Showing posts with label Better Living. Show all posts

චොකලට් වලින් ගෙදරදීම හදාගන්න පුළුවන් රසම රස කෑම



ලොකු කුඩා අපි කවුරුත් ඕනෙම වෙලාවක් කන්න කැමති චොකලට් වලින් ලේසියෙන්ම හදන්න පුළුවන් රසවත් කෑම කීපයක් සහ රසම රස හොට් චොකලට් එකක් හදා ගන්න හැටි අපි අද අනිවා වෙතින් අරගෙන ආව. කලින් කාල නැති වගේම කාල බීල තිබ්බත් හදන්න දන්නෙ නැති රෙසපි ටිකක් තමයි මේ.



1. Hot Chocolate




අවශ්‍ය ද්‍රව්‍ය:

මිල්ක් චොකලට් කප් 1 (ඔබ කැමතිම Cadbury හෝ Lindt වැනි මිල්ක් චොකලට් ගැනීමෙන් වඩාත් රසවත් කරගන්න පුළුවන්)
ෆ්‍රෙශ් මිල්ක් කප් 4
රස අනුව සීනි
වැනිලා තේ හැඳි 1
බ්‍රැන්ඩි මේස හැඳි 3 (රසය වඩාත් වැඩි වීමට කැමති නම්)


චොකලට් ටික ඉතාම කුඩා කැබලි කපා ගන්න.

කිරි ටික ලිප තබා මද ගින්නේ හැඳි ගාමින් රත් කරගන්න. එයට සීනි (රස අනුව), චොකලට් සහ වැනිලා එක් කර ලිපෙන් ඉවතට ගෙන චොකලට් දිය වෙන තුරු මිශ්‍ර කරගන්න.

නැවත ලිප තබා උතුරන තුරු මද ගින්නෙ නොනවත්වා හැඳි ගාන්න.  ලිපෙන් ඉවතට ගෙන උණුවෙන්ම පිළිගන්වන්න. බ්‍රැන්ඩි එක් කරනවා නම් එයත් එක් කරගන්න.

(පිළිගැන්වීමට පෙර කෝප්පයේ යටට චොකලට් කුඩා කැබලි කීපයක් එක් කර ඒ මතට හොට් චොකලට් වත් කරගැනීමෙන් හොට් චොකලට් පානයෙන් පසුව රසවත් මෙල්ටඩ් චොකලට් රස බලන්නත් පුළුවන්.)



2. Chocolate Cashew Toast


අවශ්‍ය ද්‍රව්‍ය:

මිල්ක් චොකලට් (සාමාන්‍ය චොකලට්)
පාන් පෙති
රෝස්ට් කර කුඩු කරගත් කජු
කුරුඳු කුඩු ටිකක් (කැමති නම්)


චොකලට් ටික මෙන්න මේ පහසු විදියට Boil කර දිය කරගන්න.
එයට කුඩු කරගත් කජු සහ කුරුඳු කුඩු එක් කර හොඳින් මිශ්‍ර කරගන්න.
පාන් පෙති වල බටර් තවරා සාදාගත් චොකලට් මිශ්‍රණය තවරා ටෝස්ටරයකින් ටෝස්ට් කරගන්න.



3. Chocolate Peanut Butter Cups


අවශ්‍ය ද්‍රව්‍ය:

මිල්ක් කුකින් චොකලට් 320
පීනට් බටර් කප් 1
සීනි කප් 1\2
ලුණු තේ හැඳි 1\4
කප් කේක් ලයිනර්ස් 12


කප් කේක් ලයිනර්ස් ඒවායේ උසින් භාගයක් වෙන තරමට කපා ගන්න.
කුකින් චොකලට් වලින් භාගයක් මෙන්න මේ පහසු විදියට Boil කර දිය කරගෙන ඒවා සකස් කරගත් කප් කේක් ලයිනර්ස් වලින් භාගයක් පිරෙන තරමට හැන්දකින් දාගන්න. මුළු කොලය පුරාම තැවරෙන ලෙස හැන්දෙන් තවර ගෙන හයි වන තුරු අධි ශීත කරන්න.

ඒ අතර තුර සීනි, ලුණු සහ පීනට් බටර් එකට මිශ්‍ර කරගන්න. සෙට් වුන චොකලට් කප්ස් ගෙන ඒවා මැදට පීනට් බටර් මිශ්‍රණය පුරවන්න.
ඉතුරු චොකලට් ටිකත් පෙර පරිදිම උණු කරගෙන පීනට් බටර් උඩින් වත් කර නැවත ශීත කරනයේ දමා සෙට් කරගන්න.



4. Chocolate Pots


අවශ්‍ය ද්‍රව්‍ය:

සීනි කප් 2\3
කෝන් ෆ්ලා මේස හැඳි 2
ලුණු පින්ච් එකක්
ෆ්‍රෙශ් මිල්ක් කප් 3
බිත්තර කහ මද 4
වැනිල තේ හැඳි 1\2
චොප් කරගත් ඩාර්ක් චොකලට් 170
කොකොවා පව්ඩර් තේ හැඳි 1\2


ලිපේ තියන්න පුළුවන් භාජනයකට කිරි කප් 1, කෝන් ෆ්ලා, සීනි සහ ලුණු එක් කර මිශ්‍ර කර බිත්තර කහ මද එකින් එක විස්ක් එකකින් ගසමින් එක් කරගන්න.

මෙයට ඉතිරි කිරි එක් කර හොඳින් මිශ්‍ර කරන්න.

භාජනය ලිප තබා අඩු ගින්දරේ මිශ්‍රණය ඝණ වන තුරු විනාඩි 12ක් පමණ නොනවත්වා හැඳි ගාන්න. උතුරන්න දෙන්න එපා.
ඝණ වූ පසු ලිපෙන් ඉවතට ගෙන වැනිලා සහ චොප් කරගත් චොකලට් එක් කර චොකලට් දිය වන තුරු හැඳි ගාන්න.
පිළිගැන්වීමට සුදුසු වීදුරු කප් වලට දමා පැය දෙකක් පමණ ශීතකරණයේ තබා උඩින් චොකලට් පව්ඩර් ඉස පිළිගන්වන්න.



5. Chocolate Bread Pudding




අවශ්‍ය ද්‍රව්‍ය:

මිල්ක් චොක්ලට් හෝ මිල්ක් කුකින් චොකලට් 225
වාටි ඉවත් කරගත් පාන් 150
හෙවි ක්‍රීම් කප් 3\4
ෆ්‍රෙශ් මිල්ක් කප් 3\4
වැනිලා තේ හැන්දක්
බිත්තර කහ මද 3
සීනි කප් 1\3


භාජනයක් අඩු සාමාන්‍ය ගින්දරේ ලිප තබා එයට විස්ක් එකකින් ගසා ගත් කිරි, හෙවි ක්‍රීම් සහ වැනිලා එක් කර උතුරන තුරු විටින් විට හැඳි ගා ගන්න. උතුරන්න ළං වූ විට ලිපෙන් ඉවතට ගෙන චොකලට් කුඩා කැබලි වලට කඩා එක් කර දිය වෙන තුරු මිශ්‍ර කරන්න.

වෙනම බඳුනක බිත්තර කහ මද සහ සීනි ක්‍රීම් වන තුරු ගසා ගෙන එය චොකලට් මිශ්‍රණයට එක් කර හොඳින් මිශ්‍ර කරගන්න.

බටර් තවරාගත් අවන් කල හැකි බඳුනක පාන් අතුරා එයට උඩින් සාදා ගත් මිශ්‍රණය වත් කර පාන් වලට මිශ්‍රණය උරාගන්න තුරු විනාඩි 15ක් පමණ වෙලා පසෙකින් තබන්න.

පාන් මිශ්‍රණය දාගත් බඳුන ඊට වඩා ලොකු තැටියක් තුල තබා එයට උණුවතුර එක් කරන්න.
එම තැටිය සහ පුඩින් තැටිය සෙල්සියස් 160ට පෙර රත් කරගත් උඳුනක තබා විනාඩි 25ක් බේක් කරගන්න.



ෆෙයානස් ක්‍රීම් නිවැරදිව ආලේප කරගන්නේ මෙහෙමයි




ෆෙයාර්නස්‌ ක්‍රීම් වර්ග ගැන ගැන කාන්තාවන්ගේ අවධානය වැඩිපුර යොමුවී තිබෙන යුගයක් තමයි මේ. දිනෙන් දින නොයෙකුත් නම්වලින් ෆෙයානස් ක්‍රීම් වෙළෙඳපොළට එක්වන්නේ මේ හේතුව නිසයි.

ෆෙයානස්‌වලින් සිදුවන්නේ මෙලනින් පාලනය කිරීමක්‌. මෙහිදී විශේෂයෙන් මතක තබා ගත යුතුවන්නේ වෙළෙඳපොලේ ඇති නොයෙකුත් බාල ෆෙයානස්‌ වර්ගවලට නොරැවටීමටයි.


  • ෆෙයානස් ක්‍රීම් නිවැරදිව ආලේප කරන්නේ මෙහෙමයි


බොහෝ දෙනෙක් ෆෙයානස් ක්‍රීම් ආලේප කරන්නේ මුහුණෙහි පමණයි. එය වැරදි ක්‍රියාවක්. එයින් සිදුවන්නේ ඔබේ  මුහුණ සහ සිරුර වර්ණ දෙකකට වෙන්වීම. ඒ නිසා ඔබ මිලදී ගත් හොඳ වර්ගයේ ෆෙයාර්නස්‌ ක්‍රීම් වර්ගය පළමුව හිරු එළියට සම පිළිස්‌සී ඇති ස්‌ථානවල ආලේප කරන්න. ටික දවසකින් සම නැවත යථා තත්ත්වයට පත් වූ පසු මුහුණ, බෙල්ල, අත් පා යන සියලු ස්‌ථානවල ෆෙයාර්නස්‌ ආලේප කිරීම අරඹන්න. අන්න එහෙම තමයි ෆෙයාර්නස්‌ එකක්‌ ආලේප කළ යුතු වන්නේ.

ඉක්‌මනින් සුදුවෙන්න හදන්නේ නැතිව එය ක්‍රමානුකූලව කාලයක්‌ ඇතුළත කළ යුතු දෙයක්‌ බව සිහිතබා ගැනීම හරිම වැදගත්.

ඇතැම් ෆෙයාර්නස්‌ වර්ගවල බ්ලීචිං මිශ්‍රකර තිබෙනවා. මේවා සමට සුදුසු දේවල් නොවෙයි. ගලයිකොලයික්‌ ඇසිඩ් ඇතැම් අවස්‌ථාවල භාවිත වුනත් එය ඉතාම සුළු ප්‍රමාණයකින්. එය වැඩිවීම සුදුසුම නැහැ. වෛද්‍ය නිර්දේශ අනුව තමයි එවැනි දේ සමට භාවිත කළ යුතු වන්නේ.


  • ෆෙයානස් ක්‍රීම් සහ සුදු පැහැති සමක් ලබා ගැනීම


සුදුවෙන්න හිතාගෙන නොයෙකුත් ෆෙයාර්නස්‌ වර්ග ආලේප කර සම නාස්‌ති කරගන්නා කාන්තාවන් අද දක්‌නට ලැබෙනවා. සුදු පැහැ සමක් වෙනුවෙන් විවිධ ආලේපනයන් වගේම, එන්නත් ආදිය ලබාගැනීමට ගොස් මරණයට පත්වූ කාන්තාවන් ගැනත් පසුගිය කාලයේ අසන්නට ලැබුණා ඔබට මතක ඇති.

අද ෆෙයාර්නස්‌ ආලේප කර හෙට සුදුවෙන්න තමයි බොහෝ දෙනා කල්පනා කරන්නේ. බ්ලීචිං වර්ග අඩංගු නම් එහෙම වෙන්න පුළුවන්. ඒත් ප්‍රතිඵල භයානකයි. කල් ගත වනකොට සම රැළි වැටෙනවා. සම ගැලවී වියළි යන තත්ත්වයක්‌ මතුවෙනවා. ඒ විතරක් නෙවෙයි සමේ පිළිකා තත්ත්ව පවා ඇතිවන්නට පුළුවන්.


  • ෆෙයාර්නස්‌ සහ SPF


ඔබ තෝරාගන්නා ෆෙයාර්නස්‌ ක්‍රීම් එකේ SPF (සන් ප්‍රොටෙක්‌ෂන් ෆැක්‌ටර්) හිරු කිරණින් සම ආරක්‍ෂා කිරීම ඇතුළත් නම් ඔබට එය එළිමහනට යනවිට ආලේප කළ හැකියි. මෙහිදීත් ඔබට විශේෂ යමක්‌ මතකයේ තබාගත යුතු වෙනවා. ඒ තමයි ඔබ තෝරාගන්නා ෆෙයාර්නස්‌ ක්‍රීම් එකේ SPF තිබෙනාවාදැයි කියන කාරණය. ඔබේ ෆෙයාර්නස්‌ ක්‍රීම් එකේ SPF නැතිනම් එය කිසිවිටෙකත් අව්වේ යනවිට අලේප කරන්න එපා. එය ආලේප කළ යුත්තේ නිවසේ සිටින සවස්‌ කාලයට සහ රාත්‍රී කාලයටයි.

SPF නැති ෆෙයාර්නස්‌ එකක්‌ එළියට යන විට ආලේප කිරීමේදී හිරු කිරණ සමඟ ෆෙයාර්නස්‌වල අඩංගු දේ ක්‍රියාකර සමට වෙනම ආබාධ සිදුවිය හැකි බවත් මතකයේ තබා ගැනීම නුවණට හුරුයි


අපි මුලින්ම අපේ කිළිටි සෝදා ගනිමු! - කණිෂ්ක මීගස්මුල්ලගෙනි...

අද දවසේ ෆේස් බුක් සටහන් පරීක්ෂා කරගෙන යන අතරේදී හිරු මාධ්‍ය ආයතනයේ සහෝදර මාධ්‍යවේදී 'කණිෂ්ක මීගස්මුල්ල' සතු ෆේස් බුක් පිටුවේ බොහොම වැදගත් කාලීන සටහනක් තිබුණා...එය ඔබේ රසවින්දනය සදහා මෙලෙස ගෙන ඒමට අවසරයි!

ඉෂාර ලක්මිණ



අලූ‍‍ත විවාහ උන යුවලක් නව නිවසක පදිංචියට ගියා. තරුණ බිරිය තරමක් කටකාර වූ අතර සැමියා බොහොම නිවුනු පුද්ගලයකු උනා. පසුදා උදෑසන මේ යුවළ උදෑසන ආහාර ගනිමින් සිටින විට අසල්වැසි කාන්තාව රෙදි සෝදා වැලේ දමමින් සිටියා. මේ දසුන වසා තිබූ ජනේලයේ වීදුරුව අතරින් දුටු තරුණ බිරිය අසල්වැසි කාන්තාව රෙදි සේදීමට නොදන්නා බවත් ඇය සෝදා වැනීමට ගෙනවිත් තිඛෙන රෙදි සියල්ලේම කුණු එසේම පවතින බවත් පවසමින් අසල්වැසි කාන්තාවට අවමාන කරන්නට වුනා.

හිස ඔසවා ඒ දෙස බැලු සැමියා කිසිත් නොකියා නැවතත් තමන් කරමින් සිටි කර්තව්‍යයේ නිරත වුනා.

එතැන් සිට ගත උන සෑම උදෑසනකම මෙම තරුණ යුවල උදෑසන ආහාර ගනිද්දි අසල්වැසි කාන්තාව සේදූ රෙදි වැලේ දැමීමට පැමිනි අතර ඒ සෑම අවස්ථාවකම මේ තරුණ බිරියගේ නිර්දය විවේචනයට ලක් වීමට අසල්වැසි කාන්තාවට සිදු විය.

—එයා රෙදි හෝදන්න දන්නේ නෑ. බලන්න අර සුදු ඇඳුම් ඔක්කොම මඩ පාටයි. අර රෝස පාට ඇඳුම උනත් ඔයිට වැඩිය හොඳට හේදුවනම් ඔයිට වඩා එළිය වැටෙනවා˜ ආදී වශයෙන් විවේචනය කරන අතර රෙදි සේදීමට තමන්ට ඇති සමත්කම ගැනද වර්ණනා කර ගැනීමට ඇය අමතක කළේ නෑ.

මේ ආකාරයට මාසයකට ආසන්න කාලයක් අසල්වැසි කාන්තාවගේ රෙදි සේදීමේ අසමත්කම සහ රෙදි සේදීමට තමන් තුල ඇති දක්ෂතාවය පිළිබඳව තමා ගැනම කරගන්නා ආත්ම වර්ණාව මැද මේ තරුණ යුවළගේ උදෑසන කෑම මේසය නිමාවට පත් උනා. ඒ සෑම දිනකම බිරියගේ විවේචන අසා සිටියා හැරෙන්නට තරුණ සැමියාගේ කටින් කිසිවක් පිට වුනේ නෑ.

දිනක් සුපුරුදු පරිදි මේ යුවළ උදෑසන ආහාර ගනිමින් සිටියදී අසල්වැසි කාන්තාවද තමන් සේදූ රෙදි වැළට දැමීමට රැගෙන ආවා. එකවරම ඒ දෙස පුදුමයෙන් බලා සිටි තරුණ බිරිය,
—පුදුමයි අද නමි අරයා හොඳට රෙදි ටික හෝදලා තියෙනවා. කවුද දන් නෑ එයාට ඔය විදිහට රෙදි හෝදන්න කියලා දුන්නේ. නැත්නම් එයා එකත් එකටම මොකක් හරි අලූ‍‍ත් සබන් කුඩු ජාතියක් පාවිච්චි කරන්න පටන් අරන් ඇති. කමක් නෑ කොහොම හරි දැන්වත් ඒ ගෙදර ඉන්න මිනිස්සුන්ට ලැජ්ජා නොවී ඇඳුමක් ඇඳන් පාරේ බැහැල යන්න පුළුවන් වෙයි ˜
ආදී වශයෙන් හෑල්ලක් කියවාගෙන ගොස්,
— ඒයි මේ පොඩ්ඩක් ඔලූ‍‍ව උස්සල බලන්නකෝ. කොහොමද අර පුදුමේ උනේ කියලා ˜ යනුවෙන් සැමියාට පැවසුවා.

— ආ... අද මම අපේ ජනෙල් ටික පිහදාල දැම්මා ˜ තරුණ සැමියා ඒ දෙස නොබලාම පැවසුවා.

අද අපි ජීවත් වෙන සමාජ් බොහෝ දෙනාත් කිළිටු වෙච්ච ජනේල වීදුරු අතරින් අනුන් දිහා බලනවා. නමුත් අපි නොහිතුවට ඒ කිළිටු වෙච්ච ජනෙල් අතරින් අපිට අනුන්ගේ වගේ පේන්නේ අපේම කිළිටු බව නේද? එතකොට අපි ඉස්සෙල්ලාම පිරිසිදු කරගන්න ඕනෙත් අපේම කිළිටු බව නේද?

සටහන - කණිෂ්ක මීගස්මුල්ල








ඔසප් දිනයට රාජකාරි නිවාඩු.


ඔසප් වීමේ වේදනාව අත්නොවිඳි කාන්තාවක් මේ ලොව සිටිය නොහැකිය. මල්වරය වූ දා සිට ආර්තවහරණය වනතුරුම සෑම මසකම ඔසප් වීමේ අමිහිරියාව සෑම කාන්තාවකටම උරුම වූ වේදනාවක් වැනිය. වේදනාව දෝතින් ගෙන එන්නාක් මෙන් ගැහැනු ජීවිතය උපතේ සිට මරණය දක්වා විවිධාකාර වේදනාවන්ට ගොදුරු වන්නීය. ප්‍රසූත වේදනාව එහි ප්‍රමුඛ වන අතර තම ලෙයින් උපන් දරුවාගේ මුහුණ දකින මොහොතේදී ඒ සියලු වේදනා අතුරුන් වන බව සියලු මවුවරු දනිති.

ප්‍රසූත නිවාඩු වශයෙන් වැඩ කරන සෑම කාන්තාවකටම නිවාඩු අනුමත කිරීම ලොව සෑම රටකම සිදුවන දෙයකි.

නමුත් කොතැනකවත් ඔසප් නිවාඩු ලබාදෙන බවක් සඳහන් වන්නේවත් නැත. නමුත් පසුගිය සතියේ කාන්තා දිනය සැමරීමත් සමඟ එය නිමිති කරගෙන ඛ්ධඥයඪඵබ නමැති පදනමක් මඟින් ඔසප් දිනය නිවාඩු දිනයක් ලෙස කාන්තාවන්ට ලබාදීමේ වැඩපිළිවෙළක් පිළිබඳ යෝජනාවක් ඉදිරිපත් කර තිබෙනවා. ඔවුන්ගේ එම යෝජනාව ඉදිරිපත් වීමත් සමඟ කාන්තාවන් ඒ පිළිබඳ විවිධ මත දක්වා තිබෙනවා. ඒ අතර කතාබහට ලක්වූයේ ලොව 90%ක්ම කාන්තාවන් ඔසප් වේදනාවෙන් පීඩා විඳින බවයි. එමෙන්ම 14%ක් පමණ කාන්තාවන් එදින කිසිදු වැඩක් කරගැනීමට නොහැකි තත්ත්වයට පත්වන බවත් අනාවරණය වුණා. ඒ අනුව ඔසප් නිවාඩු දිනයක අවශ්‍යතාව වැඩි පිරිසක් පිළිගත් නමුත් ඊට විරුද්ධ වූ පිරිසක්ද මෙහිදී හමුවුණා.

ඔවුන් පවසන්නේ රැකියා කරන කාන්තාවන්ට ඔසප් නිවාඩු දිනයක් ලබාදුන්නාට ගෘහණියක් ලෙස නිවෙසේ රැඳී සිටිමින් දරුවන්ගේත් සැමියාගේත් පවුලේත් කටයුතු සිදුකරන කාන්තාවන්ට එවැනි නිවාඩු දිනයක් ලබාදීමට නොහැකි නිසා මේ යෝජනාව සම්මත කළ නොහැකි බවයි. එසේම රැකියාවක් කරන ගැබිනි මවක් ප්‍රසූතිය ආසන්න වන අටවැනි නවවැනි මාසයේත් රැකියාවට එන අවස්ථා තිබෙන බැවින් ඔසප් දිනයට අමුතුවෙන් නිවාඩු අවශ්‍ය නොවන බවටත් තවත් අදහසක් ඉදිරිපත් වුණා.

කාන්තාව යනු සියලු වේදනාව දැරීමේ ශක්තියෙන් ඉවසීමේ ශක්තියෙන් පිරිමියාට වඩා ඉදිරියෙන් සිටින්නියකි. ඔසප් වේදනාව නොතකා රැකියාවේත් පවුලේත් සියලු රාජකාරි ඉටුකිරීමට ඇය ධෛර්යවන්තය. ඉතින් සැබැවින්ම කාන්තාවන්ට ඔසප් නිවාඩු දිනයක් අවශ්‍ය වෙනවාද? ඒ ප්‍රශ්නය ඔබ ඔබගෙන් අසා දැනගන්න.

හංසි ආටිගල

තනියම makeup කර ගැනීමේදී සිදුවන වැරැදීම්...



ගෙදරදී මේක්අප් කරගන්න ඕනෙම කෙනෙක් කැමැතියි. සැලොන් යන්න ගියාම කාලය විතරක් නෙවෙයි සල්ලිත් වියදම් වෙනවා. ඒත් ගෙදරදි කරන මේක්අප් එක සැලොන් එකේ කරන මේක්අප් එක තරම් නීට් නොවුණොත් ඒකත් ප්‍රශ්නයක්. ඉතින් මේ කියලා දෙන්න යන්නෙ ගෙදරදි මේක්අප් එකක් කරද්දි වෙන්න පුළුවන් අතපසුවීම් කීපයක් ගැනයි.

1. මස්කාරා පාවිච්චි කරද්දී වෝටර් පෘෆ් එකක් පාවිච්චි කරන්න. ඒ කියන්නෙ දාදියට හෝ කඳුළුවලට දියවෙන්නෙ නැති එකක්. සාමාන්‍යයෙන් තත්ත්වයෙන් බාල මස්කාරා ගාලා ටිකක් වෙලා යද්දි දාදිය දැම්මොත් ඇස් දෙක යටින් කළු පාටට මස්කාරා ගලන්න පටන් ගන්නවා. ඒ නිසා දියවෙන්නෙ නැති එකක් පාවිච්චි කරන්න. හොඳ තත්ත්වයේ මස්කාරා සෝදාහරින්න නම් වතුරින් තෙමලා ෆේස් වොෂ් එකක් දාලා සෝදන්නම ඕනෙ. මිලෙන් ටිකක් වැඩි වුණත් හොඳ මස්කාරා ඕනෙ තරම් වෙළෙඳපොළෙන් මිලදී ගන්න පුළුවන්.


2. ඔබේ මේක්අප් බ්‍රෂ් සෙට් එක ඔබ කොච්චර කාලෙකට සැරයක් පිරිසුදු කරනවාද? සමහර විට ගත්ත දවසෙ ඉ¼දලා පිරිසුදු කරලා නැතිව ඇති. සාමාන්‍යයෙන් මේක්අප් බ්‍රෂ් සෙට් එක දිනපතාම පාවිච්චි කරනවා නම් සතියකට වතාවක්වත් පිරිසුදු කරන්න ඕනෙ. සතියකට දවස් දෙකක් තුනක් විතරක් පාවිච්චි කරනවා නම් මාසෙකට වතාවක්වත් පිරිසුදු කරන්න ඕනෙ. මේක්අප් බ්‍රෂ් පිරිසුදු කරනවා කියලා කියන්නේ සෝදලා දාන එක නෙවෙයි. වෙළෙඳපොළේ ඒ වෙනුවෙන්ම නිෂ්පාදනය කරපු පිරිසුදුකාරක දියර තියෙනවා. ඒවායේ මිල අධික නැහැ.


3. ඔබ ෆවුන්ඩේෂන් පාවිච්චි කරන කෙනෙක් නම් ෆවුන්ඩේෂන් එකේ වර්ණය ගළපන්න ඕනෙ මුහුණේ වර්ණයට නෙවෙයි පිටි අත්ලේ වර්ණයට. එහෙම නැති වුණොත් වෙන්නෙ මුහුණ ගොඩක් සුදු පාටට ලස්සනට පෙනෙන එක හා අත් අඳුරු පාටට පෙනෙන එක. ඒ නිසා මුහුණ ඕනෙවට වඩා සුදු වෙන්න ෆවුන්ඩේෂන් දාන්න එපා. පිටි අත්ලේ වර්ණයට ෆවුන්ඩේෂන්වල වර්ණය ගළපනවා කියන්නේ එක්තරා ආකාරයකට ඔබ දෙස බලන්නාව රැවටීමක් විදියටත් කියන්න පුළුවන්.


4. ෆවුන්ඩේෂන් ආලේප කරද්දි මුළු මුහුණේම ආලේප කරන්නෙ නැහැ. සාමාන්‍යයෙන් මුහුණේ ඇස් යට සහ නාසය උඩ ඉංග්‍රීසි ඊ අකුරේ හැඩයට ෆවුන්ඩේෂන් ආලේප කළොත් මුහුණේ පිරිපුන් බවක් පෙන්වනවා. නමුත් සමහර ගැහැනු ළමයි සුදු පාට වෙලා පෙනෙන්න කියලා ෆවුන්ඩේෂන් ගොඩක් මුළු මුහුණේම ආලේප කරනවා. ඒක එච්චර හොඳ දෙයක් නෙවෙයි කියලා මතක තියාගන්න. ඒකෙන් වෙන්නේ ඔබ අනෙක් අයගේ සමච්චලයට ලක්වෙන එක විතරයි.


5. ක්‍යුටෙක්ස් ගාන අය ඒවා රිමූව් කරන්න කම්මැළි හිතුණාම තියෙන ක්‍යුටෙක්ස් එකට උඩින් නියපොතුවල පාට ක්‍යුටෙක්ස් එකක් ආලේප කරනවා. ඒකත් හොඳ පුරුදක් නෙවෙයි. සාමාන්‍යයෙන් ක්‍යුටෙක්ස් තට්ටු තට්ටු ආලේප කළාම නියපොතුවල ස්වාභාවික පැහැය නැති වෙලා අවපැහැ වෙන්න පුළුවන්. ඒ වගේම දීර්ඝකාලීනව ක්‍යුටෙක්ස් ගාගෙන ඉන්න එකත් හොඳ නැහැ. ඒ නිසා සති දෙකකට වතාවක්වත් පරණ ක්‍යුටෙක්ස් එක රිමූව් කරලා අලුතින් ආලේප කරන්න ඕනෙ.


6. ඔබ මේක්අප් එකක් දානකොට හොඳ තදට ආලෝකය එන ලයිට් එකක් පාවිච්චි කරනවා ඇති. ඒකත් වැරැදි පුරුද්දක්. සාමාන්‍යයෙන් මේක්අප් කරන්න හොඳම ලයිට් එක විදියට සලකන්නේ කහ පැහැ ලයිට් එක. එහෙමත් නැත්නම් ස්වාභාවික ආලෝකය. ඒ කියන්නේ සාලෙ හොඳට එළිය තියෙන අව්ව වැටෙන්නෙ නැති තැනක. එහෙමත් නැත්නම් ගහක් යට වගේ තැනක. සුදු ආලෝකය නම් මේක්අප් කරන්න හොඳම නැහැ කියලා ඒ සම්බන්ධ විශේෂඥ අය උපදෙස් දීලා තියෙනවා.



දුලංජලී මුතුවාඩිගේ


modern stylish අපිත් classic වෙන වෙලාවල් එනවා




ජීවිතේට ප්‍රශ්න එන්න ගත්තම එන්නේ දෙයියනේ කියලා එක පිට එක වැල නොකැඩි...... හැගීම් දැනීම් වලට වහල් වෙලා හැමදේම නැති කරගන්න වර්තමාන යෞවනය යෞවනියන් ගොඩට අපිත් වැටිලා.....

සාම්ප්‍රධායික තරුණ පරම්පරාවට අපි අයිති නැහැ කියල කොච්චර කෑගහලා උදම් ඇනුවත් ජීවිතේ එක්තරා වෙලාවකදී අපිත් ඒ සාම්ප්‍රධායික ගොඩට වැටෙනවා. හැබැයි අපි දන්නෙත් නැහැ අපි ඒ ගොඩට වැටිලා කියලා..........

ආදරය ගැන ප්‍රශ්න ආවම කොච්චර රැඩිකල් ප්‍රේමවන්තයෝ ප්‍රේමවන්තියෝ  උනත් සාම්ප්‍රධායික මානසිකත්වයකින් හිතන්න ගන්නවා...... බොලද වැඩ කරන්න ගන්නේ හරියට තුන හතර වසරේ පන්ති වල ඉන්න පොඩි එවුන් වගේ....

ගෙදර ඉන්න අම්මගේ තාත්තගේ අදහස් හණමිටි අදහස් කියලා ගණන් නොගන්න ,  අපිට අපේ වැඩ තනියෙන් කරගන්න පුළුවන් කාගේවත් උදව් ඕනේ නැහැ කියලා කෑගහන ගොඩක් කෙල්ලොන්ට කොල්ලොන්ට පොට වැරදුනාම තමා ගෙදර ඉන්න අම්මාව තාත්තව මතක් වෙන්නේ. හොට බිම ඇනුනම තමා තේරෙන්නේ දෙමව්පියන්ගේ හණමිටි අදහස් වල සත්‍යතාව 100% කියලා.

ගෙවල් වල ඉන්න අහිංසක අම්මා තාත්ත ගෙන් opinions ගන්න එක youth generation එකේ අපිට මදිකමක් කියලා හිතෙනවා ඇති.  චුට්ටක් හිතලා බලන්න ලී බඩුවක උනත් වටිනාකම වැඩි වෙන්නේ modern designs වලට වඩා classic designs වල නේද කියලා.....පණ්ඩිතකමට තනි තීරණ අරගෙන අපි කොච්චර නම් දුක් විදින අවස්ථා තියෙනවද. 

නැවතිලා හිතලා බැලුවම වෙලාවකට modern youth generation ඒක කියන්නේ modern විදියට දුක් විදින ජාතියක්.

හිතට බරක් දැනෙන ප්‍රශ්නයක් ආවහම ගිහිල්ලා නතර වෙන්නේ ගමේ පන්සලේ බෝ ගහ යට. ඇත්ත බෝ ගහ යට ඉද්දි හිතට මහා සැනසිල්ලක් දැනෙනවා තමයි. පන්සල් යන්න ඕනේ කියලා අම්මලාට කිව්වම එයාලා හිතන්නේ අපි එකත් කරන්නේ style එකට කියල. එහෙම නෙමේ modern stylish අපිත් classic වෙන වෙලාවල් එනවා.

තරුණ අපේ ජිවිත වෙලාවකට පාවෙන සරුංගල් වගේ.....අරමුණක් නැතුව ඔහේ පාවෙවී තියෙනවා. අරමුණක් හදාගෙන ඉස්සරහට යන්න උත්සහ කරද්දී අපේ කකුල් වලින් අදින කල්‍යාණ මිත්‍රයෝ මේ සමාජයේ අනන්තයි අප්‍රමාණයි. එහෙමයි කියලා අපි නවතියිද ? නැහැ. 
එන ඕනෙම ප්‍රශ්නෙකට කෙලින් මුහුණ දීල අම්මලා තාත්තලාගේ හිත නොරිදා අපේ අරමුණු වලට යන එකයි තරුණ අපේ ඉලක්කය.... 

වපර ඇස් වලින්ම අපි දිහා නොබලා යහපත් දෘෂ්ටි කෝණයකිනුත් අපි දිහා බැලුවොත් සමාජයට නරකක් වෙන එකක් නැහැ !

සමාධි සංකල්පනා මලලවීර

2016 / 01 / 06 


බොඳ වුණු සංක්‍රාන්ති සිතුවම.


ජිවිතේ සංක්‍රාන්ති සමයක කොහේදෝ ඉදන් අහම්බෙන් වගේ මගෙ ජීවිතේට එබුනු ඔයා මටත් නොදැනිම මගේ ජිවිතේ ලස්සනට සිතුවම් කරලා.....

මංවත් නොදැකපු ලස්සන හීන අනාගතයක් සිතුවම් කරපු ඔයා , 
ඔයාගෙ ආදර පාට පෙට්ටියෙන් ඒ හීනෙට පණ දුන්නා.....

සත්තකයි ලස්සනයි ඒ හීනෙ...
මං ආදරෙයි....
ඒ හීනෙට...

අනේ ඒත් අද... 
මගෙම කදුලකින් ඒ හීන සිතුවම බොද වෙලා...

මගෙ ආදරණීය සිත්තරානෙනි... 
ඔබට පමණයි නැවතත් මගෙ දිවියට පාට පෙවිය හැක්කේ.... 
වග බලාගනිමි නැවත ඒ සිතුවම බොද නොවෙන්නට.... 
ඉඩ දෙනවානම් රැක ගන්නම් මං...
අපේ හීනය 
අපේ අනාගතය 
අපේ ජිවිතය 
අපේ ප්‍රාර්ථනාවන්....

කළු සුදු මගෙ ජීවිතේට පාට පෙවූ පිණම ඇති නුබට 
ලස්සන දිවියකට උරුමකම් කියන්නට 
එපා නම් මම එහි රැදෙන්නට 
අවසරයි නික්මෙන්න.... 
සුභ පතමි නව දිවියකට මම 
ඔබේම ලස්සන අනාගතයේ....

ඉඩ දෙන්න සිත්තරාවියකට නුබෙ ලොවේ 
නතර වී නුබේ දිවියට අරුත්බර වර්ණයන් ගලපන්න
 දනිමි මම නොවන බව ඒ කෙනා....
සිත්තරෙක් වූ නිසාවෙන්ම 
නොහැක නුබට නුබේම දිවියට පාට පොවන්නට 
ලස්සන කරගන්නට එය... 
රැදෙන්න ඔබේම ලොවක් තුළ 
කිරුළු දරමින් ප්‍රීතියේ....


~~~ Samadhi Sankalpana Malalaweera ~~~
web.facebook.com/writer.sankalpana 


දුරින් හිටියත් ආදරෙයි.


අපි ආදරය කරන අය අපි ළඟින්ම ඉන්නවට අපි ගොඩක් කැමැතියි. ඒත් සමහර වෙලාවට අපේ ආදරණීයයන්ගෙන් අපිට ඈත් වෙන්න සිද්ධ වෙනවා. පෙම්වතෙකුට පෙම්වතියකට විතරක් නෙමෙයි විවාහ වෙච්ච යුවළකට වුණත් මේක ටිකක් අමිහිරි අත්දැකීමක්. සමහරවිට ඔයාට හරි එයාට හරි දුර පළාතකින් රැකියාවක් හම්බවෙලා, සමහරවිට උසස් අධ්‍යාපනය සඳහා විදේශ ගතවෙන්න සිද්ධ වෙලා, ඔයාලා ඈත් වුණාම සම්බන්ධය තියාගන්න ටිකක් අමාරුයි තමා. හැබැයි අපි අද ඔයාලට කියලා දෙන්නෙ දුරින් ඉන්න කෙනෙක්, ළඟින් ඉන්න කෙනෙක් වගේ තියාගෙන ඔයාලගේ ආදරය තවත් ශක්තිමත් කරගන්න ක‍්‍රම කිහිපයක්. සමහරවිට ඔයාට හිතෙයි මේවා හරි පුංචි දේවල් කියලා. හැබැයි පුංචි දේවල් තමයි අපේ ජීවිත ජීවත් කරන්නේ.


එයත් එක්කම වැඩ කරන්න.

ඔයාලා දෙන්නා එකතැන නොහිටියාට ඔයාට පුළුවන් එයත් එක්ක එකට වැඩ කරන්න. එයත් එක්ක කන්න, එයත් එක්ක ටී.වී. බලන්න වගේම එයත් එක්ක කෑම ටිකක් හදන්න ඔයාට පුළුවන්. එයාට කතා කරන්න පුංචි ‘බ්ලූටූත් හෑන්ඞ් ෆ‍්‍රී’ එකක් ගන්න පුළුවන් නම් ඒක තවත් ලේසි වෙයි. අමතක නොකර ඔයාගේ වැඩවලට එයාගෙන් උපදෙස් ටිකකුත් ගන්න. ඒකට එයා ගොඩක් සතුටු වෙයි.


හැම මොහොතකම පේ‍්‍රමණීය වෙන්න.

හැම මොහොතකම ඔයාලට පේ‍්‍රමය ඉදිරියෙන් තියාගන්න පුළුවන් නම් ඔයාට එයාගේ ආදරයත් එයාට ඔයාගේ ආදරයත් ගොඩක් කිට්ටුවෙන්ම දැනෙයි. ඔයාලගේ කතාව හැමවෙලාවෙම සරල විදිහට සුන්දරව කරගෙන යන්න. ඔයාට පුළුවන් ජීවිතේ ඔයා වැඩියෙන්ම ආදරය කරන කෙනාට පුංචි SMS එකක් යවලා දවස පටන් ගන්න. දැන් අලූත් සුබ පැතීමේ ක‍්‍රමත් තියෙන හින්දා එහෙම සුබ පැතුවත් ගැටලූවක් නැහැ. හිතන්න ඔයා ආදරය කරන කෙනා හැමදාම මුලින්ම ඔයාගේ දවස සුබ වෙන්න ප‍්‍රාර්ථනා කරලා එවන මැසේජ් එකක් ගැන. කොච්චර සුන්දර උදෑසනක් ද ඒක....

ලිපියක් ලියන්න.

ලියුම් ලියන එක ගොඩක් පරණ ක‍්‍රමයක් කියලා ඔයා හිතයි. හැබැයි ලියුමක් ඇතුළේ සඟවලා, ලියුමක් ඇතුළේ තවරලා ඔයාට එයා වෙනුවෙන්ම අකුරු ටිකක් එකතු කරන්න පුළුවන් නම් කොච්චර වටිනවද? ඒත් එක්කම එයාට ඔයාගේ මතකය අලූත් කරගන්න පුංචි තෑග්ගකුත් යවන්න. ඒක එයාට ගොඩක් දැනෙයි. ඒ වගේම ඔයාට පුළුවන් නම් කුරියර් සර්විස් එකකින් මාසෙකට දෙකට සැරයක් එයාට පුංචි පාර්සලයක් යවන්න. පුංචි මල් පොකුරක් වුණත් කමක් නැහැ.

මූණ බලන්න හැමදාම.

ඉස්සර එයාගේ මූණ බලන්න එයාව හම්බවෙනකම් ඉන්න සිද්ධ වුණත් අද එහෙම නැහැ. ස්කයිප් එක හරහා හැමදාම එයාට කතා කරන්න ඔයාට පුළුවන්. ඒක ඔයාලගේ සම්බන්ධතාව ආදරණීයව තියාගන්න ගොඩක් වටිනා හේතුවක් වෙයි. එයාට ඔයා අලූතින් ගන්න ඇඳුම් වගේ දේවල් ස්කයිප් එකෙන් පෙන්නන්න. එයාගෙන් අහන්න ඒවා ලස්සනයිද කියලා. එයා ඔයාට ළඟ ඉන්නවා වගේම ඒ දේවල්වලට උත්තර දෙයි. ඔයාගේ Phone එකෙත් ස්කයිප් තියනවා නම් ගමනක් යන ගමන් වුණත් එයා දිහා බලාගෙන කතා කරන්න පුළුවන් වුණොත් එයත් ඔයත් එක්ක ඒ ගමන යනවා වගේ දැනෙයි.

පින්තූර යවන්න.

එයාට ඔයාගේ පින්තූර විතරක් නෙමෙයි යන එන තැන්වලත් පින්තූර යවන්න. ඉස්සර තැපැල් කරලා මේ පින්තූර යවන්න සිද්ධ වුණත් දැන් Facebook හරි What's app හරි හරහා ඒ වෙලාවෙම එයාට පින්තූර ටික යවන්න ඔයාට පුළුවන්. ඔයා ෂොපින් ගියපුවහම එතැන තියන ඇඳුමක් ගැන වුණත් ඔයාට ඒ වෙලාවෙම එයාගෙන් අහන්න පුළුවන් වෙච්ච තාක්ෂණයක් දැන් තියෙන කොට ඒ තාක්ෂණය ඔයාලගේ ආදරයට පුංචි තල්ලූවක් කරගත්තොත් නරකද?

පුදුම කරන්න.


ඔයාට හදිස්සියේ නිවාඩුවක් ලැබුණොත් එයාව පුදුම කරන්න ඒ නිවාඩුව පාවිච්චි කළොත් අපූරුයි නේද? පුළුවන්කමක් තියෙනවා නම් එයාව බලන්න යන්න. නොහිතපු වෙලාවක ඔයා එයාගේ ඉස්සරහා හිටියහම එයාගේ ඇස් දෙක කඳුළින් තෙත් වෙනවට නම් සැකයක් නැහැ.

හැමදාම කතා කරන්න.


පුංචි වෙලාවක් හරි එයත් එක්ක හැමදාම කතා කරන්න. ඔයාට කොච්චර වැඩ තිබුණත් වැඩකරලා කොච්චර මහන්සි වුණත් ඔයාට ඔයාගේ ආදරය වෙනුවෙන් විනාඩි දහයක් වත් වෙන්කරන්න බැහැ කියන එක ඇත්තක් නෙමෙයි. හිතලා බලන්න, එයා ඔයාගේ කටහඬ අහන්න කොච්චර බලාපොරොත්තුවෙන්ද ඇත්තේ. ඒ බලාපොරොත්තු කඩ කරන්න එපා. ඒ වගේම ඒ විනාඩි දහය ඇතුළේ එයාගේ හිත රිදෙන දෙයක් කියන්න එපා. ඔයාට එයාව හැමදාටම ඕන නම් එයාට කතා කරන්න අමතක කරන්න එපා.


ආදරයට හැමදාම ආදරය කරන්න. එතකොට අපේ ජිවිත වල සතුට සදාතනික වෙයි...!!!


-විමුක්ති දුෂාන්ත රාවණසිංහ

Room එකකට යනවාද? යනව නම් දැනගන්න.


ලබන සතිය වෙද්දි ගල් මුල් ප්‍රහාර කොච්චර එල්ලවෙයිද කියලා අපි දන්නේ නැහැ. හැබැයි එක ගලක් හරි එල්ල වෙන බව නම් දන්නවා.වැඩිහිටි පරම්පරාව කොයි විදියට කිව්වත් අද තරුණ පරම්පරාව තමන්ට ඕන දේ ප්‍රසිද්ධියේ හෝ අප්‍රසිද්ධියේ කරනවා. හැමෝම නෙවෙයි ගොඩක් අය එහෙමයි. ඒ අතරෙ තමන් ආදරය කරන ගැහැනු ළමයා හරි පිරිමි ළමයා හරි එක්ක මුහුදු වෙරළට, එහෙමත් නැත්නම් ලැගුම්හලකට යන එක වගේ දේවලුත් තියෙනවා. මුහුදු වෙරළට යන එක නම් සාමාන්‍ය දෙයක්නේ. ඒත් ලැගුම්හලකට යන එක නම් දෙපාරක් හිතන්න වෙන දෙයක්. මොකද ඒ වෙනුවෙන් නිර්මාණය වුණු නීති කිහිපයක් අපේ රටේ ක්‍රියාත්මක වෙනවා. මේ නීති ගැන අපේ තරුණ තරුණියන්ට වගේම සමහර පොලිස් නිලධාරීන්ට පවා නිසි අවබෝධයක් නැති බව පත්තරයක් කියවනකොට හොඳටම තේරුම් ගන්න පුළුවන්. ජනමාධ්‍යයක වගකීම මහජනතාව නිවැරැදි සහ සත්‍ය සිදුවීම්වලින් දැනුවත් කිරීම. ඉතින් මේ කරන්න යන්නෙ අන්න ඒ වගේ දෙයක්.

අද අපේ රටේ තරුණ තරුණියන් බොහොමයක් ලැගුම්හල්වලට යන්නේ නීති ගැන දැනුවත් බවක් නැතිවයි. සාමාන්‍යයෙන් ලැගුම්හල්වල ලැගුම්ගෙන සිටින්නන් අත්අඩංගුවට ගන්න පොලිසියට සම්පූර්ණ බලතල තියෙනවා. ඒ 'ගණිකා නිවාස පනත'ට අනුවයි. හැබැයි එහෙම අත්අඩංගුවට ගන්න හේතු තියෙන්න ඕනෙ. ගණිකා නිවාසයක් පවත්වාගෙන යෑම, කළමනාකරණය කිරීම, කළමනාකරණය සඳහා ආධාර කිරීම හෝ ක්‍රියා කිරීම දඬුවම් ලැබිය හැකි වැරැදි කියලා ඉස්සෙල්ලා කියපු පනතේ සඳහන් වෙනවා. නමුත් මේ පනතට අනුව කාවහරි අත්අඩංගුවට ගන්න නම් අදාළ යුවළගෙන් කාන්තාව ඒ ලැගුම්හලේ සේවය කරන කෙනෙක් වෙන්න ඕන. ඒ කියන්නේ ගණිකාවක් වෙන්න ඕන. තවත් පැහැදිලි කරනවා නම් මුදල් මත ලිංගික සේවාව සපයන්නියක් වෙන්න ඕනෙ. අපි හිතමු කවුරුහරි පිරිමි කෙනෙක් ඒ ලැගුම්හලට බාහිරින් වෙනත් කාන්තාවක් එක්කගෙන ගිහින් ලිංගික කාර්යයේ යෙදුණා කියලා. එහෙනම් ඒ යුවළ අත්අඩංගුවට ගන්න පොලිසියට කිසිම බලයක් නැහැ. ඇත්තටම ඒ කාන්තාව මුදල් මත ලිංගික සේවය සපයන්නියක් වුණත්, ඒක ඔප්පු කරන්න විදියක් නැති නිසා අත්අඩංගුවට ගන්න බැහැ.

ලැගුම්හලකදී විතරක් නෙවෙයි වෙන ඕනෑම තැනකදී පොලිස් නිලධාරීන්ට තමන්ගේ අනන්‍යතාව තහවුරු කරගන්න බැරි වුණොත් නම් අනිවාර්යයෙන්ම අත්අඩංගුවට පත්වෙන්න සිද්ධ වෙනවා. ඒක තනියම පාරෙ යද්දි වුණත් එහෙමමයි. ඒ ත්‍රස්තවාදය වැළැක්වීමේ පනතට අනුවයි. ඒ නිසා යන තැනක අයි.ඩී. හරි පාස්පෝට් එක හරි ඩ්‍රයිවින් ලයිසන් එක හරි අරන් යන්න අමතක කරන්න එපා. හැබැයි ත්‍රස්තවාදය වැළැක්වීමේ පනතට අනුව අත්අඩංගුවට පත් වුණොත් ඔයාලට විරුද්ධව පොලිසියට ගොනු කරන්න පුළුවන් වෙන්නේ 'අනන්‍යතාව තහවුරු කිරීමට අසමත් වීම' කියන චෝදනාව විතරයි. ලැගුම්හලක ඉඳලා අනන්‍යතාව තහවුරු කරගන්න බැරිවුණු වෙලාවට ලිංගික ක්‍රියාවල යෙදුණා කියලා චෝදනා කරන්න බැහැ. අත්අඩංගුවට ගන්නවා නම් චෝදනාව වෙන්න ඕනෙ කලින් කිව්ව වගේ 'අනන්‍යතාව තහවුරු කිරීමට අසමත් වීම' කියන එක විතරයි. එහෙම නැත්නම් ඒ වගේ දෙයකට අත්අඩංගුවට ගත්තොත් මූලික අයිතිවාසිකම් කඩවුණා කියලා පොලිසියට විරුද්ධව පියවරක් ගන්න අදාළ පුද්ගලයාට පුළුවන් වෙනවා.

ඒ වගේම ලැගුම්හලක් හෝ වේවා වෙන ඕනෑම තැනක් හෝ වේවා වයස අවුරුදු 18ට අඩු පිරිමි ළමයෙක් හෝ ගැහැනු ළමයෙන් එක්ක ලිංගික කාර්යයේ යෙදීමත් දඬුවම් ලැබෙන වරදක්. ඒක සිද්ධ වෙන්නේ ඒ බාල වයස්කරුගේ කැමැත්තෙන් වුණත් එය වරදක් විදියට පිළිගන්නවා. 'බාල වයස්කරුවකු අපයෝජනයට ලක්කිරීම' කියන චෝදනාව මත ඒ වරදට නඩු දමන්න පුළුවන්. ඒ කියන්නේ වයස අවුරුදු 18ට අඩු නම් කිසිම කෙනකුට කොච්චර කැමැති වුණත් ලැගුම්හලකට යන්නවත් ලිංගික ක්‍රියා සිදු කරන්නවත් අවසර නැහැ. වයස අවුරුදු 18ට වැඩි නම්, තමන්ගේ අනන්‍යතාව ඔප්පු කරන්නත් පුළුවන් නම් ලැගුම්හලකට යෑම වරදක් කියලා නීති පොත්වල කොහෙවත් ලියලා නැහැ. ඒ වගේම එය වරදක් විදියට පිළිගන්නේ නැහැ. නමුත් අපේ රටේ සංස්කෘතියට අනුව නම් එය වරදක්. වරදක් නෙවෙයි පාපකර්මයක්.
ඒ වගේම 18ට වැඩි ගැහැනු ළමයෙක් එයාගේ අකැමැත්තෙන් ලිංගික කාර්යයේ යොදවා ගන්නවා නම් ඒක වරදක්. ඒ වරද දණ්ඩ නීති සංග්‍රහයේ තියෙන 'ස්ත්‍රී දූෂණය' කියන චෝදනාව යටතේ නඩු දාන්න පුළුවන්. මේ ප්‍රශ්නෙදි මූලික වෙන්නේ ඒ කාන්තාවගේ කැමැත්ත හෝ අකැමැත්ත. ඒ නිසා කටඋත්තරය ගන්න අවස්ථාවේ අදාළ කාන්තාවගේ මානසික තත්ත්වය ගැන සැලකිලිමක් වෙන්න ඕන. ඇය මානසික පීඩනයකින් ඉන්නවා නම් හරි හොඳ සිහිබුද්ධියක් නැත්නම් හරි කටඋත්තරය ගැනීම ප්‍රමාද කරන්න පුළුවන්. මුලදි කැමැත්තෙන් හිටියත් පස්සේ එක එක ලාභ ප්‍රයෝජන නිසා අකැමැත්තෙන් බලෙන් එක්ක ගියා කියලා කියන අයත් ඉන්නවා. එහෙම වුණොත් නම් ඉතින් බොහොම කනගාටුයි. මොකද අසාධාරණයට ලක්වුණු පාර්ශ්වය ගැන වැඩි අවධානයක් යොමු කරන්න වෙනවා.

අපි ඕනෙ තරම් අහලා දැකලා තියෙන දෙයක් තමයි සමහර වෙලාවට ලැගුම්හල් වටලන පොලිස් නිලධාරීන් ඒ වෙලාවෙ ලැගුම්හලේ ඉන්න ජෝඩු ඔක්කොම පොලිස් ජීප් ඕකේ දාගන පොලිසියට අරන් යනවා කියන එක. එහෙම අරන් යන්නනම් නිශ්චිත චෝදනා තියෙන්න ඕන. ඉස්සෙල්ලා කිව්වා වගේ අවුරුදු 18ට අඩු නම් අනිවාර්යයෙන්ම පොලිසියට යන්න වෙනවා. ඒ වගේම අනන්‍යතාව තහවුරු කරගන්න බැරි වුණත් පොලිසියට යන්න වෙනවා. එහෙමත් නැත්නම් තමා එක්ක ඉන්න කාන්තාව ඒ ලැගුම්හලේම සේවය කරන කෙනෙක් නම් ඒත් පොලිසියට යන්න වෙනවා. එතැනදී සැලකෙන්නේ අදාළ කාන්තාව ගණිකාවක් විදියටයි. ගණිකා වෘත්තිය කියන්නෙ තාම අපේ රටේ තහනම් දෙයක්. මේ යන විදියට ඉදිරියේදී තහනම ඉවත් වෙන්නත් ඉඩ තියෙනවා.
අපි මේ කළේ තරුණ තරුණියන් දැනුවත් කිරීමක් විතරයි. සමහර විට අර අඬන්න බලාගෙන ඉන්න අයට හිතෙන්න පුළුවන් අපි තරුණ තරුණියන්ට ලැගුම්හල්වලට යන්න පෙලඹවීමක් ඇති කළා කියලා. එහෙම දේකට පෙලඹවීමක් ඇති කරන්න නම් මේ වගේ ලිපියකට වඩා අඩ නිරුවත් කාන්තා රූපයක් වටිනවා. කොහොම වුණත් හැමදෙයක් ගැනම දැනුවත් වීම වැදගත්. දැනුවත්කම මුවහත් ආයුධයකටත් වඩා මුවහත්.


-දුලංජලී මුතුවාඩිගේ

තම්බපු බිත්තරයක් සුද්දකරන්න ලේසිම ක්‍රමය මෙන්න. (Video)


සමහර තම්බපු බිත්තර සුද්ද කරන්න ගියාම බිත්තර කන්නත් එපා වෙනව. සුදු මදය ඔක්කොම බිත්තර කටුවටම ගැලවිලත් එන වෙලාවල් නැතුව නෙවෙයි. ඒ කිසිම ප්‍රශ්නයක් නැතුව තත්පර කිහිපයකින් තම්බපු බිත්තරයක් සුද්දකරන හැටි මේ වීඩියෝවෙන් බලන්න.


අවදියෙන් 'ඇය' වෙනුවෙන් පෙනී සිටිය යුතු කාලයයි! - Share against Domestic Violence.




ලෝකය තුළ වර්තමානයේ පවතින Digital තාක්ෂණය බොහෝවිට යොදා ගැනෙන්නේ සාමාන්‍ය එදිනෙදා සන්නිවේදන කටයුතු සඳහායි.

ඒත් එමගින් ලෝකයේ හතරෙන් තුනක් පමණ වෙනස් කල හැකියි. එහි සත්‍ය අසත්‍යතාවය ඔබට තේරුම් ගත හැකි වඩා බලවත් ඩිජිටල් ව්‍යාපෘතියක් පසුගියදා ක්‍රියාත්මක වුණා.


ඒ මේ දිනවල වඩා කතාබහට ලක්වන මාතෘකාව වන ස්ත්‍රී හිංසනයන්, අපචාරයන්, අතවරයන් සහ විශේෂයෙන් ස්ත්‍රී දූෂණයන් සම්බන්ධව බටහිර ලෝකය ක්‍රියාත්මක කල ඉතා විශිෂ්ට ගනයේ ව්‍යාපෘතියක්.





ගැහැනියකට සිදුව ඇති මේ තුවාල සහ හිංසනයන් නැති කර දැමීමට එදිනෙද මෙතනින් ඇවිද යන අය කල යුතු දේ ඉතාම සරලයි.



මෙතනින් ඇවිද යන හැම කෙනෙක්ම කැමරා මගින් නිරීක්ෂණය කෙරෙනවා. ඒ කීයෙන් කී දෙනෙක් මේ පුවරුව දිහා බලනවද කියන කාරණාව. 




වැඩි පිරිසක් මේ දිහා බලන්න බලන්න මෙහි සිටින කාන්තාවගේ කැළැල් මැකී යනවා.

මෙමගින් ලබා දෙන්නේ මෙම සියලු දේ නවතගනීමට අවශ්‍ය ඉතා සුළු ජන අවධානයක් යොමු කිරීම පමණක් බවයි.


මේ එළඹී ඇත්තේ ඇස කන පියාගෙන සිටිය යුතු කාලය නොව අවදියෙන් 'ඇය' වෙනුවෙන් පෙනී සිටිය යුතු කාලයයි.

Share if you stand against domestic violence!




- අනුෂි හක්මනගේ 




කාන්තාවන් සහ පිරිමින්ගේ ආකර්ෂණය ලබා ගැනීමට නම්.


යම් යම් පුද්ගලයින් තව කෙනෙකුගේ ආකර්ෂණය ලබා ගැනීම සදහා නොයෙක් විදියේ දේවල් කිරීමට පෙළඹී තිබෙනවා. නමුත් එය යම් යම් පුද්ගලයින් සිතන පතන ආකාරය අනුව වෙනස් වෙනවා. පර්යේෂකයින් කණ්ඩායමක් විසින් කළ පරීක්ෂණයකදී ආකර්ෂණය ලබා ගැනීම සදහා ඔබ විසින් භාවිතා කරන භාවිතයන් 05ක් හදුනාගෙන තිබේ. 


  • හාස්‍යය  

පරීක්ෂණ වලින් අනාවරණය වී ඇත්තේ කාන්තාවන් තමන් හිනාගස්සවන පිරිමි පුද්ගලයන්ටද, පිරිමි පාර්ශවය තමන්ගේ විහිළු වලට සිනාසෙන කාන්තාවන්ට ආකර්ෂණය වන බවයි.


  • කැමැත්ත පළකිරීම  

කෙනෙක් ඒ පුද්ගලයාට කැමැත්ත පල කිරීම ඒ පුද්ගලයා කෙරෙහි ආකර්ෂණය වීමට හේතු වේ. ආකර්ෂණය වීම පිළිබද විමසු විට 90% පවසන ආකාරයට ආකර්ෂණය හේතු වී ඇත්තේ අනෙක් පුද්ගලයා තමන්ට කැමති බව දැනගැනීමයි.


  • ඔබ කරන දෙය  

හැගීම්බර හා පුද්ගලික තොරතුරු හුවමාරු කර ගැනීමෙන් දැඩි බැදීමක් ඇතිවේ. පර්යේෂණ වලට අනුව 30%ක්, ජිවිත කාලය පුරා පැවති බැදීම් වලට වඩා දැඩි බැදීමක් ඉහත තොරතුරු හුවමාරු කර ගැනීමෙන් ඇතිවේ.


  • පෞර්ශයත්වය  

හරි වැරැද්ද පිළිබද පැහැදිලි අවබෝධයක් තිබෙම සහ පහසුවෙන් එකඟ වන පුදගලයන් විවාහයට වඩා සුදුසු වේ.


  • හැගීම්  

පර්යේෂණ කණ්ඩායම් පෙන්වා දෙන්නේ කෙනෙක් ආකර්ෂණය වන්නේ පුද්ගලයාට නොව ඒ පුද්ගලයා සමඟ සිටින විට දැනෙන හැගීමට බවයි.උච්චතම අවස්ථාවකදී තමන් මරණයට පත් කිරීමට එන පුද්ගලයෙකුට පවා කෙනෙක් ආකර්ෂණය විය හැකියි.


මේ ගැන ඔබේ අදහසත් පහතින් Comment කරන්න....

කාන්තාවන් හයදෙනෙක්ගේ ටැටූ කතා.


අම්රිත් කල්‍යාණි (ගුරුවරියක්)
මම පච්චයක් කොටන්න යනවා කියලා දැනගත්තාම මගේ අම්මා මට එරෙහි වුණා. "ඔයා කසාද බැන්දම ඔයාගේ ස්වාමියාගෙන් අහලා ඕන දෙයක් කරන්න" අම්මා එහෙම කිව්වාම මට ඕන දේ කරන්න බැරි මේ සමාජය ගැන මට දුක හිතුණා.අම්මා කියන විදියට පච්ච කොටන අය මේ සමාජයේ පිළිගන්නේ පහත් විදියට. ඒ දේ එහෙම නොවෙයි කියලා මගේ අම්මට තේරුම් කරන්න සෑහෙන කල් ගතවුණා. පච්චයක් කෙටුවා කියලා මම කොහොමද නරක ගැහැනු ළමයෙක් වෙන්නේ.


ප්‍රකෘති ජාවේරි (ලේඛිකාවක්)
හැම අම්මා කෙනෙක් වගේ මගේ අම්මත් ඊචබබධවලට විරුද්ධයි. මට මගේ ඇඟේ පච්චයක් කොටාගන්න අවශ්‍ය වුණේ වයස අවුරුදු 15ක් විතර ඉඳන්. ඒත් මගේ මවුපියන් සහ වැඩිහිටියන් ඒකට මට අවසර දුන්නෙම නැහැ. "ඊචබබධ එක මගේ මුළු ජීවිත කාලෙම තියෙනවා. ඔයාට එපා වුණත් ඒක මකලා දාන්න බෑ" කියලා මගෙ අම්මා මාව බියවැද්දුවා. "පච්ච කොටන්නේ හිරකාරයෝ. ඔයත් හිරකාරයෙක් වගේ වේවි" කියලා මගේ නංගි මට කිව්වා. තාත්තා නම් කිව්වේ "කීයටවත් ඔයාගේ ඇඟේ විකාර කුරුටු ගාන්න එපා" කියලා.


මනාලි ෂා (මාධ්‍යවේදිනියක්)
මම පළමුවැනියටම පච්චයක් කෙටුවේ පුංචිම පුංචි මෝස්තරයක්. මම කවුරුත් කියන දේ අහන්න ගියේ නැහැ. ඒ දේවල් අහලා පස්සේ මට පසුතැවෙන්න වෙයි කියලා හිතුණා. ඒත් මගේ සමහර යාළුවෝ නම් කිව්වා පච්ච කෙටුවට පස්සේ ටික කාලයක් යනකල් ලේ දන්දෙන්න බැහැ කියලා.


ෂර්දා ෂා (ගෘහ නිර්මාණ ශිල්පිනියක්)
මගේ යාළුවෙක් තමයි මගේ ඇඟේ මුලින්ම පච්චයක් කෙටුවේ. ඒක ටිකක් වේදනාකාරී අත්දැකීමක්. සියුම් වේදනාවක් දැනෙනවා. හුඟක් අය ඇහුවා කොහොමද ඒ වේදනාව ඉවසගෙන හිටියේ කියලා. ඒත් ලිංගිකව එක්වෙනකොට දැනෙන වේදනාව තරම් පච්චයක් කොටනකොට වේදනාවක් දැනෙන්නේ නැහැ. මගේ මවුපියෝ නම් කරදර වුණේ නිකරුණේ සල්ලි වියදම් කළ එක ගැන. මගේ නැන්දා නිකරුණේ සම නාස්ති කරගත්තා කියලා බැන්නා.


වැනීසා ලුවිස් (ලේඛිකාවක්)
මම පච්චයක් කොටන්න තීරණය කළේ මගේ 18 වැනි උපන් දිනය දවසේ. මම තෝරාගත්ත පච්චයේ තේරුම වුණේ බලාපොරොත්තුව කියන එක. මගේ අම්මා නම් ඒක එච්චර ගනන් ගත්තේ නැහැ. යාළුවෝ මට එක එක දේවල් කියලා විහිළු කළා. ඒත් මම ඒවා එච්චර තැකීමක් කළේ නැහැ.


වීදි ෂා (ශිෂ්‍යාවක්)
මම පච්චයක් කෙටුවේ මගෙ අම්මව පුදුම කරන්න. එයාගේ උපන් දිනේ දවසේ මගේ අතේ තියෙන පච්චය දැකලා එයා පුදුම වෙනවා බලන්නයි මට ඕන වුණේ. මම මගේ මැණික්කටුව ළඟ "අම්මගෙ පුංචි කෙල්ල" කියලා කොටාගත්තා. මම හිතුවේ මේ විදියට පච්චය කෙටුවාම එයාලා සතුටු වෙයි කියලා. ඒත් මම බලාපොරොත්තු වුණු සතුට මට දැනුණේ නැහැ. එයාලා මට කිව්වේ ඔයා පොඩි ළමයෙක් වගේ පේන්නේ නැහැ කියලා. තවත් අය මට බැන්නා ඇයි ඔයා තාත්තගේ පුංචි කෙල්ල නෙවෙයිද කියලත්.

සවනි ශේෂාධි

මේ ගැන ඔබේ අදහසත් පහතින් Comment කරන්න....



ගැබිණි කාලයේ ඔබ මුහුණ දෙන අපහසුතා ගැන කතා කරමු.


ඔයා දැනටමත් ගැබිණි කාන්තාවක් නම්, ඔයා දන්නවා ඇති කොච්චර අපහසුතා වලට මුහුණ දෙනවද කියල. නමුත් ගොඩක් අය මේ අපහසුතා මඟ හරවා ගන්න දන්නේ නෑ. සමහරු හිතනවා මේවා තවත් රෝගයක් කියලා.ඇත්තටම, මේ අපහසුතා රෝග නෙමේ. මේවා, ස්වභාවික විදියට අඩු කර ගන්න පුළුවන්. අපි බලමු, කොහොමද මේ අපහසුතා මඟ හරවා ගන්නේ කියලා. 

01. ගැබිණි කාලයේ ක්ලාන්ත ගතිය, ඔක්කාරය, අප්‍රාණික බව, වමනය දැනෙනවානම් 

මෙසේ වන්නේ, ඔයාගේ ඇඟේ හෝමෝන ක්ෂණිකව වෙනස් වී තිබෙන නිසයි. ඔයා දෙහි, දොඩම්, නාරං වගේ juice වර්ග පානය කරනවානම්, උදේට ඇඳෙන් බැසීමට පෙර තැඹිලි වතුර වරින් වර (වරකට අවුන්සයක ප්‍රමාණයක්) පානය කරන්නේ නම්, ඉඟුරු දැමු තේ බොනවානම්, නෙල්ලි, වෙරළු වගේ පලතුරු වර්ග කනවානම් ඔයාට මේ තත්ත්වය මඟහරවා ගන්න පුළුවන්. ඒ වගේම එකවර ආහාර වැඩි ප්‍රමාණයක් නොගෙන ආහාර වේල් ගණන වැඩි කර, විටින් විට ආහාර ගැනීම තුලින්ද මේ තත්ත්වය අවම කර ගන්න පුළුවන්. 

02. කොන්දේ වේදනාව ඇතිවෙනවානම් 

මෙය ඇත්තටම සුලබ තත්වයක්. ඔයා වම ඇලයට නිදා ගන්නවානම්, සුදුසු තෙල් වර්ගයක් අලේප කරලා උණු වතුරෙන් තවනවානම්, පැතලි අඩි සහිත පාවහන් පලදිනවානම් ඔයාට මේ තත්ත්වය අවම කර ගන්න පුළුවන්. 

03. මළ බද්ධයට මුහුණ දී තිබෙනවානම් 

ගැබිණි කාලයේ ඔයාගේ ඇඟේ ඇතිවන හෝමන වෙනස්කම් නිසාත්, ගන්නා බෙහෙත් වර්ග නිසාත් (විශේෂයෙන් යකඩ පෙත්ත නිසා),මල බද්ධ තත්ත්වය ඇතිවිය හැක. නමුත් මතක තියා ගන්න ඕනි, මල බද්ධය නිසා, යකඩ පෙත්ත කොයිම අවස්ථාවකවත් නවත්වන්න එපා. ඒ වගේම මල පිටකිරීමේ අවශ්‍යතාවක් නැතිව බලෙන් මළ පිට කරන්න උත්සහ ගන්නත් එපා. වැඩිපුර දියර වර්ග පානය කරනවානම්, කෙසෙල්, පැපොල්, බෙලි වගේ පලතුරු නිතර කනවනම්, කෙඳි සහිත එළවළු, පළා වර්ග සෑම කෑම වේලකටම එක් කර ගන්නවානම් මේ තත්ත්වය ඔයාට මඟ හරවා ගන්න පුළුවන්. 

yeheliya.lk

මේ ගැන ඔබේ අදහසත් පහතින් Comment කරන්න....



Valentine & ආදරය - සමාධි මලලවීර විසිනි


ආදරවන්තයන්ගේ දිනය එහෙමත් නැත්තන් ශුද්ධ වූ වැලන්ටයින්ගේ දිනය සමරන්නේ පෙබරවාරි 14....ම්ම්ම්ම් ගොඩක් අයට ආදරේ දැනෙන දවසක්...ආදරේ විදින දවසක්...

ආදරය....එක දවසකට විතරක් සීමා කරන්න පුළුවන්ද ? කොහොම උනත් valentine සමරන එක අද trend එකක් වෙලා. කාට නැතත් රෝස මල් විකුනන අයට , greeting cards විකුනන අයට වගෙම gift shops වල අයට valentine’s day එක එහෙමත් නැත්තන් පෙම්වතුන්ගෙ දිනය කියන්නෙ අවුරුද්දෙම හොදම බිස්නස් දවස් වලින් එකක්.

වැලන්ටයින් දින දී ආදරවන්තයන් හා විවාහකයන් අතර රෝස මල් හුවමාරුව ඉතා ප්‍රචලිත  වූවකි. එයට බලපෑවේ සාන්ත වැලන්ටයින් පූජකතුමා රෝම සිර මැදිරියෙහි සිටින කාලයේ එතුමාගේ මරණ තීන්දුව ගැන ඇසූ බැතිමතුන් හා හිතවතුන් එතුමාගේ සිර මැදිරිය තුළට රතු රෝස මල් එවීම ය.වැලන්ටයින් දින දී ආදරවන්තයන් අතර පෙම් හසුන් හුවමාරුවීම් බොහෝ විට සිදුවේ. මෙම සම්ප්‍රදාය  පැමිණියේ සාන්ත වැලන්ටයින්තුමා මරණයට පත් වීමට පෙර දින තම හිතවත් සැදැහැවතියක් වූ සිරමැදියේ මුලාදෑනියාගේ දියණියට යැවූ සුභාශිංසන හසුන නිසා ය.වැලන්ටයින් සින පෙම්වතුන් අතර සුභ පැතුම්පත් හුවමාරුව ඇරඹී ඇත්තේ ක්‍රිස්තු  වර්ෂ 1800 දී ඇමෙරිකා එක්සත් ජනපදයේ එස්තර් හොව්ලන්ඩ් [ Miss Esther Howland] නමැති තරුණිය තම පෙම්වතාට යැවූ සුභ පැතුම්පතක් මුල් කර ගෙන ය.පසුකාලීනව මෙම සියලු චාරිත්‍ර  වලට වාණිජමය මුහුණුවරක් හිමි විය.

තමන් ආදරේ කරන කෙල්ලට එහෙමත් නැත්තන් කොල්ලට ආදරෙන් කතා කරන්න , තෑග්ගක් දෙන්න , එයත් එක්ක කොහෙ හරි ඇවිදින්න යන්න ගොඩක් අයට තියෙන්නෙ පෙබරවාරි 14 විතරමයි.ඇත්තටම මේ valentine’s day එක කියන්නෙ මොකක්ද ???? හොයලම බලමු....


වැලන්ටයින් කියන්නෙ ක්‍රිස්තියානි  පූජකතුමෙකුගෙ නමක්. එතුමගෙ නම අනුසාරයෙන් තමා මේ දවස නම් වෙලා තියෙන්නෙ. ලංකාව තුළ වැලන්ටයින් සැලකිය යුතු මට්ටමකින් සැමරීම ආරම්භ වූයේ 1990 දශකයේදීය. අපේ රටේ නම් වැලන්ටයින් කියන්නෙ ආගමික ස්වරූපයක් ගන්න උත්සවයක් නෙමේ. වාණිජමය සහ සමාජයීයමය ස්වරූපයක් ගන්න වැලන්ටයින් ගොඩක්ම සමරන්න පෙළබෙන්නෙ තරුණ තරුණියො.

වැලන්ටයින් සාමි ගැන පුරාවෘත කීපයක්ම තියෙනවා. වැලන්ටයින් තුමා කියන්නෙ ක්රි.ව. 3වන සියවසේ රෝමෙ හිටපු පූජකවරයෙක්.ඔය කාලෙම තමයි 2 වන ක්ලෝඩියස් කියන රෝම අධිරාජ්යයා ඉඳලා තියෙන්නෙත්. ඔය කියන අධිරාජ්යයාට ලොකු උණක් තිබිලා තියෙනවා අධිරාජ්යය ලොකු කරගන්න. ඒ හින්දම එයා නියෝග කලාලු රටේ ඉන්න හැම මිනිහෙක්ටම හමුදාවට බැදෙන්න කියලා.කසාද බැදපු මිනිස්සුන්ට වඩා පවුල් බරක් නැති තනිකඩයෝ බදව ගත්තම හොදට වැඩ කරගන්න පුලුවන් නේද කියලා කල්පනා කරපු මේ අධිරාජ්යයා කසාද බදින එක තහනම් කලාලු. වැලන්ටයින් පියතුමා හිටියෙත් ඔය කාලෙමනෙ , ඉතින් එයාට තේරිලා මේ නීතිය නිසා couple විදින දුක,එයා හොරෙන්ම ආදරය කරන couple ගෙන්නලා කසාද බන්දවලා. මේ වැඩේ ටික දවසක් යද්දි කොහොම හරි ක්ලෝඩියස් ලොක්කට ආරංචි වෙලා වැලන්ටයින් පියතුමාව හිර කරලා පස්සෙ පෙබරවාරි 14 වෙනි දවසක හිස ගසා මරා දමලා .

ඊට කාලෙකට පස්සෙ කතෝලික සභාව තීරණය කරලා තියෙනවා වැලන්ටයින් පියතුමාගේ සේවය අගය කිරීමක් වශයෙන් එතුමාව ශුද්ධවරයට ඔසවන්න. ඉතින් ක්‍රි.ව 496දී (1969) ග්ලාසියස් කියන පාප්තුමා වැලන්ටයින් තුමාව “ආදරවන්තයන්ගේ සාන්තුවරයා” වශයෙන් නම් කරලා තියෙනවා.

සාන්ත වැලන්ටයින් දිනය පටන් අරන් තියෙන්නෙ යහපත් චේතනාවකින් හැබැයි දැන් ඒක marketing දිනයක් වෙලා.


වැලන්ටයින් දින විවිධ විශ්වාසයන්

අතීතයේ දී රෝමයේ සිටි මිථ්යා දෘෂ්ඨික ජනයා ජූනෝ නමැති රෝම දෙවඟනට පැවැත්වූ පුද පූජා උත්සවය අනාගත සහකරු / සහකාරිය සොයා ගැනීමේ හා තම ප්‍රේමය  ඔවුනොවුන් වෙත ප්රකාශ කිරීමේ දිනයක් විය. “ලුපර්කාලියා” නම් වූ මෙම උත්සවයට එවකට සිටි කිතුනුවන් ද පුරුද්දකට මෙන් සහභාගි වූහ. එය පළමු දේව පණතට විරුද්ධ වූවක් බැවින් කතෝලික සභාව විසින් එයට සහභාගිවීම තහනම් කරන ලදි. එහෙත් එයින් ප්‍රථිපලයක්  නොවූයෙන් එම උත්සවය වෙනුවට සාන්ත වැලන්ටයින් දිනය හඳුන්වා දුණි. එදින දෙව්මැදුරු වලට රැස්වන කිතුනු බැතිමතුන් කිතුනු ලීලාවෙන් එය සැමරීමට යොමු විය. අතීතයේ පටන් තම පෙම්වතා හෝ පෙම්වතියව ස්වකීය “වැලන්ටයින්” යන නමින් හඳුන්වා ඇත. අතීතයේ එංගලන්තයේ වේල්ස් හි කිතුනු ජනයා ලීයෙන් සකස් කළ හෘදයක හැඩතළ කැපූ හැඳි තම සිත් ගත් අය අතර හුවමාරුවක් කර ඇත. එහි අදහස වී ඇත්තේ “ඔබ මගේ හදවතේ දොරගුළු විවර කරන්න” යනු යි. මධ්යතන යුගයේ දී තම ඇඳුම් වල හදවතක රූපයක් සිතුවම් කර සතියක් පුරා ඇඳ පැළඳ සිටීම මගින් තමන්ගේ “වැලන්ටයින්” වන්නේ කවරෙක් දැ යි විමසිල්ලෙන් සිටීමේ සිරිතක් පැවතී ඇත. එමගින් තම සිතැඟි අන් අයට ප්රකාශ කර ඇත.

යුරෝපයේ ඇතැම් රටවල තරුණයන් තම සිත් ගත් තරුණියන්ට වැලන්ටයින් දිනයේ දී ත්‍යාගයක් වශයෙන් ඇඳුමක් දී ඇත. එය ඊළඟ වසරේ පෙබරවාරි 14 තෙක් සුරක්ෂිතව තබා ගන්නා තැනැත්තිය තමන් හා විවාහ වීමට අපේක්ෂාවෙන් සිටින්නියක් ලෙසින් සළකා ඇත.

වැලන්ටයින් දින දී කිසියම් තරුණියකගේ හිස උඩින් “රොබින්” කුරුල්ලෙකු පියඹා ගියේ නම් ඇයට නාවිකයෙකු සමග විවාහ වීමට සිදුවන බවත්,  ගේ කුරුල්ලෙකු පියඹා ගියහොත් දිළිඳු මිනිසෙකු හා විවාහ වී එහෙත් සතුටින් දිවි ගෙවිය හැකි බවත්, “ගෝල්ඩ් ෆින්ච්” වර්ගයේ කුරුල්ලෙකු නම් ධනවතෙකු සමග විවාහ වන බවත් විශ්වාස කර ඇත. 

වැලන්ටයින් දින උත්සව වල දී ඉංග්රීසි ඒස් [S] අකුරේ හැඩයට තැනූ “ආදර අසුන” {Love Seat} මත අසුන් ගන්නා තරුණ තරුණියන් පසුකලෙක විවාහ ගිවිස ගන්නා බවට මතයක් යුරෝපය තුළ විය.

වැලන්ටයින් දින ඇපල් ගෙඩියක් ගෙන එහි නටුව අඹරා එය දිග හැරී ඇපල් ගෙඩිය බිම පතිත වනතුරු තමන් විවාහ වීමට කැමති සිත් ගත් තරුණ / තරුණියන් හය දෙනෙකුගේ නම් කියති. ඇපල් ගෙඩිය නටුවෙන් ගිළිහෙන විට තමන් තම උච්චාරණය කරමින් සිටි තරුණියව / තරුණයාව තමන්ට විවාහ කර ගැනීමට හැකි බවත් විශ්වාස කර ඇත.

වැලන්ටයින් දින දී කහ පැහැති මල් පිපෙන “dandelion” නමැති ගසක් වෙත ගොස් එහි පැළී ඇති කරලකට දීර්ඝ හුස්මක් ගෙන පිඹීම කරයි. එවිට එහි ඇට සුළඟේ පාවී යයි. කරල තුළ ඉතිරි වන ඇට සංඛ්යාව විවාහයෙන් තමන්ට හිමි වන දරුවන් සංඛ්යාව පෙන්වන බවට විශ්වාසයක් ද විය.

එසේම එදින දී ඇපල් ගෙඩියක් ගෙන එය හරි මැදින් කපා ඒ තුළ තිබෙන ඇට සංඛ්යාව නිවැරදිව ගණනය කළ හැකි නම් විවාහයෙන් හිමි වන දරුවන් සංඛ්යාව ද එයම වන බව ද විශ්වාස කර ඇත.


සමාධී මලලවීර | Samadhi Malalaweera
samadhi.pinky@gmail.com

මේ ගැන ඔබේ අදහසත් පහතින් Comment කරන්න....


කුරුලෑ නැති කරන සරල ක්‍රම


අයිස්
අයිස් තැබීමෙන් මුහුණේ ඇතිවන කුරුලෑ පහසුවෙන්ම ඉවත්කර ගත හැකි බව ඔබ දන්නවාද? රුධිර ගමනාගමනය ක්‍රමවත් කරමින් මුහුණේ සිදුරුවල රැදුණු කුණු ඉවත් වීමද මින් සිදුවෙයි. අයිස් කැටයක් රෙදි කැබැල්ලක ඔතා තත්පර කිහිපයක් මුහුණේ ලප කැලැල් ඇති ස්ථානවල තබන්න. සමේ ඉදිමුම් පවා මින් සමනය කළ හැකියි.


ලෙමන්
කුරුලෑවලට ප්‍රතිකාර කළ හැකි තවත් ආදේශකයක් වන්නේ දෙහිය. විටමින් B අඩංගු දෙහි යුෂ කුරුලෑ ලප වියළීමට සමත් වෙයි. කපු රෙදි කැබැල්ලක් දෙහි යුෂවල පොඟවා කුරුලෑ මත තෙත මාත්තු කර නින්දට යන්න. දෙහි යුෂ මේස හැන්දකට කුරුඳු කුඩු තේ හැන්දක් එක්කර සාදා ගන්නා පැක් එකක් කුරුලෑ ලප කැලැල් මත රැයක් තබා සෝදා හරින්න. මෙය කුරුලෑවලට මනා ප්‍රතිකාරයකි.


පැණි
මී පැණි ස්වාභාවික විසබීජ නාශකයක් ලෙසද ක්‍රියාකරයි. කපු රෙදි කැබැල්ලක් පැණිවල පොඟවා ආසාදන වූ සම මත ගල්වා පැය 1/2ක් පමණ තබා සෝදා හරින්න. මී පැණි, කුරුඳු කුඩු සමඟ මිශ්‍ර කර ආලේප කිරීමෙන්ද කුරුලෑ සුව කරගත හැකියි. මෙම මිශ්‍රණය මුහුණේ ගල්වා රැයක් තබා පසුදින උදයේ සිසිල් වතුරෙන් සෝදා හරින්න.


දන්තාලේප
දන්තාලේප දත් පිරිසුදු කිරීමට පමණක් නොව කුරුලෑවලට ප්‍රතිකාරයක් ලෙසද යොදා ගනියි. ජෙල් රහිත සුදු පැහැති දන්තාලේප මෙම සත්කාරයට වඩාත් සුදුසුයි. නිදා ගැනීමට පෙර කුරුලෑ කැලැල් මත දන්තාලේප ස්වල්පයක් ආලේප කරන්න. පසුදා උදෑසන ඒවා සෝදා ඉවත් කර ගන්න.


හුමාලය
හුමාලය ඔබේ සමට ප්‍රතිකාර කළ හැකි සුදුසුම ක්‍රමවේදයක්. හුමාලය සමට ඇල්ලීමෙන් සමේ රෝම විවර වෙයි. එවිට පිරිසුදු වාතය සමට හොඳින් ඇතුළු වීමට පහසුයි. එමෙන්ම කුණු දූවිලි හා සමේ තෙල් ගතියද ඉන් පහවයි. ජල බඳුනක් ළිප තබා එය රත්වූ පසු එහි හුමාලය මිනිත්තු කිහිපයක් මුහුණට වැදීමට සලස්වා පසුව ඇල් ජලයෙන් සෝදා හරින්න. තෙත ගතිය ඉවත් වූ පසු තෙතමනය සුරකින ආලේපනයක් ගල්වා සමට ආරක්‍ෂාව සපයන්න.


සුදුලූනු
සුදුලූනු දිලිර බැක්ටීරියා මර්දනයට සුදුසුම ආහාරයකි. මෙනිසා සුදුලූනු කුරුලෑ සත්කාරවලටද යොදා ගනියි. සුදුලූනුවල අඩංගු සල්ෆර් මඟින් කුරුලෑ සුව කළ හැකියි. සුදුලූනු බිග් එකක් ගෙන දෙකට කපා කුරුලෑ මත මිනිත්තු 5ක් පමණ තබා ඇල් ජලයෙන් සෝදා හරින්න. කරාඹුනැටි හා අමු සුදුලූනු, දෛනිකව ආහාරයට ගන්නේ නම් රුධිරය පිරිසුදුවීමේ ක්‍රියාවලියටද එය පහසුවකි.


මේ ගැන ඔබේ අදහසත් පහතින් Comment කරන්න....

නව වසරට නව ඇරඹුමක්


අලුත් අවුරුද්දට අලුත් ඇරඹුමක් ගන්න පරණ  අවුරුද්දෙ ඔබ අතින්  සිදුවූ වැරදි අමතක  කරන්න .මේ අවුරුද්දේ අලුත් දේ හමුවන, අලුත් දේ දැනගන්නට ලැබෙන් ඔබ මෙතෙක් ආශාවෙන් පසු වූ අරමුණක්  කරා  හඹායන අවුරුද්දක් බවට පත්ව්වේවි .ඔබ මේ නව වසරේ ඉටු ක‍රගන්න  බලපොරෝතුවන ඕනෑම දෙයක් සාර්ථක  කරගන මෙන්න  ඔබ‍ට අපෙන් අත්වැලක්.

1.උත්සව කාලයේ යොදාගත් සැරසිලි නැවත පිලිවෙලට අසුරා තබන්න

නිවාඩු කාලය අවසන් වනවාත්  සමග සැරසිලි ඔබේ නිවසේ එක් එක් තැන්වල අපිළිවෙලට තිබිය හැකිය .ඔබ මේවා බොහෝ කාලයක් තබා ගතහොත් එය ඔබේ සාමාන්‍ය ගේදොර වැඩ කිරීමටද අපහසුවක් වේවි. ඒ නිසා ඉක්මනින් ඒවා නැවත පිළිවෙලට තබන්න.

පවුලේ උදවිය හා මිතුරන්ගෙන්ද මේ සදහා උදව්  ලබාගන්න.



2.නව වසරට ඔබේ අරමුණු ලේඛනයක් සකස් කරන්න

වසරේ ඔබට ඉටු කරගත යුතු අරමුණු දින පිළිවෙලට සකසා ගන්න.මෙය ඔබට නිතර පෙනෙන තැනක තබා ගන්න.මේ මගින්  ඔබ‍ට ඔබේ අරමුණු ඉටු කරගැනීම පිළිබද විශ්වාශයක් ගොඩනැගේ.



3.සැලසුම්කරණය පිළිබද අවධානය යොමු කරන්න

ඔබ දැනටමත් හොදින් සැලසුම් කර ඇත්නම් මේ පියවර නොසලකා හරින්න.නමුත් බොහෝ පිරිසක් මනා සැලසුම්කරණයක් නොකරන නිසා මේ පුංචි පියවර කිහිපය අනුගමනය කරන්න.

ඔබේ මේසය නොයෙක් කඩදාසි,පොත් හා පෑන් වලින් පිරිලද?
ඉක්මනින් ඒවා සියල්ල වෙන වෙනම තබන්න.(පසුව මේවා ඊට අයිති ස්ථානයෙන් තැබිය හැක.)

ඔබ ඔබේ බඩු බාහිර ආදිය තිබු තැන් සොයාගැනීමට අපහසු ද?
පහසු විසදුම් කරා යොමුවන්න.නිදසුනක් ලෙස යතුරු එක් එක් තැන්වල දැමීමෙන් වැලකී ඒ සදහා යතුරු රදවනයක් බාවිතා කරන්න.පිළිවෙලට තබා ගැනීම පුරුද්දක් කර ගන්න.

පියවරෙන් පියවර පටන් ගන්න.සතියේ දින හතෙන් දින කිහිපයක් වෙන් කරගෙන මේ කටයුතු සදහා යොදාගන්න.එම වෙන් කරගත් දින වලදී අනිවාර්යෙන් එය සිදු කරන්න.එම කාර්යය හෙටට කල් දමන්න එපා.



4.නිස්කලංකව සිටීමට වෙලාවක් වෙන් කරගන්න 

ඔබ නිස්කලංකව සිටීම පුරුද්දක් කර නොගත් අයෙක් නම් දැන්ම ඒ වැදගත් කාර්යය සදහා වෙලාවක් වෙන් කරගන්න.

පොත් කියවමින්,අන්තර්ජාලයේ සැරිසරමින් හෝ ඔබ කැමති විනෝදාංශයක් කරමින් නිදහස් කාලය ගත කරන්න.

මිතුරන් හමුවීමට හා සමාජ ඇසුර වැඩි කරගැනීමේ කාර්යයන් සදහාද මේ වෙලාව  යොදා ගන්න.



5.පසුගිය වසර පිළිබද නැවත හැරී බලන්න

ඔබට මේ වසරේ හොදින් කිරීමට හැකි දේ ගැන සිතන්න.පසුගිය වසරේ ඔබ අතින් සිදුවූ වැරදි අඩුපාඩු හදුනාගන්න.පසුගිය වසරේ ඔබ ඔබේ අරමුණු කරා ලගා වුවා ද?ඔබට ඔබේ ජිවිතයේ වෙනස් කිරීමට ඇති දේවල් මොනව ද?මේ ආකාරයෙන් ඔබ ඔබවම ප්‍රශ්න කිරීම මගින් මේ වසර සාර්ථක කර ගැනීම සදහා පෙලඹවිමක් ලැබෙනු ඇත.


ඔබ පසුතැවිලි වන යමක් තිබෙනවා ද?පසුගිය වසරේ ඔබ අතින් සිදුවූ වැරද්දක් නිසා ඔබට සමහර පුද්ගලයින්ට මුහුණ දීමට නොහැකි ද?වහාම ඔවුන්ව අමතන්න.ඔබ අතින් සිදුවූ දෙයට සමාව ඉල්ලන්න.නව වසර පරණ තරහමරහ විසදගෙන ඉදිරියට යන්න.

පසුගිය වසර  ඔබට ඉතා සාර්ථක වසරක් වුයේ ද?විශිෂ්ටයි,ඒ වසර පිළිබද මතක සටහන් එකතු කරගන්න.එලඹෙන වසර ඊටත් වඩා සාර්ථක කර ගැනීමට කටයුතු කරන්න.මතක තබා ගන්න ''සාර්ථකත්වය යනු නැවතුමක් නොවේ''.

පසුගිය වසර ඔබට ඉතා අමිහිරි වසරක් ද?මේ වසරත් ඒ ආකාරයෙන්ම  වෙතැයි සිතා පසුතැවිලි වෙනවාද? මතක තබාගන්න ඔබට අනාගතය ගැන අනාවැකි පල කල නොහැක.නමුත් ඔබට අනාගතයට මුහුණ දිය හැක.ඒ වර්තමානයට එඩිතරව මුහුණ දීම මගින් නව වසරට නව බලපොරෝතුවක් ඇති කර ගන්න.



ඔබට සුබ නව වසරක් වේවා !!!


ටිශාන් වික්‍රමසිංහ
(මුලාශ්‍රය : wikihow වෙබ් අඩවිය)

මේ ගැන ඔබේ අදහසත් පහතින් Comment කරන්න....

විනාඩි 10න් මුළුතැන්ගෙය පිරිසුදු කරගන්න



ගෘහණියක් හැමවිටම මුළුතැන්ගෙය ප්‍රසන්නව පිරිසුදුවට තබා ගැනීමට උත්සාහ කරනවා. උයන පිහින කටයුතු වගේම පිරිසුදු කිරීමේදීත් නිවැරැදි පහසු ක්‍රමවේද ගැනත් දැන ගැනීම වැදගත්.

සනීපාරක්ෂක සේදුම්කාරක
විවිධ නිෂ්පාදන යටතේ වෙළෙ¼දපොළට එන සේදුම්කාරක නිතරම භාවිත කිරීමට ඔබ හුරුවී ඇති. පිඟන් වැනි දීසි පිරිසුදු කිරීමට පමණක් නොව බැක්ටීරියා ඉවත් කිරීමටත් සුදුසු සේදුම්කාරකයක් ලෙස බ්ලීචිං කුඩු භාවිත කළ හැකියි. කුණු සෝදා හැරගත් පසු බ්ලීචිං කුඩු මේස හැන්දක් මිශ්‍ර කරගත් ජල බඳුනකට එම දීසි පොඟවා තබන්න. දැන් ස්පොන්ජ් කැබැල්ලක් ගෙන දීසි හා සින්ක් එකද සෝදා හැරිය හැකියි. භාජනවල ඉඳුල් දුගඳ ඉවත් කරමින් පිරිසුදු කිරීමට එය සුදුසුම සේදුම්කාරකයකි. නිතර කුණු දූවිලි රැඳීම නිසා ඇති වන බැක්ටීරියා වැළැක්වීමටත් මෙම බ්ලීචිං සහිත දියර සින්ක් එක පිරිසුදු කිරීමට යොදාගන්න.


සුදුසුම සේදුම්කාරක සබන් වර්ගය
විසබීජ නාශක සහිත සබන්වල ලැක්ටික් ඇසිඩ් අඩංගු වන නිසා බැක්ටීරියා මර්දනය කිරීම හා තෙල් ඉවත් කිරීමේ හැකියාවද පවතියි. ඔබ පිඟන් පිරිසුදු කිරීමේදී එක පිඟානක් පිරිසුදු කර දෙවැනි පිඟාන පිරිසුදු කරන විට නැවැත සබන් වරින් වර ස්පොන්ජ් කැබැල්ලෙන් ගෙන අතුල්ලයි. නමුත් නිවැරැදි සබන් වර්ගයක් භාවිත කරන්නේ නම් මෙය ඔබට අත්විඳින්න සිදු නොවේ. වෙළෙඳපොළේ ඇති බොහොමයක් නිෂ්පාදනවල පෙණ ගතිය අඩු හා තෙල් ඉවත් නොකරන නිසා ඒවා තෝරා ගැනීමේදී ඔබ වඩාත් සැලකිලිමත් වන්න.


එකවර දීසි කිහිපයක් සේදීමට
එකවර දීසි කිහිපයක් සේදීමට ඇති විට මඳ උණුසුම් සබන් දියර සහිත ජලයෙන් සින්ක් බඳුනේ අඩක් පුරවන්න. ඉන්පසුව සේදීමට ඇති පිඟන් ආදිය එහි විනාඩි 2ක් පමණ බහා තබන්න. දැන් ඒවා ඉවතට ගෙන හොඳින් පිරිමැද මදින්න. දැන් වතුර බැස යෑමට සලස්වා දීසි පහසුවෙන්ම පිරිසුදු කර ගැනීමට ඔබට පුළුවන්. නමුත් ඉඳුල් සහිත භාජන හොඳින් පිරිසුදු කිරීමට සිසිල් ජලයෙන් අවසානයට සෝදා හරින්න.


රළු ස්පොන්ජ් කැබැල්ලක්
දැල් සහිත ස්පොන්ජ් කැබැල්ලක් නම් මුළුතැන්ගෙයි පිරිසුදු කිරීමට අත්‍යවශ්‍යම අංගයක්. ආහාර ඇලී ඇති භාජන හොඳින් අතුල්ලා පිරිසුදු කිරීමට මෙය වඩාත් සුදුසුයි. බේකින් සෝඩා ස්වල්පයක් එවැනි ස්ථානවල තවරා දැල් සහිත ස්පොන්ජ් කැබැල්ලකින් සෝදා හැරීමෙන් වැඩි ඔපයක් ලබා ගත හැකියි. මෙයට උණුසුම් ජලය යොදා ගන්නේ නම් ඔබේ කාර්යය වඩාත් පහසු වෙයි.


පිස්නා මාරු කිරීම
මුළුතැන්ගෙයි උපකරණ පිස දැමීමට හා මේස පිස දැමීමටත් රෙදි කැබැල්ලක් භාවිත කරයි. නිතර කුණු දූවිලි හා ඉඳුල් රැඳෙන මෙම රෙදි කඩ නිතර සෝදා පිරිසුදු කර ගන්න.
මුළුතැන්ගෙයි වුවත් මේස පිස දැමීමට භාජන පිස දැමීමට හා අත් පිසීමට වෙනම රෙදි කඩ කිහිපයක් භාවිත කළ හැකි නම් එය වඩාත් සෞඛ්‍යාරක්ෂිතයි. ඒවගේම මෙම රෙදි නිතර මාරු කිරීමටත් සිහි තබාගන්න.


සින්ක් එක අසල භාජන ගොඩගැසීම
ඔබ නිවෙසට අමුත්තන් ආවිටෙක ඉඳුල් දීසි ආදිය සින්ක් එක අසල ගොඩ ගසා තැබීමට බොහෝ දෙනා හුරුවී සිටිනවා. නමුත් හැකි සෑම විටම ඉන් එකින් එක හෝ සෝදා පිරිසුදු කර එම ස්ථානයෙන් ඉවත් කර ගන්න. පිඟන් ආදිය හා පිහි වැනි උපකරණ වෙන් කර තබා සේදීමටත් වග බලා ගන්න.


ශාලිකා රංගනි සමරදිවාකර

මේ ගැන ඔබේ අදහසත් පහතින් Comment කරන්න....