන්න.
මේක ආලේප කරන්න කලින් කරන්න පිරිසිදු කරගන්න ඕන ක්‍රමයක් තියනවා. කිහිල්ල සහ එහි අවට හොඳින් පිරිසිදු කරගන්න. පසුව shaving razor එකක් මගින් shave කර සෝදා පිරිසිදු කරගන්න.
පසුව අප සාදාගත්  baking soda ආලේපය අලේප කර විනාඩි කිහිපයක් වේලෙන්නට තබා සෝදා හරින්න.



-සාරා දිසානායක

විනාඩි 10න් රු:30කින් ගෙදරදී ම කොණ්ඩේ පාට කරගන්න.


විනාඩි 10න් රු:30කින් ගෙදරදී ම කොණ්ඩේ පාට කරගන්න.

අද කාන්තාවන් කොණ්ඩේ පාට කරගන්න යි කියලා කියක් වියදම් කරනවා ද? සාමාන්‍යයෙන් දිග කොණ්ඩයක් full colour කරගන්න රු: 2000ක් විතර යනවා. කොණ්ඩේ එක line එකක් පාට කරගන්න රු: 200ක්වත් වැය කරන්න වෙනවා. ඔව්. කඩෙන් අරගෙන ගෙදරදී ම වුනත් colour කරගන්න පුළුවන්. ඒත් Hair colour එකක් රු: 500ක්ත් වෙනවනේ. අනික කොණ්ඩේ colour කරපුවාම damage වෙනවා. ඒ Bleaching ගතිය නිසා. ඊට වැඩිය හොඳ නැද්ද විශ්වාසවන්තව, ස්වභාවිකව ම ගෙදරදී ම පහසුවෙන් ම, වැඩි වියදම් නො කර, බයක් නැතුව තමන් විසින් ම hair එක colour කරගන්න එක? අද මම SHii Magazine එකෙන් කියලා දෙන්නේ කොහොම ද ස්වභාවික ව කොන්ඩේ colour කරගන්නේ කියලා. 

මේ colour එක දුඹුරු පැහැයක් ගන්නවා. වඩාත් සුදුසු කොණ්ඩය අගට ගානවා නම්.  
හදන්නේ මෙන්න මෙහෙම.

අවශ්‍ය ද්‍රව්‍ය
දෙහි යුෂ
පමණක් ගැඹුරු bowl එකක්

සාදන ක්‍රමය 
සාදා ගත් දෙහි යුෂ පිරිසිදු කරගත් භාජනයකට දමා ගන්න.

Use කරන්නේ මෙන්න මෙහෙම.

ඉස්සෙල්ලා ම කොණ්ඩේ ස්ම්පූර්ණයෙන් ම තෙමා ගන්න ඕනෙ. පසුව කොණ්ඩය අග කොටස දෙහි යුෂ දමා ගත් භාජනයට දමා ගිල්වන්න. දැන් විනාඩි 10ක පමණ කාලයක් හිරු එළියෙන් වේලා ගන්න. (කොණ්ඩය ස්ම්පූරණයෙන් ම වේලා ගත යුතුයි.)

මේක ගාලා ඔයා normally use කරන shampoo එකෙන් කොණඩය සෝදන්න. 

සාරා දිසානායක.


ලස්සන පැහැපත් දෙතොලක් සති දෙකකින්.



අද Shii magazine එකෙන් කියලා දෙන්නේ කොහොමද අඩු වියදමින් lip balm එකක් ගෙදරදීම හදාගන්නේ කියලා. අපේ කාන්තාවන්ගෙන් 90%ක්ම තොල් ආලේපන පාවිච්චි කරනවා. මේවා ගෑවාම අපේ තොල් කළු වෙනවා. ඉතින් අපි ඒ වෙනුවට lip balm එකක් පාවිච්චි කරනවා. ඔබ හිතන විදියට ඔබ ඒ පාවිච්චි කරන lip balm එක ස්වභාවික තත්වයෙන් උසස්, විශ්වාසය තහවුරු කල හැකි ආලේපන වර්ගයක් ද? අද මේ වන විට වෙළදපොලට හදුන්වා දී ඇති lip balm වර්ග රැසක් ඔබට දැකගන්න පුළුවන්. ඒවායින් ඔබට හොදම මොකක්ද කියලා තෝරලා අරගන්න පුළුවන් ද? බෑ. ඔබ මිල දී ගන්නේ සැකයකින්. මේකෙන් මට ප්‍රතිඵලයක් ලබයි ද යන ප්‍රශ්නාර්ථය මත. විශ්වාසවන්තව හොද brand එකකින් lip balm එකක් ගන්න ගියොත් රු. 2000ක්වත් යනවා. ඔබ දන්නවා ද ඔබේ දෙතොල් ඔබේ මුහුණේ වර්ණයට සමාන වර්ණයකින් වර්ණ වී ඇති බව?

මේ lip balm එක දෙතොල් කළු වූ විට, පැලුනු විට පාවිච්චි කරන්න පුළුවන්.

අපි දැන් බලමු මේක හදන්නේ කොහොම ද කියලා.

  • අවශ්‍ය ද්‍රව්‍ය


Strawberry                               ගෙඩියක්
Olive oil                                   තේ හැදී 1 ½
මී පැණි                                      තේ හැන්දක්
කුඩු කරගත් සීනි                         තේ හැදී 2ක්
දෙහි යුෂ ස්වල්පයක්
කුඩා බෝතලයක්

  • සාදන ක්‍රමය

පිරිසිදු කරගත් bowl එකක් රැගෙන එයට මී පැණි, කුඩු කරගත් සීනි, Olive oil දමා කලවම් කරගන්න. දැන් එයට කුඩාවට කපාගත් Strawberry දමා කලවම් කරගන්න. පසුව දෙහි යුෂ ස්වල්පයක් දමා නැවත කලවම් කරගන්න.

සීනි කුඩු කරගන්න කිව්වේ දිය කරගන්න ලේසි වන නිසා. අනික මේකට වැඩ හොද නම් රතු සීනි. නෙත්නම් සුදු සීනි යොදා ගන්නත් පුළුවන්. තවත් එකක් තමයි Strawberry පුළුවන්තරම් කුඩාවටම කපාගන්න එපා එතකොට වතුර ගතිය ගොඩක් වැඩි වෙනවා. සාමාන්‍ය ගානට කපලා mix කරගන්න. දැන් අර පිරිසිදු කරගත් බෝතලයට (වතුර නොතිබිය යුතුයි.) හදාගත් mixer එක දාගන්න. (Strawberry කැබලි නො දැමිය යුතුයි.) සහ මෙය කාමර උෂ්ණත්වයක තිබිය යුතු වේ.

මේක පාවිච්චි කරන විදියකුත් තියනවා.

මිනිත්තු 10ක් තියලා උණුවතුරෙන් සෝදන්න. ගොඩක් හොදයි සෝදලා, ඝනකම රෙදි කැබැල්ලකින් (towel එකකින් වගේ) පිහදානවා නම්.

දැන් මම කියන්නම් මේවයින් අපිට ලැබෙන ගුණය ගැන...

Strawberry – රසය සහ දෙතොලට නව පෝෂණයක් ගෙන දේ.

Olive oil විටමින් E, දෙතොලට සිනිදු භාවයක් ගෙන දේ.

මී පැණි - දෙතොල් වියලී යාම වළකා දමයි

දෙහි - විටමින් A, විටමින් B-6, විටමින් B-12, විටමින් C, විටමින් D


-සාරා දිසානායක

දිගු කෙස් කළඹක් සතියකින්...


දිගු කෙස් කළඹක් සතියකින්...

දිගු කෙස් කලබක් සතියකින් වවාගන්න කවුරුත් කැමති. කොන්ඩේ වවාගන්න ක්‍රම මේ ලෝකේ ගොඩාක් තියනවා. සමහර අය කොන්ඩේ Olive oil ගානවා. තව සමහර අය කොන්ඩේ ඉස්සරහ විතරක් layer කරනවා. තවත් අය කියනවා කොළ ජාති කන්න කියලා. තවත් අය ඔලුවට Vitamins ජාති දානවා. මේ ඔක්කොගෙන්ම ඔයාගේ කොන්ඩේට ලැබෙන්නේ එක එක පෝෂණයක් විතරයි. ඔව්. Olive oilවලින් දිග වරලසක් ලබා ගන්න පුළුවන්. පෝෂණයකුත් ලැබෙනවා. එත් කොන්ඩේට ලස්සනක් එහෙමත් නැත්නම් පොඩි shine එකක් නිසියාකාරව ලැබෙන්නේ නෑ. Layer කලොත් නම් කොන්ඩේ තියන ලස්සන නැති වෙනවා. හැබැයි කොන්ඩේ යන්තමට වගේ වැවෙයි. පස්සේ හිතෙනවා අපරාදේ කොන්ඩේ කැපුවේ කියලා. Vitamins හෙවත් Vitamin E කොන්ඩේට දානවා. පෝෂණයක් ලැබෙනවා. එත් වැවෙන්නේ හරි හෙමින්. 

කොන්ඩේ වැවෙන්න කරන්නේ මොනවද? 

සමහර අයගේ කොන්ඩේ දිගයි. හැබැයි පෝෂණය මදි. සමහර අයගේ කොන්ඩේ වැවෙන්නේ නෑ. පෝෂණය ඇති. සමහර කාන්තාවන්ට මේ ඔක්කොම තියනවා හැබැයි කොන්ඩේ Shine එක නෑ. මේ ඔක්කොටම එකම එක විසදුමක්‌ තියනවා.

ඒ තමයි බිත්තර පෝෂණ සත්කාරය. මේක ඇහුව ගමන් අපේ කාන්තාවන් ඊයා කියනවා. ඒ බිත්තරවල තියන පිලී ගතිය නිසා. නෑ. බිත්තර විතරක් දාලා මදි. ඒකට Olive oil, මී පැණිත් එකතු කරනවා. මේවා එකතු වුණාම බිත්තරවල තියෙන පිලී ගතිය නැතිවෙලා යනවා. හැබැයි 100%ක්ම නැති වෙනවා කියලා මම කියන්නේ නෑ. මේකට දෙහි බින්දුවක් දාන්නත් පුළුවන්. එතකොට තවත් බිත්තරවල තියෙන ගද අඩු වෙනවා. 

දැන් මම කියන්නම් මේ ජාතිවලින් කොන්ඩේට ලැබෙන පෝෂණය කොයි වගේ ද කියලා.

1.බිත්තර - ඔබේ වරලසට ඉතා හොද පෝෂණයක් ලබා දෙන අතර ඔබේ වරලස සිනිදු කරයි.

2.Olive oil - Olive oilවලින් ඔබේ වරලස වැඩෙන ප්‍රමාණය වැඩි කරයි.



3.මී පැණි  - මී පැණි මගින් ඔබේ වරලසට දිලිසීමක් ලබා දෙන අතර බිත්තරවල තියෙන පිලී ගතිය අඩු කරයි.


මේක හදන්නේ මෙන්න මෙහෙම. 

ඉස්සෙල්ලම පොඩි පිරිසිදු bowl එකක් අරගෙන කඩාගත් සම්පුර්ණ බිත්තරය දමා beat කරගන්න. දැන් Olive oil සහ මී පැණි මේස හැදී එක බැගින් දමා හොදින් beat කරගන්න. දැන් එය හිස් කබල මත ආලේප කර විනාඩි 5ක පමණ කාලයක් නොනවත්වා සම්බාහනය කරන්න. 
මේක ගාලා සෝදන්න ක්‍රමයකුත් තියනවා. 

ඉස්සෙල්ලම ඔලුව සෝදන්න වතුරෙන්. ඇල් වතුරෙන් සෝදන්න ඕනෙ. සෝදලා  Shampoo දාලා ආයේ සෝදන්න. ඊට පස්සේ වේලලා Silicone oil ටිකක් කොන්ඩේ ආලේප කරන්න. 



-සාරා දිසානායක
www.facebook.com/sara.dissanayake