Showing posts with label Interviews. Show all posts

'මගේ හීනය වුණේ නිළියක් වෙන්න' : ගීත්මා බණ්ඩාර

මේ වසරේ පැවති ‘හිරු’ අවුරුදු කුමරිය තරගයේ දෙවැනි ස්ථානය දිනූ ගීත්මා බණ්ඩාර සමගින් අද තරු කතා බහ අපි මෙළෙස දිග හැරියේමු. රංගන ශිල්පිණියක් ලෙස දිගු ගමනක් යන්නට උත්සාහ කරන ගීත්මා මේ වනවිටද කලා නිර්මාණ බොහෝමයකට සිය දායකත්වය ලබා දී තිබේ.

ක්ෂේත්‍රයට ඔබ පිවිසෙන්න ‘හිරු’ අවුරුදු කුමරිය හරහා?

ඔව්, මේ වසරේ තිබුණ ‘හිරු’ අවුරුදු කුමරිය තරගයට ඉදිරිපත් වෙලා එහි දෙවැනි තැනට මාව තේරුණා. ඒ හරහා තමයි මට කලාවට එකතු වෙන්න වාසනාව ලැබුණේ.

ඔබ දැනට දායක වුණ කලා නිර්මාණ මොනවද?

‘හිරු’ අවුරුදු කුමරිය වෙන්න කළින් ඉඳලම මම රූපවාහිනි වෙළෙඳ දැන්වීම්වලට සම්බන්ධ වුණා. ‘හිරු’ අවුරුදු කුමරිය තරගයෙන් පසුව ‘හිරු’ රූපවාහිනි නාළිකාවෙ මේ වනවිට විකාශනය වෙන ‘අහස් මාළිගා’ ටෙලි නාට්‍යයේ මම රංගනයෙන් දායක වෙනවා. ඉදිරියේදි ප්‍රදර්ශනය වෙන්න නියමිත සිනමා නිර්මාණ කිහිපයකටත් මම දායකත්වය ලබා දෙන්න දැනට මම බලාපොරොත්තුවෙන් ඉන්නවා.

නිළියක් වෙන්න පුංචි කාලේ හීනයක් ඔබට තිබුණද?

මම කලාවට ගොඩක් ආදරය කරන කෙනෙක්. පුංචි කාලෙ ඉඳලා මගේ හීනය වුණේ නිළියක් වෙන්න. ඒත්, ඒ වෘත්තියට මාව ගැළපෙයිද කියලා බයකුත් මට තිබුණා. මොකද, කොච්චර ආස වුණත් වැඩක් නැහැ ඒ කලාවේ රැඳිල ඉන්න තරම් දක්ෂතාවයක් නැතිනම්. ඒත්, අද වනවිට මට රඟපාන්න අවස්ථාව ලැබිලා තියෙනවා. ඒ වගේම ප්‍රේක්ෂකයින්ගේ ආදරණිය චරිතයක් වන්නත් මට අද වෙන කොට හැකි වෙලා තියෙනවා. ගොඩක් සතුටුයි මට ඒ ගැන.

කලාව පැත්තෙන් ඔබට තියෙන ඉලක්ක මොනවද?

මේ ආපු ගමන හරීම කෙටියි. මට තව ඉගෙනගන්න දේවල් හුගාක් තියෙනව. ඒකට මට ප්‍රවීණයන්ගේ නොමද සහයෝගය ලැබෙනවා. ක්ෂේත්‍රය තුළ තමාගේ ප්‍රතිරූපය ගොඩනගා ගත යුත්තේ තමාමයි. මේ ක්ෂේත්‍රයට මම ගොඩක් ආසයි. ඒ හින්දා දක්ෂ වගේම ජනප්‍රිය නිළියක් විදිහට මේ ක්ෂේත්‍රය තුළින් ඉදිරියට යන්න තමයි අදහස.

සිනමාවට ඔබෙන් ලැබෙන දායකත්වය?

දැනට චිත්‍රපට කිහිපයක් සඳහා සම්බන්ධ වෙන්න ආරාධනා ලැබිලා තියෙනවා. සමහරක් ඒවා තවමත් සාකච්ඡා මට්ටමින් තියෙනවා. හොඳයි කියලා හිතෙන නිර්මාණවලට මම දායක වෙනවා. මම හිතනවා පුංචි තිරේට වඩා සිනමා නිර්මාණ හරහා විශාල රසික පිරිසක් මට එකතු වේවි කියලා.

උදව් කරපු අය ගැන කිව්වොත්?

මේ ගමනේ මට උදව් කරපු අය බොහෝමයි මගේ අම්මා තමයි මගේ හැම දේකම ශක්තිය වුණේ. ඒ වගේම ‘හිරු’ රූපවාහිනි නාළිකාවේ මට උදව් කරපු වචනෙකින් පවා මාව දිරිමත් කරපු මට ශක්තියක් වුණ හැම දෙනාටම මගේ ස්තුතිය පිරිනැමෙන්න ඕනා.










පත්තරේක කවරයක් දැකලා එයා මට කතා කළා : ඕෂධී


ඕෂධී... මේ දවස්වල වැඩ වැඩියි වගේ...?

ඔව්... මේ දවස්වල ටිකක් කාර්යබහුලයි. මගේ අලුත්ම චිත්‍රපටයේ රූගත කිරීම් මේ දවස්වල සිද්ධ වෙනවා. මම මුලින්ම රඟපෑවේ උදය කාන්ත වර්ණකුලසූරිය මහතාගේ “වස්සානයේ සඳ” චිත්‍රපටයේ. ඒක මේ දිනවල තිරගත වෙනවා. දෙවැනියට මම රඟපෑවේ “Face To Face” චිත්‍රපටයේ. තුන්වෙනියට රඟපාන්නේ “මම Miss ජෙනිස්” චිත්‍රපටයේ. ඒක සුසිරන් ද සිල්වා මහතාගේ අධ්‍යක්ෂණයක් “මම Miss ජෙනිස්” සුසිරන් අයියගේ පළවෙනි චිත්‍රපටය. ඉතින් මේ වෙනකොට ඒ අලුත් චිත්‍රපටයේ රූගත කිරීම්වලට සහභාගී වෙනවා. ඇත්තටම ඒක හරි අපූරු අත්දැකීමක්. 

මේ දිනවල ඕෂධී රඟපෑ මුල්ම චිත්‍රපටය “වස්සානයේ සඳ” තිරගත වෙනවනේ මොකද හිතෙන්නේ?

ඔව්... උදය කාන්ත වර්ණසූරිය අයියාගේ “වස්සානයේ සඳ” චිත්‍රපටය මේ දිනවල තිරගත වෙනවා. ඒකේ මම රඟපාන්නේ නතාශා කියන චරිතයයි. ඉතින් ලැබෙන ප්‍රතිචාර ඇත්තටම හොඳයි. මගේ පළවෙනි චිත්‍රපටය මේ කාලයේ තිරගතවීම ගැන ඇත්තටම තියෙන්නේ ලොකු සතුටක්. 

“වස්සානයේ සඳ” සිනමා නිර්මාණයට දායක වෙන්න අවස්ථාව ලැබුණේ කොහොමද...?

මේ අවස්ථාව මට ලැබුණේ මම හිටපු පුවත්පත් කවරයක් දැකලා. ඒක දැකපු උදය කාන්ත අයියා කතා කරද්දී මට පුදුම හිතුණා. මම ගොඩාක් සතුටු වුණා. එදා මම මුලදී හිතුවෙම නැහැ ඒ කතා කරන්නේ උදය කාන්ත අයියා කියලා. ඒ තරමටම මම පුදුම වුණා. මම හිතුවෙම මගේ යාළුවෙක් බොරුවට මට කතා කරනවා කියලයි. කොහොම හරි උදය කාන්ත අයියා කියලා දැනගත්තාම මම ඉතා සතුටින් ඒ අවස්ථාව බාරගත්තා. “වස්සානයේ සඳ” චිත්‍රපටය කරද්දී කැමරා අධ්‍යක්ෂණය කළ අයේෂ්මන්ත අයියා සහාය අධ්‍යක්ෂණය කළ ඩෝනල්ඩ් අයියාට ඇතුළු මුලු කණ්ඩායමම මට ලොකු සහයෝගයක් ලබලා දුන්නා. 

පුංචි කාලේ ඉඳන් ඕෂධී ආසාවෙන් හිටියේ කලාවට සම්බන්ධ වෙන්නද...?

නැහැ... එහෙම කැමැත්තන්නම් තිබුණේ නැහැ. පුංචි කාලේ ඉඳන්ම මගේ හීනය වෙලා තිබුණේ ගුවන් සේවිකාවක් වීමයි. මගේ පෙනුමත් එක්කම අපේ ගෙදරින් නිතරම මම “ලොකු වුණාම ගුවන් සේවිකාවක් වෙන්න” කියන හීනය දාලයි තිබුණේ. ඉතින් ඒක තමයි නිතැතින්ම මගේ හීනයක් වුණේ. 

ඒ හීනේ වෙනස් වුණේ කොතනින් ද...?

මගේ පුංචිට ඒ දවස්වල සැලෝන් එකක් තිබුණා. ඉතින් මනමාලියන් දැක්මවලට තරගවලට පුංචි මාව තමයි ඒ දවස්වල ඇන්දවූවේ. ඉතින්... ඒ හරහා තමයි මාව මේ නිරූපණ ක්ෂේත්‍රයට මුලින්ම යොමුවුණේ. මගේ ගම හික්කඩුවේ. මම හැදුණේ වැඩුණේ හික්කඩුවේ. මේ ක්ෂේත්‍රයට මම ගමකින් ආපු කෙනෙක්. මම ඉගෙන ගත්තේ අම්බලන්ගොඩ ප්‍රජාපතී ගෝතමී බාලිකාවේ. මගේ පවුලේ ඉන්නේ අම්මයි, තාත්තයි, නංගීයි, මල්ලියි. මම පවුලේ වැඩිමලා. මගේ තාත්ති ව්‍යාපාරිකයෙක්... අම්මා ගෘහණියක්.



ඕෂධී කලාවට සම්බන්ධ වීම ගැන දෙමව්පියන්ගෙන් කැමැත්තක් තිබුණා ද...?

ඔව්... අම්මයි තාත්තයි අද වෙද්දී මම ඉන්න තැන ගැන ගොඩාක් සතුටු වෙනවා. මුලින් වුණත් ඒ දෙන්නාගෙන් ලොකු අකමැත්තක් තිබුණේ නැහැ. කවදාවක් “මේක කරන්න මේක කරන්න එපා” කියලා තහංචි දාලා නැහැ. ඒ නිසා එහෙම අකමැත්තක් එදා තිබුණෙත් නැහැ. අදටත් එහෙම අකමැත්තක් නැහැ. 

ඕෂධී අද රංගනයට එකතුවෙලා හිටියට ඕෂධී මුල් කාලයේදී ජනප්‍රිය වුණේ නිරූපණ ශිල්පිනියක් විදිහට... ඇතැමුන් නිරූපණ ශිල්පිනියක් දිහා බලන විදිහ වෙනස්...?

ඔව්... ඒක ඇත්ත. නිරූපණ ක්ෂේත්‍රයේ ඉන්න ඇතැම් දෙනා කරන කියන දේවල් නිසා සමහරු හැමෝම එකම මිම්මෙන් මනිනවා. ඒක නිරූපණ ක්ෂේත්‍රයේ දී විතරක් නෙමේ බොහෝ ක්ෂේත්‍රවලට පොදු දෙයක්. මම මියුසික් වීඩියෝ බොහෝමයකට දායක වුණා. ඒ අතරින් කිහිපයක් ගැන වරින් වර ඇතැමුන් කතාබහ කළා. හැබැයි ඉතින් ඒ තවත් එක් නිර්මාණයක් විතරයි. මම කවදාවත් මගේ හිතට එකඟ නැති කිසිදේකට සම්බන්ධ වෙන්නේ නැහැ. නිරූපණ ක්ෂේත්‍රයේ උස සහ ඇගේ හැඩය අත්‍යවශ්‍යයි. මම 5”5” උසයි. ඉතින් මම මගේ උස සහ ඇගේ හැඩය ගැන සතුටු වෙනවා. 

ඕෂදී දැන් මොකද හිතන්නේ.. නිරූපණ ක්ෂේත්‍රයද...? රංගනයද...? ඉදිරියේදී තෝරා ගන්නේ...?

මම මේ ක්ෂේත්‍රයට එකතුවෙන්නේ නිරූපණ ක්ෂේත්‍රය හරහායි. අද වෙද්දී මම සිනමාවටත් එකතු වෙලයි ඉන්නේ. ඉතින් සිනමාවෙන් තව ඉස්සරහට යන්න ආසයි. ටෙලිනාට්‍යයවලටත් ආරාධනා කිහිපයක්ම ලැබුණා. හැබැයි තවමත් ඉදිරියට යන්න කැමැති නිරූපණ ශිල්පිනියක් විදිහටයි. ඉතින් ඒ දේවලුත් එක්ක ටෙලිනාට්‍යයකට දායකත්වය ලබලා දෙන්න කාලවේලාව මදිකමක් තියෙනවා. ඒ නිසා නිරූපණ ක්ෂේත්‍රයෙන් සහ සිනමාවෙන් පමණක් ඉදිරියට යන්න මම කැමතියි. 

“වස්සානේ සඳ” ඔබේ රූගත කිරීම් කළේ ඕස්ට්‍රේලියාවේයි...?

ඔව්... මම හිතන විදිහට “වස්සානේ සඳ” කියන්නේ මගේ ජීවිතේ හැරවුම් ලක්ෂයක්. ඒකේ රූගත කිරීම් කළේ ඕස්ට්‍රේලියාවේ සිඩ්නි නුවරයි. ඒ දවස් ටිකනම් මගේ ජීවිතේ අමතක වෙන්නේ නැහැ. ඊට කලින් මම පොඩි පොඩි රටවල් කිහිපයක සංචාරය කරලා තිබුණට ඕස්ට්‍රේලියාව වැනි ලොකු රටකට මම ගිහින් තිබුණේ නැහැ. ඉතින්... ඒ ලබපු අත්දැකීම් හරි අපූරුයි. අපි සති තුනක් විතර ඕස්ට්‍රේලියාවේ නැවතිලා හිටියා. ඒ කාලය මට කවදාවත් අමතක වෙන එකක් නැහැ. 

“වස්සානේ සඳ” නතාෂාගේ චරිතය සිනමා නිර්මාණය ඔස්සේ දකිද්දී ඕෂධීට සෑහීමකට පත්වෙන්න පුළුවන්ද...?

ඔව්... ඇත්තටම නිර්මාණය දකිද්දී මට මම ගැන තෘප්තිමත් වෙන්න පුළුවන්. “වස්සානේ සඳ” චිත්‍රපටයේ දී මම ලොකුවට රඟපාන්න තිබුණේ නැහැ. නතාෂා කියන්නේ දඟකාර සාමාන්‍ය යුවතියක්. ඉතින් මගේ ජීවිතයට ගැලපෙන චරිතයක් තමයි නතාෂා කියන්නේ. ඉතින් මගේ පළමු රංගනය පිළිබඳව මම සෑහීමකට පත්වෙනවා. උදය කාන්ත අයියා වගේම බොහෝ දෙනා ඒ පිළිබඳව හොඳ ප්‍රතිචාර දැක්වූවා. ඉතින්... මම හිතන්නේ නතාෂාව මම මට පුළුවන් උපරිමයෙන් සාධාරණයක් කරලා තියෙනවා.

[Text – Dishani / Sarawita]

'මම රංගන ශිල්පි­නි­යක් නොවු­ණා ­නම් බැංකු ක්ෂේත්‍රයේ ඉඳීවි' : විනූ සිරි­ව­ර්ධන


කාලෙකින් සිනමාවත් එක්ක සම්බන්ධ වුණේ නැද්ද විනූ?

මේ අවුරුද්දේ අලුත් නිර්මාණයක් භාර ගත්තේ නැහැ. නමුත් ගිය අවුරුද්දේ කරපු නිර්මණයක් මේ අවුරුද්දේ තිරගත වීමට නියමිතව තියෙනවා. තිර ගත වෙන්න තියෙන චිත්‍රපට කිහිපයක්ම තියෙනවා.

විනූ කියන්නේ ?

ගොඩක් හොඳ කෙනෙක්.

වෘත්තිය විදියට කරන්නේ?

මේ වනකොට රංගන ක්ෂේත්‍රයේ තමා නියැලිලා ඉන්නේ.

ඒ කියන්නේ නිළියක් විදියටයි වැඩ කරන්නේ?

රංගන ශිල්පිනියක්.

රංගන ශිල්පිනියක් නොවුණා නම් අද විනූ කවුද ?

බැංකු ක්ෂේත්‍රයේ ඉඳීවි.

ඇයි ඒ ක්ෂේත්‍රය තෝර ගන්නේ?

මම උසස් පෙළ හැදෑරුවේ වානිජ අංශයෙන්. ඉතින් මේ වෙනකොට සමහර විට බැංකු ක්ෂේත්‍රයේ රැකියාවක් කරයි මම.

ඇයි ඒ හීනයට යන්න බැරි වුණේ?

ඒ හීනෙට යන්න බැරි වුණේ නැහැ. මම ලංකාවේ රජයේ විශ්ව විද්‍යාලයකට උසස් අධ්‍යාපනය සඳහා සුදුසුකම් ලබලා තිබුණේ. නමුත් ඒ වෙනකොට මම හිටියේ චීනයේ Miss Tourism International තරඟාවලියට සහභාගී වෙලා. ඉතින් විශ්ව විද්‍යාල ප්‍රවේශයේ මුලික තෝරාගැනීමේ පරීක්ෂණයට මට සහභාගී වෙන්න බැරි වුණා. ඊට පස්සේ මම වැඩිපුර අධ්‍යාපනය සඳහා ශ්‍රී ලංකා පදනම් ආයතනයත් එක්ක සම්බන්ධ වුණා. පස්සේ මට මේ ක්ෂේත්‍රයට එන්න Miss Sri Lanka කිරුළ ලැබුණා. ඒ හරහා මට රංගන ක්ෂේත්‍රයට එන්න දොරටු විවර වුණා. ඒ ලැබුණු දේ සතුටින් භාර ගත්තා.

පොඩි කාලේ ආසාව තිබුණේ ?

පොඩි කාලේ නම් වෛද්‍යාවරියක් වෙන්න ආසාව තිබුණා. ඒත් A/L කරද්දී ඒ ආසාව වෙනස් වුණා. පස්සේ ඉතින් අහඹු ලෙස මේ ක්ෂේත්‍රයට වාසනාව ලැබුණා.

කලාව ඇතුළේ වැඩිපුරම විනූ ඉන්න කැමැති ක්ෂේත්‍රය?

ඔයා මගෙන් කලින් වෘත්තිය ගැන අහද්දී මට එක වෘත්තියක් කියලා නියෝජනය කරන්න බැහැ. මොකද මම වෘත්තීන් කිහිපයක් නියෝජනය කරන කෙනෙක්. රංගන ක්ෂේත්‍රය වගේම නිරූපණ ක්ෂේත්‍රයේ කිරුළක් සමඟින් එන නිසා ක්ෂේත්‍ර ගණනාවක දොරටු විවෘත වුණා. වැඩිපුරම කාලය වෙන් කරන්නේ රංගන ක්ෂේත්‍රයට. ඊට අමතරව නිරූපණ ක්ෂේත්‍රයේ වැඩ කෙරෙන්නේ. ඒ දේවල් එක්ක බැලුවොත් මම වැඩිපුරම කැමැති සිනමාවට. මම කරන වැඩටික සමබරව කර ගෙන යනවා.

විනූ ට වඩාත්ම ගැළපෙන චරිතය ?

මට ගොඩක්ම ලැබිලා තියෙන්නේ පෙම්වතියක් විදියට රංගනයෙන් දායක වෙන්න. වෙනස් චරිතයක් විදියට දායක වුණේ ජැක්සන් ඇන්තනී මහතාගේ සී රජ ටෙලි නාට්‍යෙය් සීගිරි අප්සරාවක් විදිහටයි. මටත් වඩා මගේ මව ගොඩක් කැමැතියි‍ ‍ඓතිහාසික කතා පුවත් වලට රංගනයෙන් දායක වෙනවට. සීගිරි අප්සරාවී කියන ස්වරූපයට ගොඩක් අයගෙන් හොඳ ප්‍රතිචාර ලැබුණා.

වැරැදිලාවත් විනූ දේශපාලනයට අවොත් පක්ෂයක් විදියට තෝරා ගන්නේ ?

දේශපාලනය ගැන අදහසක් නැත.

විනූ fashion කරන්නේ කාටවත් ඕන විදියට ද.. නැත්නම් තමන්ට ගැළපෙන විදියට ද?

මම කරන්නේ මට ගැලපෙන විදියට. කාගෙවත් වුවමනාවට කියලා fashion කරන්නේ නැහැ. මම fashion කරද්දී මගේ මව අනුමත කරන fashion විතරයි මම කරන්නේ.

විනූට ජනප්‍රියත්වය වැඩි කර ගන්න අවස්ථාව ලැබුණොත්, ඒ සඳහා තෝරා ගන්න මාධ්‍ය ?

මම මේ වෙනකොට ක්ෂේත්‍රයේ යම් කිසි නමක් හදා ගෙන ඉන්නවා වගේම හොඳ තැනක ඉන්නවා. ඉතින් ඒ තැන ගැන ගොඩක් සතුටුයි. ජනප්‍රියත්වය වැඩි කර ගන්න කියලා මට අමුතු දෙයක් කරන්න අවශ්‍ය නැහැ. ඉතින් මම හැමදේම කරන්නේ මගේ ආත්ම ගරුත්වය රැකගෙන. මට ඉදිරියේදී නැවත ක්ෂේත්‍රයෙන් ඉවත්වෙලා හෝ ඈත් වෙලා හරි, නැවත ක්ෂේත්‍රයට එන්න අවශ්‍යතාවක් තිබුණත්, එහෙම කියලා මට අමුතුවෙන් මම කවුද කියලා වෙනත් අයට අලුත් නමක් හදාගෙන එන්න ඕන කියලා හිතන්නෙ නෑ . මම හිටපු තැන ඒ ආකාරයෙන්ම නැවැත්තුව තැනින් පටන් ගන්න කෙනෙක් මම.

විනූ ගේ ජනප්‍රියත්වයේ රහස?

මම ගොඩක් ප්‍රේක්ෂකයන් අතරට ගිය කෙනෙක් (චරිත හරහා). තිරයෙන් පිටුපසින් ගත්තත් මම ඕනෑම කෙනෙක් එක්ක හරිම සමීප කෙනෙක්. කතා බහින් ගත්තත් එහෙමයි. ඉතින් ඒ දේවල් එක්ක ගොඩක් අය මට ආදරෙයි.

නිරුවත මාකට් කිරීම ගැන ඔබේ අදහස?

මම ඒ දේ තුළ කිසිම හොඳක් දකින්නේ නැහැ. මට ඒ ගැන අදහසක් කියන්න අමාරුයි. මම ඒ දේ අනුමත කරන්නේ නෑ.

රංගන ශිල්පිනියක් විදියට තමන්ව මාකට් කරන්න පුළුවන් හොඳම විදිය ?

මම දකින්නේ ගොඩක් අය මාකට් කර ගන්න හදන්නේ තමා පිළිබඳ ජනතා ප්‍රසාදයක් නැති වුණොත් තමා වෙනත් මාර්ගයන් වලින් ප්‍රසිද්ධ වෙන්න බලන්නේ. නමුත් මගේ ජිවිතේ ප්‍රසිද්ධියට වඩා ජනප්‍රියත්වයටයි තැන තියෙන්නේ. ප්‍රසද්ධ වෙන්න නම් ඕන තරම් විදි තියෙනවා නමුත් ජනතාවගේ ආදරය දිනා ගන්න නම් ජනතාව ප්‍රිය කරන කෙනෙක් බවට පත් වෙන්න ඕනෑ.

තාමත් විනූ ගේ ආදරේ ගැන මාධ්‍යට කියන්න අකැමැති ඇයි?

අවශ්‍ය වේලාවේදී ඒ ගැන මාධ්‍යට කියනවා. මේ ඒකට සුදුසු කාලය නෙමෙයි.

[නිලු­පුලි සඳ­කැ­ලුම් | රසඳුන]

'මගේ ඇඳුමටයි නැටුමටයි බණින්නේ අසහනකාරයෝ' : ටීනා


ටීනා... මේ දවස්වල සමහරු අතර ජනප්‍රියයි වගේම තවත් සමහරු අතර හරි ප්‍රසිද්ධයි...?

ඇත්තටම මම ජනප්‍රියයිද නැද්ද කියලනම් මම දන්නෙ නෑ. ජනප්‍රිය වෙන්න කියලා හිතාගෙන ඔය වගේ දේවල් කරන්න මට අවශ්‍යතාවයක් නෑ. මම ගියේ පාටියකට. ඒකෙ හොඳම සරාගී නර්තනය තේරීමේ තරගයක් තිබුණා. ඒකට අවශ්‍ය විදිහට තමයි මම ඒ නර්තනය කළේ. එතැනට ආපු පිරිස තමයි ඒ අපේ නර්තනය ෆොටෝ අරගෙන වීඩියෝ කරගෙන ඔය විදිහට එළියට දාලා මඩ ප්‍රහාර දුන්නෙ. ඉතින් කමක් නෑ.. ඒවා මොඩ්ල්ස්ලාට, නළු නිළියන්ට සාමාන්‍ය දේවල්. ඒ නිසා මම ඕවා වැඩිපුර හිතට අරගෙන දුක්වෙන චරිතයක් නෙමේ. ඒවා සුළු දේවල්. ලංකාවේ කතාවෙන්න අවශ්‍ය දේවල් තියෙද්දී මගේ නැටුමයි මගේ ඇඳුමයි මේ රටේ ගොඩක් අයට ලොකු ප්‍රශ්නයක් වුණා.

ඔය දේවල් වීඩියෝ කළේ ෆොටෝ ගත්තෙ බොහෝවිට උත්සවයට ආපු අයමයි නේද..?

ඔව්.. එතැනට ආපු පිරිසගෙන් තමයි ඔය දේවල් එළියට ගියේ. එහෙම අපි නටද්දී එහෙම වීඩියෝ දාන්න ස්ටේජ් එක යට ඉඳලා කැමරා සවිකරලා තියෙන්න ඕනෙ. නමුත් එහෙම කැමරා සවිකරලා තිබුණේ නෑ. අපේම අය තමයි එයාලගේ ෆෝන් කැමරාවලින් මේ විදිහට හරව හරවා ෆොටෝ අරගෙන, වීඩියෝ කරගෙන තිබුණේ. සමහර ඒවා එඩිට් කරලා දාලත් තිබුණා. ලංකාවේ ඒ වගේ මානසික තත්ත්වවල ඉන්න පිරිසක් ඉන්නවා. එයාලට අනිත් අයගේ දේවල්වලින් සතුටුවෙන අසහනකාරී මානසිකත්වයක් තමයි තියෙන්නෙ. ඇත්තටම එච්චර දෙයක් කතා කරන්න තරම් මහ ලොකු වරදක් අපි කරලා නෑ. නමුත් අපි මිනීමරලා වගේ තමයි සමහරු අපි දිහා බැලුවේ.

ඔය දේවල් එක්ක ටීනා කලකිරුණේ නැද්ද...?

ඇත්තටම අනිවාර්යයෙන්ම කලකිරුණා. පාටියකට ගිහින් නටන්න ඕන කෙනෙකුට අයිතියක් තියෙනවා. මේ රටේ ඔය විදිහට සල්ලි වියදම් කරපු, ඔය විදිහට ලස්සනට ඇඳුම් ඇඳගෙන ගිය එකම පාටිය ඕක විතරක් නෙමේ. මේ රටේ ලොකු ලොකු හෝටල්වල ඔය වගේ උත්සව අනන්තවත් තියෙනවා. හැබැයි ඒවා ගැනවත්, ඒවාට ඇඳගෙන ගිය ඇඳුම් ගැනවත්, ඒවායේ කරපු නැටුම් ගැනවත් කවුරුවත් දන්නෙ නෑ. දැනගත්තත් කතා වෙන්නෙ නෑ. හැබැයි ජනප්‍රිය කෙනෙක් එහෙම ගියොත්නම් කවුරු කවුරුත් ඒවා ගැන කතාවෙනවා. එතැන ප්‍රධානම මාතෘකාව වුණේ මමයි පියුමියි, එහෙමත් නැත්නම් අමායා. අපි තුන්දෙනා ගැන තමයි මේ දවස්වල ලොකුවට කතා වෙන්නෙ. අපි මොඩ්ල්ස්ලා. අපි කැමති විදිහට අපි අඳිනවා. එදා මම ඇඳගෙන ගිය ඇඳුමට බොහෝ දෙනෙක් ලස්සනයි කිව්වා. මම නිරූපණ ශිල්පිනියක්. මම කැමති ඇඳුමක් අඳින්න මට අයිතියක් තියෙනවා. මම ෆැෂන් කරන්න කැමති කෙනෙක්. ඉතින් ඒවා කරන්න බැරි ඒවාට ඉරිසියා කරන, ෆැෂන් ගැන දන්නෙ නැති, ලෝකෙ ෆැෂන් ගැන දන්නෙ නැති පිරිසක් මාව විවේචනය කරනවා. ඇත්තටම මේ විවේචනය කරන්නෙ, ඒවාට නරක comment දාන්නෙ බොහෝ වෙලාවට ලංකාවේ ගෑනු අයමයි. කමක් නෑ. කර්මය කියන දේ හැමෝටම පලදෙනවා. කවදාහරි දවසක ඒ අයටත් ඒ දුකම දැනේවි. මට ඇතිවුණු කලකිරීම, හිත් වේදනාව, මඩ ගැසීම දවසක පලදේවි. මිනීමැරුමක් කළ කෙනෙක් දිහා බලනවටත් වඩා දරුණු විදිහට අද සමහරු මම දිහා බලනවා. කමක් නැහැ.. මේ තරුණ වයසට නිරූපණ ශිල්පිනියක් විදිහට මේ කාලේ විලාසිතා කරන්නෙ නැතුව වයසට ගියාට පස්සෙ කරන්න බැහැනෙ.

සමාජ ජාලා වෙබිඅඩවිවල, මුහුණු පොතේ මෙහෙම ඔබව විවේචනය කරද්දී මඟතොටේදී ලැබෙන ප්‍රතිචාර කොහොමද...? 

අනේ... පාරෙදීනම් මට කවුරුවත් එහෙම බණින්නේ නෑ. ඕන කෙනෙක් දැක්කොත් මාත් එක්ක හිනාවෙනවා. මම ළඟට ඇවිත් ඔයා ටීනා නේද.. කියලා කතා කරනවා. මාත් එක්ක ෆොටෝස් ගන්නවා. මට ආදරේ කරන පිරිසක් ඉන්නවා. ඒ අය ඔය ගොසිප් එකක් ආපු පලියට මට මඩ ගහන්නෙ නෑ. එදා අපිට කළගෙඩි නැටුමක්වත්, ලීකෙළි නැටුමක්වත් නටන්න තිබුණේ නෑ. අපිට සරාගී නර්තනයක් තමයි නටන්න තිබුණේ. ඒකට හරියන්න මමයි මාෂියි අමායයි නැටුවා. ඉතින් ඔය ගොසිප් ගහන අය විශේෂයෙන් ස්තූති කරන්න, කොහොමහරි සති කිහිපයක්ම අපිව ඉත්තන් කරගෙන ඒ අය ලොකු ප්‍රචාරයක් ලබාගත්තා.

නිරූපණ ශිල්පිනියක් විදිහට ක්ෂේත්‍රයට ආපු ඔබ දේදුනු ආකාසේ චිත්‍රපටයෙන් රංගනයටත් එකතු වුණා. වැඩියෙන්ම කැමති නිරූපණ ක්ෂේත්‍රයටද.. රංගන ක්ෂේත්‍රයටද...?

තවමත් මම කැමති මොඩ්ලින් ජීවිතයට තමයි. මම නිළියක් කියලා කියන්න ඇත්තටම තවමත් කැමති නෑ. මම අදටත් ටීනා කියන්නෙ මොඩ්ල් කෙනෙක් කියනවට තමයි ආස. මම තවමත් රඟපෑවේ දේදුනු ආකාසේ චිත්‍රපටයේ විතරයි. නිළියක් විදිහට ක්ෂේත්‍රයට එන්න මට ඒ සම්බන්ධව තව ඉගෙන ගන්න ඕනෙ. ඒ නිසා තවමත් මම මොඩ්ල් කෙනෙක්. මේ වෙනකොට මට තව සිනමා නිර්මාණවලට ආරාධනා ලැබිලා තියෙන්නෙ. ලබන මාසේ මගේ දෙවැනි චිත්‍රපටයේ රූපගත කිරීම් පටන් ගන්නවා. ඒක මගේ පළමු සිනමා නිර්මාණයට වඩා හාත්පසින්ම වෙනස් නිර්මාණයක්.

රංගනය සම්බන්ධව හැදෑරීමක් කරන්න බලාපොරොත්තුවක් නැද්ද...?

මේ දවස්වල රංගනය හදාරන්න මට ලොකු වෙලාවක් නෑ. හැබැයි මට රංගනය හදාරන්න ලොකු ආසාවක් තියෙනවා. ඒ වගේම නිර්මාණවලට දායක වෙලාම ඒ දේවල් ඉගෙන ගන්න මගේ ලොකු කැමැත්තක් තියෙනවා. මොඩ්ලින්වලදී වුණත් මේ ක්ෂේත්‍රයට ආපු ටීනා නෙමෙයි දැන් ඉන්නෙ. ඉස්සර දකිනවාට වඩා මම මොඩ්ලින් කරද්දී ඇවිදින විදියෙන්, ඇඳුමෙන්, ෆොටෝවලට කැමරාවට මුහුණදෙන විදියෙන් වෙනස්. ඉතින් කට්ටිය ටීනා ඉස්සරට වඩා හොඳයි කියලා කියනවා. ඒ වගේම රංගනයෙනුත් නිර්මාණවලට දායකවෙලාම ඒ වැරදි හදාගන්න පුළුවන් වේවි. එක චිත්‍රපටයක රඟපෑව පලියට අපි නිළියෝ වෙන්නෙ නෑ. තව ඉගෙන ගන්න ඕනෙ. නිරූපණ ක්ෂේත්‍රයට වඩා රංගනයේදී ඉගෙන ගන්න දේවල් තියෙනවා. දෙබස් කියන විදිහ, මුහුණේ ඉරියව් ආදිය වෙනස් වෙනවා. පළමු රංගනයේදී මම මහේන්ද්‍ර අයියගේ ක්ලාස් එකට ගියා. හැබැයි වැඩිදුර මට ඒකට යන්නත් බැරිවුණා. කොහොමහරි ඉදිරියේදී රංගනය ඉගෙන ගන්න වෙලාව වෙන්කරගන්න ලොකු වුවමනාවක් මට තියෙනවා.

► Text – Dishan

අපිට කලින් චීනය දැකගත් අනුෂ්කා උදයංගනී...

ඇගේ රංගනය පළමුවරට දුටුවේ චීනයේ ප්‍රේක්ෂකයෝය. ඒ එරටේ වෙළෙඳ දැන්වීමකට ඇය හා හා පුරා කියා පෙනී සිටිය බැවිනි. අනතුරුව නිර්මාණ කිහියක්ම ඔස්සේ මේ සුරූපිනිය සිය දස්කම් විදහාලීය.

අනුෂ්කා උදයංගනී

මොහොතක් කතාබහක නියැළෙමු ඇය සමඟ.

කොහොමද චීන වෙළෙඳ දැන්වීමකට පෙනී සිටින්නට ඔබට අවස්ථාව උදා වුණේ?

රඟපාන්නට ඇති ආසාව නිසා මම ස්ක්‍රීන් ටෙස්ට්වලට සහභාගි වුණා. එහෙම ගිය අවස්ථාවකදී මට යාළුවකුගේ මාර්ගයෙන් තමයි මේ චීන දැන්වීමට රඟපාන්න ආරාධනය ලැබුණේ. පස්වනක් ප්‍රීතියෙන් පිනා ගියා ඒ ලැබුණු අවස්ථාවට.

ඉන් පසුව ඔබ දායක වූ නිර්මාණ පෙළ ගැනයි මං ඊළඟට අහන්නේ?

ටෙලි නාට්‍ය නම් කිහිපයක්ම කළා. ඒ අතරින් හඳයා ටෙලි නාට්‍යය විශේෂයි. මං එහි සී. අයි. ඩී. චරිතයක් කළේ. හුඟක් මිනිසුන් අතරට ගියා ඒ චරිතය. ඉකුත් දිනවලදී ඉලන්දාරියෝ නාට්‍යයේ ප්‍රධාන චරිතය වූ ඉතාරාට පණ පෙව්වා. උදුම්බරා නැමැති චිත්‍රපටයක මේ දිනවල ෂූටිං. මං එහි උදුම්බරාගේ අක්කා.

 ඔබ රඟපාන්න කැමැත්තෙන් ඉන්න චරිතයක් තිබෙනවාද?

මට වුෂු පුළුවන්.ඒ හින්දා සටන් කලාව හා සැබැඳි චරිතයක් රඟපාන්න ආසාවෙන් ඉන්නවා.

ඔබ නිළියක් වුණේ ඇයි?

කලා නිර්මාණ නිරන්තරයෙන් මං රස විඳින කෙනෙක්. කලාකරුවන්ටත් හරි ආදරෙයි. එයාලා වගේ ජනප්‍රිය කෙනෙක් වෙන්න වුවමනාව තිබුණා. ඒක නිසා රඟපාන්න ආවේ.

ක්ෂේත්‍රය සුන්දරද?

ඇත්තම කිව්වොත් හිතන තරම් සුන්දර නැහැ.

ඇයි එහෙම කියන්නේ?

නිර්මාණකරුවන්ගෙන් බොහොමයක් හොඳ අය නෙවෙයි. ඇතැම් විට අපට වැඩකට කතා කරන්නේ අයුතු යෝජනාකුත් සමඟයි. ප්‍රධාන චරිත ලැබෙන්නට තිබිලා ඔන්න මෙන්න මගෙන් ගිලිහිලා තියෙනවා. ඒ මං අර යෝජනාවලට එකඟ නොවූ නිසා.

මෙහෙම පුද්ගලයින් දිගින් දිගටම කරදර කරද්දී ඔබ මොකද කරන්නේ?

එහෙම කිහිප දෙනෙකෙªගේ නම්බර්ස් මං බ්ලොක් කරනවා. වෙන වෙන අංකවලිනුත් මට කතා කරනවා. බොහොම අමාරුවෙන් කියලා කියලා ඔවුන්ගෙන් ගැලවෙනවා.

ඔබ හිතනවද ඔබ ආකර්ෂණීය චරිතයක් කියලා?

කොහෙත්ම නැහැ. මට තියෙන්නේ සාමාන්‍ය ලස්සනක්.

රඟපාන්න ගිහින් කටු කෑව අවස්ථා මොනවාද?

එක්තරා රජ කාලෙ චිත්‍රපටයක මට රජ ඇඳුම් ඇඳගෙන පැය විසි හතරක් විතර ඉන්න වුණා. මහ පාන්දරම ඇඳුම් අන්දලා දවසම ඒ ඇඳුම පිටින් ඉඳලා රෑ තමයි ෂූට් එක පටන් ගත්තේ. පහුවෙනිදා වෙනකම්ම ෂූටිං තිබුණා. හරියාකාරව කන්න බොන්න වුණෙත් නැහැ එදා.

නිළියක් වුණාම කටකතා හැදෙනවා ඔබත් එයට සූදානම්ද?

ඔව්. කටකතා සාමාන්‍යයි. මේ ක්ෂේත්‍රයට නොහැඳුනානම් තමයි පුදුමෙ.

ඔබ මේ වන විට පෙම්වතියක්ද?

ඔව්.

පෙම්වතා ගැන විස්තර කියමු?

ඔහු කසුන්. විදෙස් ගත වෙලා ඉන්නේ.

පෙම්වතා කැමැති ද ඔබ රඟපානවට?

නැහැ. නමුත් උදවු කරනවා. කසුන් ඉස්සර මොඩ්ලිං කළා. ඒත් දැන් ඒවා කරන්නෙත් නැහැ.

ඔබේ ගෙවල් කොහෙද තියෙන්නේ?

මගේ උපන් ගම කුරුණෑගල. වර්තමාන පදිංචිය ගල්කිස්ස.

උපන් දිනය?

1993. 08. 13.

ඉගෙන ගත් පාසල?

කුරුණෑගල මලියදේව විදුහල.

ඔබ ගැන කෙටියෙන් හැඳින්නුවහොත්?

කාටවත්ම කරදරයක් නැති අවිහිංසක චරිතයක්.

[සටහන - ප්‍රසාද් සමරතුංග]

වෙනදාට මඟහැරෙන ජනප්‍රිය නිළි සම්මානය මෙදා සැරේ යුරේනිට ලැබුණු හැටි...


කාලයක ඉඳන් තිබ්බ බලාපොරොත්තුවක් මෙවර දෙරණ සිනමා සම්මාන උළෙලෙදී හැබෑ වුණා නේද?

ඇත්තටම කාලයක් බලාපොරොත්තු වුණා. ඒ වගේම කාලයක් සම්මානයක් ගැන බලාපොරොත්තු රහිතව හිටියා. මොකද නිර්දේශ වුණත් සම්මාන ලැබුණෙ නෑ. ඒත් මෙවර දෙරණ සිනමා සම්මාන උළෙලේදී ජනප්‍රිය නිළි සම්මානය මට ලැබුණා. හරිම සතුටුයි ඒ සම්මානය ලැබීම ගැන.

මෙවර ජනප්‍රිය නිළි සම්මානය ගැන බලාපොරොත්තු තියාගෙන ඉන්න ඇත්තේ?

ඇත්තටම මම මේ සැරේ සම්මාන උළෙලට යන්නත් නෙවෙයි හිටියේ. මොකද මම විදේශගත වෙලා ඉඳලා 25 වැනිදා තමයි ලංකාවට ආවේ. මහන්සි නිසා සම්මාන උළෙලට නොගිහින් ඉන්නයි හිටියේ. ඒත් දෙරණෙන් කතා කරලා කිව්වා අනිවාර්යයෙන් සම්මාන උළෙලට එන්න කියලා. මම මගේ කලා ජීවිතය පටන් ගත්තේ දෙරණෙන්. මගේ නමත් සම්මානවලට නිර්දේශ වෙලා තිබුණු නිසා අන්තිම මොහොතේ ඇඳුමක් පටලවාගෙන සම්මාන උළෙලට ගියා.

ඔය කිව්වට ඔච්චර කතා කරන්නේ සම්මානයක සේයාවක් තියෙන නිසා කියලා යුරේනිට හිතෙන්න ඇති?

මට එහෙමත් හිතුණා. සම්මාන තුනකට මගේ නම නිර්දේශ වෙලා තිබුණු නිසා දෙවැනි පාර කතා කරද්දී යන්න තීරණය කළා. රතු පලස ලස්සන කරන්න ලස්සන නිළියෝ ඕනෙනේ. ඒ නිසා මට කතා කරනවදෝ කියලත් හිතුණා. කොහොම වුණත් ඒ ගිය ගමන වැරැදුණේ නැහැ. මෙවර දෙරණ සිනමා රාත්‍රිය මට අමතක නොවන රාත්‍රියක්.

ජනප්‍රිය නිළි සම්මානයක් අතට ගන්න සෑහෙන කාලයක් බලාගෙන ඉන්න වුණා නේද?

ඇත්තටම මේක නිළියක් විදියට මට ලැබුණු පළමුවැනි සම්මානය. අවුරුදු ගාණක් ගියා ඒ සම්මානය ලැබෙන්න. කලාව වෙනුවෙන් දෙයක් කරපු අය අගය කිරීම ගැන දෙරණට මම ස්තුතිවන්ත වෙනවා. මම හැමදාම කලාවට ආදරය කළ ඒ වගේම මට පුළුවන් දේ කලාවට දෙන්න උත්සාහ කළ කෙනෙක්. කරන දෙයට සාධාරණ ඇගයීමක් නැති එක ගැන දුකක් තිබුණා. ඒත් මගේ කැපවීමට උත්සාහයට මෙවර ඇගයීමක් ලැබුණා.

ඔබ දායක වූ පළමු චිත්‍රපටයට මේ සම්මානය ලැබීමත් විශේෂත්වයක්?

ඔව්. මගේ පළමුවැනි චිත්‍රපටය ව්ඪදධ ඹ්ඪමඥ. ඒ චිත්‍රපටය ගැන අපි ගොඩක් බලාපොරොත්තු තියාගෙන හිටියා. කාලයක් ගියා ඒ චිත්‍රපටය ප්‍රේක්ෂකයන් අතරට එන්න. නමුත් කාලයකට පස්සේ හරි ප්‍රේක්ෂකයන්ට දැකගන්න ලැබුණු ඒ චිත්‍රපටය නිසා මට ජනප්‍රිය නිළියට හිමි සම්මානය ලැබුණා.


යුරේනි ජනප්‍රිය නිළි සම්මානය වගේම තවත් සම්මානයක හිමිකාරියක් වුණානේ. ඒ ගැනත් කියමු?

සමාජ මාධ්‍යවල ජනප්‍රිය නිළිය ලෙසත් මට සම්මානයක් ලැබුණා. නව පරපුරේ නිළියක් ලෙස මට ඉස්සර ඉඳන්ම ප්‍රශංසා කරන්නත් මඩ ගහන්නත් පිරිසක් හිටියා. ප්‍රශංසා කිරීම වගේම මඩ ගැහීම ගත්තත් ඒ දෙකෙන්ම වෙන්නේ ජනප්‍රිය වීම. මම ඒ දෙකම දැක්කේ සුබවාදීව. ඒ නිසා සමාජ මාධ්‍යවල මාව කතා බහට ලක්වෙන චරිතයක් වුණා.

මඩ වැදෙද්දි ඒක සුබවාදීව දකින්න යුරේනි පුරුදු වුණේ කොහොමද?

මාව කවුරු හරි එක පාරක් වැට්ටුවොත් මම වැටි වැටී හරි නැඟිටින කෙනෙක්. මම උත්පත්තියෙන්ම ඒ ශක්තිය ගෙනත් තියෙනවා. චූටි චූන් මඩ ගහලා මාව කවදාවත් වට්ටන්න බැරි වුණා. මම ඒ මඩ ශක්තියක් කරගෙන ඉස්සරහට ගියා.

මේ දවස්වල හිරු මෙගා ස්ටාර් වැඩසටහන ඉදිරිපත් කරන යුරේනිවත් විවේචනයට ලක් වෙනවා?

මෙහෙමයි මම ඡ්දබඥපබචඪදඥප කෙනෙක්. ජනතාව ඉන්නේ ප්‍රශ්නවලින් හෙම්බත් වෙලා. ඒ වෙහෙසට පත් වුණු ජනතාවගේ මුහුණට හිනාවක් ගේන එක තමයි මමයි ටෙනි අයියයි, බන්දු අයියයි කරන්නේ. මෙගා ස්ටාර්වලින් අපි හරබර සංවාද කරන්නේ නෑ. අපි දාන ගොන් පාට්වලට හිනා වෙලා මිනිස්සු විඩාව මඟහැර ගන්නවා. කොළඹ මිනිස්සුන්ට මොකද්ද මේ කියලා හිතෙන්න පුළුවන්. ප්‍රශ්නවලින් මිරිකුණු මිනිස්සුන්ට පැයකට හරි සතුටක් දෙන්න පුළුවන් වීම පිනක්. විද්වතුන්ට මේවා ගොන් පාට්.

යුරේනි කරන දේවල් විවේචනය කරන්න අය ඕන තරම් ඉන්නවා නේද?

අපිට සියයට සියයක් මිනිස්සුන්ව සතුටු කරන්න බෑ. කොච්චර හොඳ කළත් නරක තමයි අහන්න වෙන්නේ. ලංකාවේ 2%ක් හරි සතුටු කරන්න ලැබීම පිනක්. ඔය එක එක අය විවේචනය කළාට හිරු මෙගා ස්ටාර් අතිශය ජනප්‍රිය වෙලා වැඩිම රේටින්ග්ස් ලබාගෙන තියෙනවා. මඩ ගහන මිනිස්සු පැත්තක ඉඳලා මඩ ගහනවා. බල්ලෝ බිරුවට කඳු පාත් වෙන්නේ නෑනේ. ඒ අය බිරුවාවේ. ඒ නිසා හිරු මෙගා ස්ටාර් වැඩසටහනේ ජනප්‍රියත්වය වැටෙන්නේ නැහැ.

ජනප්‍රිය සම්මානයත් එක්ක දැන් යුරේනිට රංගනයේ වැඩ වැඩි වෙයිද?

ලංකාවේ ටෙලි නාට්‍ය, චිත්‍රපට ගැන මම දන්නේ නෑ. සම්මාන ලැබුණට දින දෙන්න බැරි තරමට මට වැඩ ලැබෙයි කියලා නම් හිතන්නේ නැහැ. මම ආවට ගියාට වැඩ කරන්නේ නෑ. හොඳ දෙයක් හම්බ වුණොත් කරනවා.

'කූඹියෝ' එක්කත් යුරේනි ජනප්‍රිය වුණා. ඒ වගේ පුංචි තිරයේ වැඩ කටයුත්තකට ආයෙත් ආරාධනා ලැබුණේ නැද්ද?

ඇත්තටම තාම ආරාධනා ලැබුණේ නැහැ. 'කූඹියෝ' වගේ ටෙලි නාට්‍යයක් ආයෙත් ලංකාවේ කවදා හැදෙයිද දන්නේ නෑ. ඒ වගේ හොඳ නාට්‍ය හැදිලා මටත් ආරාධනා ලැබුණොත් ඒක මගේ වාසනාව.

[තිළිණි කෞශල්‍යා විජේසිංහ]

සරාගී පියුමි අහිංසකාවියක් කළ උදයකාන්තගේ ‘වස්සානයේ සඳ’



පියුමි හා හා පුරා කියලා සිනමාවේ දකින්න ලැබෙනවා?

ඔව්. ඒ 'වස්සානයේ සඳ' චිත්‍රපටය නිසා. චිත්‍රපටය තිරගත වෙනකල් මම බලාගෙන හිටියේ. දැන් චිත්‍රපටය තිරගත වෙන්න පටන් ගත්තා. කියාගන්න බැරි සන්තෝෂයක් තියෙනවා මේ වගේ හොඳ නිර්මාණයකට සම්බන්ධ වෙන්න ලැබුණු එක ගැන.

උදයකාන්ත වර්ණසූරියට පියුමි අහුවුණේ කොහොමද?

උදයකාන්ත අයියයි, ඔහුගේ බිරිය ශාන්ති අක්කයි මීට අවුරුදු පහකට කලින් රොසෑන් අක්කාගේ මොඩ්ලින් ස්කූල් එකට ඇවිත් රංගනයට ළමයි තේරුවා. එදා මාවත් තෝරගත්තා. ඒත් එදා මම රඟපාන්න එන්න බෑ කිව්වා. ඊට පස්සේ මීට අවුරුදු දෙකකට කලින් උදයකාන්ත අයියා මේ නිර්මාණයට මට කතා කළා.

මුල් ආරාධනාව කරද්දී පියුමි උදයකාන්තගේ ආරාධනාව භාරගත්තේ නැත්තේ?

මම ඒ වෙනකොට මොඩ්ලින් කළේ. ඉතිං මම කවදාවත් රඟපාලා තිබ්බේ නැහැ. මම රඟපාන්න දන්නේ නැති නිසා තමයි ඒ ආරාධනාව භාරගත්තේ නැත්තේ.

'වස්සානයේ සඳ' චිත්‍රපටයට ආරාධනා කරද්දී ඔයාගේ රංගන හැකියාව ගැන විශ්වාසයක් තිබුණද?

උදයකාන්ත අයියා මට දවස් දෙක තුනක්ම කතා කළා. මම බය වෙලා හිටියේ මට චිත්‍රපටයක රඟපාන්න පුළුවන් වෙයිද කියලා. උදයකාන්ත අයියගේ බිරිය මට හරිම ආදරෙයි. 'පියුමි මේක ඔයාට හොඳ චාන්ස් එකක්' කියලා එයා මට කිව්වා. මම ආශාවෙන් හිටියේ ඕෂධී කරන චරිතය කරන්න. ඒත් ශාන්ති අක්කා තමයි මට කිව්වේ ඔයාට දෙන්නේ ප්‍රධාන චරිතය. ඒකෙන් මාව වෙනස් කරනවා කියලා.

ප්‍රධාන චරිතය නැතිව, ඕෂධී කරපු චරිතයට පියුමි මාන බැලුවේ ඇයි?

ඕෂධී කරපු චරිතය ෂූට් කළේ ඕස්ට්‍රේලියාවේ. ඇත්තම කියනවා නම් මට ඕස්ට්‍රේලියාවේ යන්න ආස නිසා තමයි මම ඒ චරිතය ඉල්ලුවේ. ඒත් ඒ චරිතයට ඕන වුණේ බටහිර පෙනුමක් තියෙන කෙනෙක්. ඕෂධීට ඒ වගේ පෙනුමක් තියෙනවනේ. එයාට ඒ චරිතය ගැළපුණා. මට 'මිහිරි' කියන ප්‍රධාන චරිතය ලැබුණා.

'මිහිරි' ගේ චරිතයෙන් පියුමිට සිනමාවට හොඳ අඩියක් තියන්න පුළුවන් වුණා කියලා හිතනවාද?

ඔව්. මට වෙනස් වෙන්න හොඳ අවස්ථාවක් ලැබුණේ. මම මොඩ්ල් කෙනෙක්. මට රංගනය නුහුරුයි. ඒත් උදයකාන්ත අයියාගේ හැකියාව එක්ක ඔහු මගේ රංගනය හරියට එළියට ගත්තා. 'මිහිරි' ගේ චරිතය මට ලැබිච්ච හොඳ අවස්ථාවක්. මාව මේ වගේ නිර්මාණයකට තෝරගත්ත එකට උදයකාන්ත අයියට වගේම අක්කට ගොඩක් පින්. 'වස්සානයේ සඳ' මාව වෙනස් කළා.

පියුමිව ගොඩක් අය දැකලා තියෙන්නේ හොට් චරිතයක් විදියට. මිහිරි වගේ අහිංසක චරිතයකට අනුගත වෙන්න පහසු වුණාද?

සමහර හොට් චරිතවලට අහිංසක චරිත කරන්න බෑ. හැබැයි පියුමි හංසමාලි කියන මට හැම චරිතයක්ම කරන්න පුළුවන්. මම හැම වෙලාවෙම හොට්. ඒත් මට ලැබෙන චරිතයට අනුගත වෙන්න පුළුවන්.

පියුමිගේ රංගනයට කෙහොමද ලැබිච්ච ප්‍රතිචාර?

චිත්‍රපටයේ ට්‍රේලර් එක දැකලත් ගොඩක් අය මට කතා කළා. මගේ රංගනය මේ තරම් හොඳට තියෙයි කියලා හිතාගන්න බැරි වුණා කියලා තමයි ගොඩක් අය කිව්වේ. මොකද මාව මේ වගේ චරිතයකින් දැකලා තිබ්බේ නෑනේ. මට නිර්මාණ කිහිපයකටම ආරාධනාත් ලැබුණා. ඒත් පෞද්ගලික වැඩ කිහිපයක් නිසා ඒ ලැබුණ ආරාධනා භාරගත්තේ නැහැ.

ඒ කියන්නේ පියුමි රංගනය තුළ සාර්ථකයි කියන එකද?

මේ නිර්මාණයේ මගේ රංගනය සාර්ථකයි කියලා මම හිතනවා. සාර්ථක පුද්ගලයෙක් එක්කනේ මම මේ ගමන පටන් ගත්තේ. මට ඊට පස්සේ විදේශීය චිත්‍රපටයකටත් ආරාධනා ලැබුණා. ඇත්තටම මම ගොඩක් වාසනාවන්තයි.

මිහිරිගේ චරිතයට අනුගත වෙද්දී අභියෝගයක් වුණ තැන් තියෙනවාද?

මට ස්කර්ට් බ්ලව්ස් අඳින එක ටිකක් අලුත්. හැබැයි මම සාරි ඇඳලා තිබ්බා. මිහිරි කියන්නේ තමන්ගේ මල්ලීව මුළු ලෝකයම කරගත්ත කෙනෙක්. මල්ලීට දක්වන ආදරය මට අලුත් වුණේ නැහැ. මොකද මගේ පුතා වගේ හිතාගෙන තමයි මම ඒ චරිතය කරපු මල්ලීව බලාගත්තේ. එයා ටිකක් අකීකරු දරුවෙක්. ඒත් එයාව පාලනය කරගන්න පුළුවන් වුණේ මට විතරයි. මම හරිම ආදරෙන් ඒ චරිතය කළා. පළමුවැනි වතාවට තමයි මට ඒ වගේ අත්දැකීමක් ලැබුණේ.

සිනමාවේ පියුමිගෙ පෙම්වතා වෙන්නේ අනුජ්. කොහොමද අනුජ්ගෙන් පියුමිට ලැබුණ සහාය?

ඔව්. තත්පර ගාණක් ඇතුළේ අනුජ් හොඳ පෙම්වතෙක් වුණා සිනමාවේදී මට. මගේ පළමුවැනි චිත්‍රපටය වුණාට මම, අනුජ්, ඕෂධී, ඇන්ජලෝ අපි හැමෝම නිරූපණ ක්‍ෂේත්‍රයේදී මුණගැහිලා තියෙනවා. අනුජ් කියන්නේ බොහොම නිහතමානී කෙනෙක්. සමහර අඬන සීන් කරද්දී මට හිනා යනවා. මට ඒ චරිතය හරියට කරන්න අනුජ් ගොඩක් උදවු කළා. මහන්තත්තකම් තියෙන නළුවෝ අතර අනුජ් කියන්නේ පොළොවේ පයගහලා ඉන්න කෙනෙක්.

සිනමාවේදී පියුමිගේ පෙම්වතා අනුජ් වුණ එක හොඳක් නේද එහෙනම්?

ඔව්. ඇත්තටම මම සතුටු වෙනවා ඔහු එක්ක රඟපාන්න ලැබුණ එක ගැන.

පියුමි නිර්මාණයක් භාර ගනිද්දී මුදල ගැනත් හිතනවාද?

මේක මගේ ජොබ් එක නෙවෙයි. මගේ ගාණට ආවොත් මම වැඩේ භාරගන්නවා. මගේ මුදල හම්බවුණත් මට බැරි දේවල් කරලා ලැජ්ජ වෙන්න මම කැමැති නැහැ. මට කරන්න පුළුවන් චරිතයක් නම් මම භාරගන්නවා.

පියුමිව ටෙලිනාට්‍යවල දකින්න නැත්තේ ඇයි?

ටෙලි නාට්‍යවලට ආරාධනා ලැබුණා. චිත්‍රපට වගේ නෙවෙයි ටෙලි නාට්‍යවල නිදහසක් නැහැ. වැඩ ඉවර වෙද්දී රෑ වෙනවා. මම අම්මා කෙනෙක්. මට දිගටම එහෙම කාර්යබහුල වෙන්න බැහැ.

පියුමිට ආදරය දැනෙන්නේ කොහොමද?

ආදරේ සුන්දර දෙයක්. ඒක සුන්දරව විඳින්න ඕනෑ. එක වෙලාවකට ඒක වේදනාවක්.

ආදරයේ අලුත් බලාපොරොත්තු තියාගෙනද ඉන්නේ?

ඒකට තව කාලය දුරයි.

පියුමිගේ ජීවිතයේ සීමා මායිම් තියෙනවාද?

නෑ. මගේ ජීවිතයේ සීමා මායිම් නැහැ.

ඒ ඇයි?

සීමා මායිම් තිබ්බම හරි කරදරයි. මම කොටු වෙන්න කැමැති නැහැ. අපි ජීවිතේ විඳවන්නේ නැතිව විඳින්න ඕන. මම ජීවිතය විඳිනවා. ඇයි අපි විඳවන්න කොටුවෙන්නේ.

[තිළිණි කෞශල්‍යා විජේසිංහ]

ගීතිකා ‘කෝටිපතියෝ’ටෙලියෙන් හැලිලද?


ගීතිකා දැන් නිදහසේ ඉන්නවා වගේ..?

ඇත්තම කිව්වොත් දැන් දිනපතාම ෂූටින් නෑ. උපරිම ටෙලි නාට්‍ය දෙකක, තුනක විතර තමයි වැඩ. ඉතිං ඉස්සර වගේ ගොඩක් කාර්යබහුල නෑ. වැඩිපුර නිදහසේ ඉන්න ගමන් වැඩත් කරනවා.

වැඩිපුර නිදහසේ ඉන්නේ වැඩ අඩු වෙලාද..?

දැන් ඉතිං වැඩිපුර විකාශය වෙන්නේ විදේශීය නාට්‍යනේ. මම සම්බන්ධ වුණු ටෙලිනාට්‍ය නවයකටත් වඩා තියෙනවා. ඒවා තාම විකාශය වුණෙත් නැහැ.

"ගීතිකා" දැන් "කෝටිපතියෝ" ටෙලියෙත් වැඩිය පේන්න නෑනේ..?

මම හරි ආසාවෙන් හාරකෝටිය ටෙලිනාට්‍ය බැලුවා. සිවගුරුනාදන් අයියා එක්ක වැඩක් කරන්න තිබ්බා නම් කියලා මම හිත හිත හිටියේ. ඔය අතරෙදි තමයි සිවා අයියා මට "කෝටිපතියෝ" නාට්‍යයට කතා කළේ. මම ගොඩක් සතුටු වුණා. ඒ සතුටට මොකක් වුණාද කියලා මටත් තේරෙන්නේ නෑ. මම ඉතිං පැත්තකට වෙලා බලාගෙන ඉන්නවා. මගේ වාසනාවේ අඩුපාඩුවක්ද දන්නේ නෑ. මට දක්ෂතාව පෙන්වන්න තාම එහි හරියට අවස්ථාවක් ලැබුණේ නෑ.

"කෝටිපතියෝ" ටෙලි නාට්‍යයේ ගීතිකාට ලැබිච්ච අවස්ථාව ගැන සෑහීමකට පත්වෙන්න බැරිද..?

ඇත්තටම සෑහීමකට පත්වෙන්න බෑ. මම වැඩ කරන්න බොහොම ප්‍රිය කරන අධ්‍යක්ෂවරයෙක් තමයි සිවගුරුනාදන් අයියා. සද්ධාමංගල සූරිය බණ්ඩාර වගේ කෙනෙක්ගේ වැඩක් කරන්න ලැබීම ගැනත් මම සතුටු වුණා. මගේ රංගනයේ ලොකු කැපෑසිටි එකක් තියෙනවා. ඒත් මොකක්දෝ මන්දා හේතුවකට ඒ මට ලැබුණු ලේකම්වරියගේ චරිතය තුළ තාම හරියට දෙයක් කරන්න අවස්ථාව ලැබුණේ නැහැ. බලමු ඉදිරියට හරි ඒ චරිතය තුළින් යමක් කරන්න පුළුවන් වෙයිද කියලා.

විවාහයත් එක්ක ගීතිකාට වැඩ අඩුවෙලාද..?

එහෙමම නැහැ. නමුත් ලංකාවේ මෙහෙම දෙයක් තියෙනවා. මම ඉතිං මුලින් ප්‍රධාන නිළි චරිතවල වැඩ කළා. මාස හයක් විතර වැඩ නොකර හිටියට ඒ කාලෙට විශාල පිරිසක් ක්ෂේත්‍රයට ඇවිත් ඉන්නවා. දැන් ඉතිං ප්‍රධානම චරිත කියලා ලැබෙන්නේ නැහැ. මගේ දක්ෂකම පෙන්වන්න පුළුවන් චරිත මම කරනවා.

සැමියා ගීතිකාට තහංචි දාන්නේ නැද්ද..?

නැහැ. එයා කවදාවත් මට තහංචි දාන්නේ නැහැ. එහෙම තහංචි දාන්න කියලා දැන් අපිට මුලින් ස්ක්‍රිප්ට් එක ලැබෙන්නෙත් නෑනේ. අධ්‍යක්ෂවරයාගෙන් මට ලැබෙන චරිතය ගැන අදහසක් ගන්නවා. ලොකේෂන් එකට යනකල්ම අපි දන්නේ නෑ චරිතය මොන වගේද කියලා.

එහෙම නොදැන ගිහින් අතරමං වෙච්ච අවස්ථා තියෙනවද..?

නැහැ. ඒකාකාරී චරිතනේ ගොඩක් වෙලාවට ටෙලි නාට්‍යවල ලැබෙන්නේ. තාම නම් එහෙම වැරැදි චරිතයක් ලැබිලා නෑ. දැනට නම් මම නොදැන ගිහින් අතරමං වෙලා නැහැ. ඉදිරියටත් වෙන එකක් නෑ. ටෙලිනාට්‍යවල එහෙම ලොකුවට තෝරන්න දේවල් නෑනේ. සිනමාවට වගේ ආරාධනාවක් ලැබෙද්දි තමයි ස්ක්‍රිප්ට් එක ගැන බලන්න ඕන.

ගීතිකාට තාම සිනමාවට ආරාධනා ලැබුණේ නැද්ද..?

ආරාධනා නම් ගොඩක් ලැබිලා තියෙනවා. මගේ අකැමැත්ත නිසා ඒ චිත්‍රපට කළේ නෑ. චිත්‍රපටයක් කරද්දී ඔහේ කරලා වැඩක් නෑ. හොඳ නමක් දිනාගත්ත අධ්‍යක්ෂවරයෙක්ගේ වැඩකට සම්බන්ධ වෙන්න මම කැමැතියි. එහෙම ආරාධනාවක් මට ලැබිලා තියෙනවා. බලමු ඉදිරියට.

තාමත් ගීතිකා සැමියව යන යන තැන එක්ක යනවද..?

එහෙම නැහැ. මුල් දවස්වල දුර පළාත්වල වැඩවලට යද්දි මමම එයාට කතා කරනවා මාත් එක්ක යමු කියලා. ඒක මටත් ලේසියිනේ. ඒත් හැම වැඩේටම එයාට එන්න බෑ. මගේ පස්සෙන් ආවොත් එයාට එයාගේ වැඩ කරන්න වෙලාවත් නැති වෙනවනේ.

ගීතිකා පවුලට වැඩි බර දෙනවද..?

ඔව්. පවුලට තමයි දැන් වැඩි බර දීලා තියෙන්නේ. මොන දේ කරන්නත් පවුල සාර්ථක වෙලා තියෙන්න ඕනෙනේ.

මොනවද අලුත් වැඩ කටයුතු..?

සත්සර කසුන් ලියන රුචිනි කියන "රේඩියෝ" නාට්‍යයට සම්බන්ධ වුණා. සමුද්‍රා හික්කඩුවගේ අලුත් ටෙලි නාට්‍යයකටත් සම්බන්ධ වුණා.

පවුලට අලුත් අමුත්තෙක් එකතු කරගන්න අදහසක් නැද්ද..?

තාම නැහැ. තාම අපි පොඩි ළමයිනේ. වැඩ ටිකක් තව කරලා ඒ ගැන බලන්න පුළුවන්.

මොනවද ඉදිරි සැලසුම්..?

අපේම කියලා ගෙයක් හදන එක තමයි දැනට තියෙන ලොකුම සැලසුම.

'කා‍ෙටට අඳිනවා ඒ මගේ හැටි' : හරිනි


Q : හරිනි... අපිට ඔයා ගැන ටිකක් කියන්න.. ඔයා කවුද...?

මගේ නම හරිනි කව්‍යාංජනී පෙරේරා. මම ඉන්නෙ කඩවත. මගේ පවුලේ ඉන්නෙ මමයි, මගේ අම්මයි, තාත්තයි, මල්ලියි විතරයි. පුංචි කාලේ මම පාසල් දෙකකින් ඉගෙන ගත්තා. මුලින්ම ගලහිටියාව හේමමාලි විද්‍යාලයටත් ඊටපස්සෙ ගම්පහ රාජසිංහ විද්‍යාලයටත් ඇතුළත් වෙලා ඉගෙන ගත්තා.

Q : පුංචි කාලේ කවුරු වෙන්නද හීන දැක්කෙ...?

පුංචිම කාලේ මම මුලින්ම ආසාවෙන් හිටියේ ගුරුවරියක් වෙන්න. ඒකට හේතු දෙකක් බලපෑවා. මගේ තාත්තගේ නෑදෑයෝ බොහොමයක් විදුහල්පතිවරු සහ ගුරුවරු තමයි හිටියෙ. ඒ වගේම මම ඉගෙන ගත්තු පාසල්වල ගුරුවරියන් දැක්කාමත් මම ගුරුවරියක් වෙන්න ආසා කළා. ඊටත් කාලයක් ගියාට පස්සෙ මගේ හීනය වුණේ බැංකුවක කළමනාකාරියක් වෙන්න. ඊටත් පස්සෙ ගුවන් සේවිකාවක් වෙන්න ආසා කළා. මම උසස් පෙළ වාණිජ අංශයෙන් තමයි පෙනී සිටියෙ.

Q : ගුරුවරියක් වෙන්න, ගුවන් සේවිකාවක් වෙන්න හීන දැකපු හරිනි නිරූපණ ක්ෂේත්‍රයට යොමුවුණේ කොහොමද...?

ඇත්තටම මේ ෆීල්ඩ් එකට එන්න ආසාවක් තිබුණේ නෑ. හැබැයි මගේ අම්මා ගුවන් විදුලියේ සරල ගී ගායිකාවක්. ඉතින්... අම්මගේ ආසාවත් එක්කම මම ජනසන්නිවේදනය පාඨමාලාවක් හැදෑරුවා. එතැනදී තමයි මට මේ ක්ෂේත්‍රයට යොමුවෙන්න අඩිතාලම වැඩුණේ. ඊටපස්සෙ මම ස්වර්ණවාහිනියෙන් පැවැත්වුණු Miss working girl තරගාවලියට ඉදිරිපත් වුණා. ඒකෙන් මට ජනප්‍රියම නිරෑපිකාව කියන කිරුළ ලැබුණා. ඊටපස්සෙ මම 2013 දී Miss Sri Lanka තරගාවලියට ඉදිරිපත් වෙලා අවසන් පහළොස්දෙනා අතරට තේරුණා. ඒකෙන් පස්සෙ තමයි මම මේ ක්ෂේත්‍රයට යොමුවුණේ.



Q : හරිනිට රඟපාන්න ආරාධනා ලැබිලා නැද්ද...?

රඟපාන්නනම් ආරාධනා කිහිපයක්ම ලැබුණා. දැන් තියෙන තත්ත්වයත් එක්ක ටෙලිනාට්‍යවලට යන්න මම චුට්ටක් ආස නෑ. දැන් හොඳ ටෙලිනාට්‍ය පෙන්වනවා හරිම අඩුයි. ඉතින්... ඒ නිසා ලැබුණු ඒ ආරාධනා මම බාරගත්තෙ නෑ. හැබැයි ඉතින් චිත්‍රපටයකට ආරාධනා ලැබුණොත්නම් මම හරිම ආසාවෙන් බාරගන්නවා.

Q : මේ වෙනකොට හරිනි වෙනත් රැකියාවක් කරනවද...?

මම තාම ඉගෙන ගන්නවා. හැබැයි මම ඉඩ ලැබෙන විදිහට මියුසික් වීඩියෝවලටනම් සම්බන්ධ වෙනවා. මෑත කාලයේ මම උමාරියාගේ මම මලක් වුණේ කියන මියුසික් වීඩියෝ එකට හිටියා.

Q : නිරූපණ ශිල්පිනියන් දිහා අපේ සමාජය බලන්නෙ වෙනස් කෝණයකින්නෙ. කොටට අඳින, අඩනිරුවත් ඡායාරෑපවලට පෙනී ඉන්න, ක්ලබ් යන ගෑනු ළමයි කොටසක් විදිහට තමයි ඔවුන්ව දකින්නෙ. මේ චෝදනාව හරිනිට එල්ල කළොත්...?

ඒක අපේ රටේ ඉන්න මිනිස්සුන්ගෙ අදහසක්නෙ. නමුත් නිරූපණ ශිල්පිනියන් ඇත්තටම නිරූපණය කරන්නෙ මේ සමාජයමයි. ගොඩක් අය හිතන්නෙ නිරූපණ ශිල්පිනිය කියන්නෙ කොටට අඳින කෙනෙක් කියලනෙ. නමුත් එයා කරන්නෙත් ලංකාවේ ඉන්න සමහර පාරිභෝගිකයන් නිරූපණය කරන එකයි. එයා යම්කිසි ඇඳුමක් ඇන්ඳත් ඒ ඇඳුම අඳින්නේ ඒ පාරිභෝගිකයන්ට අවශ්‍ය නිසානෙ. අපි ඇඳුමක් ගත්තත් ඒ ඇඳුම අඳින්නෙ අපේ රටේ පාරිභෝගිකයන්ගෙ අවශ්‍යතාවයට අනුවයි. ඉතින් මමනම් නිරෑපණ ශිල්පිනියක් විදිහට කොටට අඳිනවා. ඒක මට ප්‍රශ්නයක් නෑ. ඒ මගේ හැටි.

Q : මෙහෙම නිරූපණ ශිල්පිනියක් වීම ගැන හරිනිගේ ගෙදරින් කැමති වුණාද...?

මුල ඉඳන්ම මගේ අම්මගෙන්නම් කිසිම අකමැත්තක් තිබුණේම නෑ. අම්මා කැමති වුණා. හැබැයි තාත්තනම් මුලදී පොඩ්ඩක් අකමැති වුණා. නමුත් ක්ෂේත්‍රය ගැන දැනගත්තට පස්සෙ අපි වැඩ කරන විදිහ ගැන දැනගත්තට පස්සෙනම් තාත්තාගෙන් වුණත් කිසිම ප්‍රශ්නයක් ඇතිවුණේ නෑ. දැන් මට තියෙන ලොකුම ශක්තිය තමයි මගේ තාත්ති. එයාගෙන් ලොකු සහයෝගයක් දැන් මට ලැබෙනවා.


Q : මොනවද තියෙන බලාපොරොත්තු...?

මේ ක්ෂේත්‍රයෙන් ඉදිරියට යාම තමයි තියෙන ලොකුම බලාපොරොත්තුව වෙන්නෙ. මේ අතර ජාත්‍යන්තර මට්ටමේ වැඩවලට එකතුවෙන්න බලාපොරොත්තුවක් තියෙනවා. ඒකට අඩිතාලම මේ වෙද්දී දාගෙන යනවා. ජාත්‍යන්තර මට්ටමේ මියුසික් වීඩියෝ දැනටත් මම කරලයි තියෙන්නෙ. ඉතින් ඒ බලාපොරොත්තුත් එක්ක තමයි දැන් මේ දවස්වල වැඩ කරන්නෙ.

► Text – Dishani | Deshaya

'තාම කට­ක­තා­වක් හැදිලා නෑ' : රංගන ශිල්පිනී ටනාෂා සත­ර­සිංහ.


තාරුණ්‍ය ජනප්‍රියත්වයෙන් ප්‍රේක්ෂක ආකර්ෂණය දිනාගත් ටනාෂත් එක්කයි අද හැඩ වෙන්නේ. නුදුරු දිනකදී සිරස නාළිකාව ඔස්සේ 'කුරුලු' ලෙසින් ඇය ඔබේ නිවෙසට පියඹා එන්න සුදානමින් ඉන්නේ. ඒ ගමන ගැන වගේම අලුත් තොරතුරු දැන ගන්නත් එක්ක අපි ඇයට කතා කළා.

ටනාෂා සද්ද බද්ද නැතුවම අලුත් වැඩකට අත ගහල වගෙයි?

මෙහෙමයි. අලුත් ටෙලි නිර්මාණයකට දායක වෙන්න අවස්ථාව ලැබුණා.

ටනාෂා කලින් ඉඳන්ම ටෙලි නාට්‍ය සඳහා රංගනයෙන් දායක වෙන්නේ නැහැ කිව්වා නේ. දැන් ඒ තීරණය වෙනස් කළා ද?

ඇත්තටම මං හිතුවේ කරපු චිත්‍රපට දැන් එන්න තියෙනවා. 'නීල පබළු' කියන්නේ මගේ අලුත්ම ටෙලි නිර්මාණය. මේ කතාව ඇහුවට පස්සේ මට ගොඩක් ආස හිතුණා. අනිත් එක මේ ටෙලි නාට්‍යය විකාශය වෙන්නේත් සිරස ටීවී එකේ. ඒ නිසා මට ගොඩක් කැමැත්තෙන් නීල පබළු ටෙලි නාට්‍යය භාර ගත්තා.

ටනාෂාට නිවේදනය කියන දේ හරි ගියද වැරැදුනාද?

නිවේදනය හරි ගියාද වැරැදුනාද කියලා අහන්න වෙන්නේ අහගෙන හිටිය ප්‍රේක්ෂකයන්ගෙන් තමයි.


නිවේදිකාවක් ලෙස ඔබ සාර්ථකයි කියා සිතනවාද?

මට හිතෙන විදියට, මට අනිත් අයගෙන් ලැබුණු ප්‍රතිචාර එක්ක මම සාර්ථක වුණා කියලා හිතනවා.

සමහරු නම් කිව්වේ බැරි වැඩ කරන්න ගිහින් අමාරුවේ වැටුණා කියලා?

දැනට නම් කව්රුත් එහෙම කියලා නැහැ. මම කරපු වැඩසටහනේ හැටියට හැමෝම කිව්වා හොඳට කළා කියලා. මම හිතන්නේ නෑ මම අමාරුවේ වැටුණා කියලා.

ඒ කියන්නේ නිවේදනයට අලුත් ආරාධනා ලැබිලා වගේ ?

නිවේදනයට ආරාධනාවක් තියෙනවා. ඉදිරියේදී බලාගන්න පුළුවන් වෙයි.

වෙනත් නාළිකා වලින් ආරාධනා නොලැබෙන නිසා ද සිරස එක්ක විතරක් ඉන්නේ?

ගොඩක් වැඩසටහන් වලට වෙනත් නාළිකා වලින් ආරාධනා ලැබෙනවා. සිරසට කොටු වෙලා නැහැ. පසුගිය කාලේ සිරස ජුනියර් සුපර් ස්ටාර් එක්ක වැඩ කළා. ඉතින් වැඩිම කාලයක් ගත කරන්න ලැබුණේ සිරසත් එක්ක. ඉතින් ඒ නිසා සමහරු හිතනවා ඇති සිරසට කොටු වෙලා කියලා. විශේෂයෙන්ම සිරසත් එක්ක වැඩ කරන්න ලේසියි. හරිම මිත්‍රශීලි යි. ඒ නිසා වැඩියෙන් මම හිතන්නේ සිරසත් එක්ක වැඩ කරන නිසා වෙන්න ඇති ඔය ප්‍රශ්නේ අහනවා ඇත්තේ.


ටනාෂා කාලයක් මියුසික් වීඩියෝ වලට නැතුවම බැරි කෙනෙක් වුණා. ඒත් දැන් වැඩිය පෙන්න නෑ නේ ?

ඔව්. මියුසික් වීඩියෝ භාර ගන්න එක අඩු කළා. දැන් අපිට කතා කරන්නේ එකම රැල්ලට යන මියුසික් වීඩියෝ වලට. ඉතින් මං හිතුව ටිකක් ඈත් වෙලා හිටියොත් හොඳයි කියලා.

ටනාෂා කියන කෙනා සමාජ ජාලා (Social Media) එක්ක නිතර රැඳෙන කෙනෙක් ද?

ෆේස්බුක් පාවිච්චි කරනවා ගොඩක්ම අඩුයි. ඉන්ස්ටග්‍රෑම් නම් පාවිච්චි කරනවා.


කාලයක් ක්ෂේත්‍රයේ නළුවක් සමඟ ඔබේ නමත් එක්ක කටකතාවක් හැදුණා නේද?

ක්ෂේත්‍රයේ නළුවෙක් සමඟ? නැහැ. එහෙම එකක් නැහැ.

ඒ කියන්නේ තවම ටනාෂා කටකතාවක් හදා ගෙන නැහැ කියන එකද?

ඔව්. දැනට නැහැ. ඉදිරියේදී බලපොරොත්තුවෙන්නෙත් නැහැ.


රූගත කිරීම් වලදීත් වැඩිපුරම ෆෝන් එක අතේ තියාගෙන ඉන්නේ ඇයි?

නෑ එහෙම නෑ. මගේ ෆෝන් වැඩියෙන්ම තියෙන්නේ වෙන කාගේ හරි බෑග් එකක. ජනිත් අයියා හරි, රයන් අයියා හරි නැත්නම් සුමිරන් අයියා හරි නැත්නම් කවුරුහරි ෆෝන් එක හංගනවා හොයාගන්න බැරි තැනක. ෆෝන් එක වැඩිපුරම තියෙන්නේ මගේ අතේ නෙමෙයි ඔය කියන තුන් දෙන අතේ තමා.

(නිලුපුලි සඳකැලුම්)

සඳලි ඕස්ට්‍රේලියාවේ ඉඳන් නිවාඩුවට ලංකාවට ඇවිත්...


කොහොමද සඳලි?

හොඳින් ඉන්නවා. මේ දවස්වල ගෙදර ඇවිත් ඉන්නේ. ඒ නිසා ගොඩක් සතුටින්.

ලංකාවට ආවේ කොච්චර කාලෙකට පස්සෙද?

මම මගේ උසස් අධ්‍යාපන කටයුතු වෙනුවෙන් ලංකාවෙන් ගියේ මීට අවුරුදු දෙකකට කලින්. ගිය අවුරුද්දෙත් මම පොඩි නිවාඩුවකට ලංකාවට ආවා. ඒත් මේ සැරේ තමයි ටිකක් දිග නිවාඩුවක් ලැබුණේ.

මේ සැරේ කොච්චර දවසක් ලංකාවේ ඉන්නවාද?

මාසයක් වගේ ලංකාවේ ඉන්නවා. නිවාඩුව ඉවර වුණු ගමන් ආයෙත් ඕස්ට්‍රේලියාවට යනවා.

සඳලි උසස් අධ්‍යාපන කටයුතු කරන්නේ මොන අංශයෙන්ද?

ජීව විද්‍යා අංශයෙන් තමයි මගේ උපාධිය මම කරන්නේ. දැන් දෙවැනි වසර අවසන්. තව වසර දෙකක් අධ්‍යාපන කටයුතු කරන්න තියෙනවා.

කලා කටයුතුවලින් අෑත් වෙලා විදේශ රටකට යන්න වෙච්ච එක ගැන සඳලිට දුකක් තිබ්බෙම නැද්ද?

නැහැ. එහෙම ලොකු දුකක් තිබ්බෙ නැහැ. මුලින්ම ඉගෙනීම් කටයුතුවලට මුල් තැන දෙන්න ඕන කියලා හිතුවා. ඒ නිසා රංගන කටයුතුවලින් අෑත් වීම මට දුකක් වුණේ නැහැ.

ලංකාවෙන් යන්න කලින් සඳලි මොන නිර්මාණයටද අන්තිමට දායක වුණේ?

පෝය නාට්‍යයක් කළා. හැබයි ඒක විකාශය වුණේ නැහැ. තණ්හා රතී රඟා චිත්‍රපටය තමයි මම ලංකාවෙන් යන්න කලින් කළ අන්තිම චිත්‍රපටය.

ලංකාවෙන් යන්න කලින් ලැබුණු ආරාධනා කිහිපයක්ම ප්‍රතික්ෂේප කරන්නත් වුණා නේද?

ඔව්. මම නිර්මාණ භාරගෙන මඟදී අතහරින්න කැමැති වුණේ නැහැ. කාවවත් අමාරුවේ දාන්න බැරි නිසා මම ලංකාවෙන් යන්න ඉද්දි වැඩ භාරගත්තේ නෑ.

සඳලි පුංචි වයසෙන්ම මතක හිටින නිර්මාණ ටිකක් ප්‍රේක්ෂකයන්ට ඉතුරු කළා නේද?

ඔව්. මම මුලින්ම රඟපෑවේ 'මායා ඇවිනිව්' කියන නාට්‍යයේ. එතකොට මට අවුරුදු පහක් විතර ඇති. ඊට පස්සේ රජවීදිය, පෙම්බරයාණනි ටෙලිනාට්‍යයත් සමාරා, උත්පලවණ්ණා, සුවඳ දැනුණා ජීවිතේ, තණ්හා රතී රඟා වගේ චිත්‍රපට කිහිපයකටත් සම්බන්ධ වුණා. 'පුංචි පැංචි' වැඩසටහනේ නිවේදන කටයුතු කළා. හඬ කැවීම් කළා. ඒක නිසා ගොඩක් අයට තාමත් මාව මතකයි.

කලා ක්‍ෂේත්‍රයේ යාළුවො තාමත් ආශ්‍රය කරනවාද?

ඔව්. දසුන් අයියා, නිත්‍යවානි වගේ යාළුවෝ කිහිප දෙනෙක්ම මට ඉන්නවා. ඒ අය තාමත් මගේ යාළුවෝ.

අධ්‍යාපන කටයුතු ඉවර කරලා ඇවිත් ආයෙත් රංගනයට එකතු වෙයිද?

දිගටම රඟපාන්න අදහසක් නැහැ. මම ඉස්සරත් රඟපෑවේ ආසාවට. අධ්‍යාපන කටයුතුවලින් පස්සේ විනෝදාංශයක් විධියට ලැබෙන වැඩ කිහිපයකට සම්බන්ධ වෙනවා.

සඳලිට මතක් කරන්නත් පිරිසක් ඇති?

ඔව්. මාව තාමත් ගොඩක් අයට මතක මම කළ නිර්මාණ නිසා. ඒ නිර්මාණ අධ්‍යක්ෂණය කළ නිෂ්පාදනය කළ මාමලා සහ මගේ මවුපියෝ මේ වෙලාවේ මතක් කරන්නම ඕනේ.

- තිළිණි  කෞශල්‍යා විජේසිංහ
ඡායාරූප - අනුරුද්ධ මැදවත්තේගෙදර

කල දවස Location වල ගෙවිලා යනවා : අංජුලා ශානි


ආටක නාටක හරහා ඔබට වඩාත් සමීප වු ඇය අංජුලා ශානි.

* ඉතින් අංජුලා කෙහොමද ජීවිතේ?

ලොකේෂන්වල ගෙවිලා යනවා. ඩ්‍රාමා කිහිපයක් විකාශය වෙන්නත් තියෙනවා.

* ඔබේ ඇත්ත නම අංජුලා නෙවෙයි නේද?

ඔව්. මගේ ඇත්ත නම අංජානා ශාන්ති. මං මගේ ෆේස්බුක් එකවුන්ට් එක හැදුවේ අංජුලා ශානි නමින්. ඒක ගොඩක් ජනප්‍රිය වුණා. අංජානා ශාන්ති කියන නම වැඩිය ලස්සන නිසා වෙන්න ඇති මට නිර්මාණවලටත් වැඩියෙන් කතා කළා ඒ නමත් එක්ක. කෙටියෙන්ම කිව්වොත් අංජුලා ශානි කියන නමත් ජනප්‍රිය වුණා. මේ හේතුවෙන් මං දිගින් දිගම ඒ නමම භාවිතා කළා.

* ආටක නාටක කොටස් කීයකට ඔබ සම්බන්ධ වුණාද?

අම්මෝ කොටස් ගණනාවකටම හිටියා.

* ඊට පසුව රඟපෑ නාට්‍ය පෙළ මතක් කළොත්?

හිතුවක්කාරයා, පිණිදිය වැස්ස, පින්ක්, මං නැතිදා, ශාන්ත සොයිසා මහත්මයාගේ නාට්‍යකටත් කතා කරලා තියෙනවා.

* ඔබ තවමත් ප්‍රධාන චරිතයක් රඟපැවේ නැහැ නේද?

ඔව්. මට තාම ලැබුණේ අතුරු චරිත පමණයි. ඒ වුණත් කැපවීමකින් ලැබෙන කුමන හෝ චරිත රඟපානවා. කාලයක් යද්දී මටත් ප්‍රධාන චරිත ලැබෙයි. එතකම් ඉවසනවා.

* ඇයි ඔබ නිළියක් වුණේ?

හිතේ තිබුණු ආසාවට. පොඩි කාලේ ඉඳලා හිතාගෙන හිටියේ නිළියක් වෙන්නම තමයි. ඒ අතරේ මෝස්තර නිරූපිකාවක් වෙන්නත් හීන මැව්වා. ඒ බලාපොරොත්තු දෙකම ඉෂ්ඨ කරගත්තා මං.

* නිළියක් වෙන්න ගිහින් දුෂ්කරතාවලට මුහුණපාන්නත් ඇති?

ඒ ගැන නම් කියලා වැඩක් නැහැ. අපි අලුත් අය නිසා කට්ට කන අවස්ථා වැඩියි. ඒක මං හොඳට අත් විඳලා තියෙනවා. උදේ පාන්දරින්ම දර්ශන තලයට එන්න කියලා හවස් වෙනකම්ම තියාගෙන ඉඳලා හවස එක සීන් එකක් විතරක් කරල ගියපු අවස්ථා එමටයි. එහෙම වෙලාවලදී හිතෙනවා හිතලමදෝ අපව මෙහෙම රස්තියාදු කරන්නේ කියලා. මොන බාධක ආවත් මං මගේ ඉලක්කයට යනවා. මොන දේ වුණත් මං වැටෙන්නේ නැහැ.

* ඇතැම් නිර්මාණකරුවන්ගෙන් නවක නිළියන්ට අයුතු යෝජනා එනවා. ඔබටත් ඒක පොදුයි?

ඔව්. මටත් එහෙම යෝජනා ඇවිත් තිබෙනවා. ඒවාට අකැමැති වුණ නිසා අවස්ථාවනුත් අහිමි වුණා. මොනවා කරන්නද. වෙච්ච දේ ගැන නොසිතා පාඩුවේ ඉන්නවා එතකොට.

* අංජුලාගේ පවුලේ විස්තර මොනවද?

මගේ පවුලේ එකම ළමයා මම. අම්මයි තාත්තයි මමයි තමයි පවුලේ සාමාජිකයෝ.

* ඔබේ ගම?

පයාගල.

* ඉගෙන ගත් පාසල?

පයාගල රෝමාණු කතෝලික විදුහල.

* උපන් දිනය?

මාර්තු 31.

* ඔබ ගැන කෙටියෙන් හඳුන්වා දුන්නොත්?

හිනාවෙලා ඉන්න කැමැති කෙනෙක්.

සටහන - ප්‍රසාද් සමරතුංග
සේයාරූ - නිශ්ශංක විජේරත්න 

ශෙහානි කහඳවල චෝදනා ප්‍රති­ක්ෂේප කර­යි.


ඇය නමින් ශෙහානි කහඳවල. ක්ෂේත්‍රයට ඇවිත් ටික කාලයක් ඇතුළත ඇය ලොකු ජනප්‍රියත්වයක් ලබා ගෙන අවසන්. පුංචි තිරයේ පෙම්වතිය වු ඇය එක්කයි අද හැඩ වෙන්නේ.

මේ දවස්වල මොනවද වෙන වැඩ කටයුතු?

නාට්‍ය දෙකකට ආරාධනා ලැබිලා තියෙනවා. හිරු ටීවී එකේ රියැලිටි වැඩසටහනකට මෙගා ස්ටාර් සීසන් 2 ට සහභාගී වෙනවා. ඒකයි ‘සඳපිනි වැස්ස‘ ටෙලි නාට්‍යයේ වැඩ කටයුතු කර ගෙන ඉන්නවා.

හිරු මෙගා ස්ටාර් කියන්නේ ෂෙහානි ගේ පළමුවැනි රියැලිටි අත්දැකීමද?

නැහැ. මම හිතන්නේ දෙවැනි රියැලිටි අත්දැකීම. අනිත් ඒවාට සාපේක්ෂව මේ තුළින් ගොඩක් ජනප්‍රියයි මම.

සුජාතා ටෙලි නාට්‍යයෙන් පස්සේ ඔබව නැවත දකින්නේ සඳපිනි වැස්ස ටෙලි නාට්‍යයෙන්?

ඔව්. සුජාතා එකෙන් පස්සේ මම ගොඩ කාලෙකින් තමා ටෙලි නාට්‍යකට සම්බන්ධ වුණේ.

නිහඬ වෙන්න හේතුව ?

එහෙම නැහැ. හැමෝටම කාල වකවානු තියෙනවා නේ. මම කියන්නේ එක්ස්පයර් වෙනවා කියන එක නෙමෙයි. අපිට හැමදේම හරියන කාලයක් තියෙනවා. ඉතින් සමහරවිට මටත් එහෙම වෙන්න ඇති. මම කියන්නේ නැහැ මට වැඩ ආවේ නැහැ කියලා. වැඩ ආවා. මම හිතනවා හැමදේට ම හොඳ කාලයක් තියෙනවා කියලා.



ශෙහානි ගේ සුන්දරත්වය නිසා වැඩිපුර මියුසික් වීඩියෝස් සඳහා අරාධනා ලැබුණත් සීමිත ප්‍රමාණයක් ලු භාර ගන්නේ. ඇත්තද මේ කතාව?

එහෙම නැහැ. දැන් නම් මම ගොඩක් සීමා කරගෙන තියෙන්නේ. මම එක දිගටම මියුසික් වීඩියෝස් කළා. මට තේරුණා, අපි මේ විදිහට මිනිස්සුන්ට පෙනෙන්න ගත්තොත් අපි එපා වෙන්න ගන්නවා. අපි හොඳ දෙයක් කරන්න ඕන. හැමදාම ඕන එකයි එපා එකෙයි ඉඳලා වැඩක් නැහැ. අපි වෙනම දෙයක් කරන්න ඕන. මිනිස්සුන්ට එකම දේ දැකලා එපා වෙනවා. මම දැන් හැම එකකටම යන්නේ නැහැ . හොඳ වැඩක් අවොත් භාර ගන්නවා.

දැන් ෂෙහානිට ටෙලි නාට්‍ය සඳහා ඒ තරම්ම ආරාධනා ලැබෙන්නේ නැහැ කියන්නේ ඇත්තද?

එහෙම නැහැ. මෙහෙමයි ඕනෑම මනුස්සයෙකුට කරන්න පුළුවන් සීමාවක් තියෙනවා නේ. අපි කියමු අපිට ටෙලි නාට්‍ය තුනකට ආරාධනා ලැබුණා කියලා. එතකොට ඒ තුනම භාර අරගෙන සතියකට දින වෙන් කරන්න ගියාට පස්සේ කොහොමද තුනේම වැඩ කරන්නේ. කරන්න බැහැ නේ. මට කරන්න පුළුවන් ප්‍රමාණයක් තියෙනවා. ඒ ප්‍රමාණයට විතරයි මම වැඩ භාර ගන්නේ.

ශෙහානි පුංචි තිරයේ පෙම්වතියක් වී අවසන්. නමුත් සැබෑ ජිවිතේ පෙම්වතියක් වෙන්න කාලය ඇවිත් නේද?

අනේ මට කවුරුත් ඕනේ නැහැ. මම මාගේ පාඩුවේ වැඩ ටික කරගෙන ඉන්නවා.

ආදරෙන් පැරැදිලා වගේ කතා කරන්නේ ඇයි?

අයියෝ නෑ නෑ. කවුරුත් ඕන නෑ කියලා කියන්නේ මාගේ පාඩුවේ වැඩ ටික කරගෙන ඉන්න පුළුවන් කියන එක. නැතුව ආදරෙන් පැරැදිලා නැහැ. ඕන කාලේදී ඒ ගැන හිතනවා.

පසුගිය කාලයේදී ඔබට රංගනයේ සිටින ප්‍රවීණ පිරිසකගෙන් චෝදනාවක් එල්ල වුණා, ඔබ අඳින පළඳින ඇඳුම් සම්බන්ධව. ඒ එල්ලවුණු චෝදනා භාර ගන්නවද?

මම ඒ චෝදනා ප්‍රතික්ෂේප කරනවා. මෙහෙමයි අපි සැලකිලිමත් වෙන්න ඕන. ඒවා ඉතින් ඇත්තටම බැලුවොත් මාගේ ඒ වෙච්ච දේ පොඩි සාමාන්‍ය දෙයක්. මීට වඩා දේවල් ලංකාවේ වෙලා තියෙනවා. ඉතින් මං ඒවා ගණන් ගන්නේ නැහැ සත පහකටවත්. හැබැයි මම අවවාද පිළිගන්නවා. මම වැඩිහිටයන්ට ගරු කරනවා. වැරැද්දක් වුණාට පස්සේ ඒ වැරැද්ද හදා ගෙන ඉදිරියට යනවා. නමුත් මම කියන්නේ ඒ දේ මහා ලොකුවට විවේචනය කරන්න දෙයක් නෙමෙයි. මොකද ඊට වඩා දේවල් මේ ලංකාවේ දැනටත් වෙනවා.


ෂෙහානි කියන්නේ හිතුවක්කාර, වැඩිපුර කේන්ති යන චරිතයක්ලු. ඒ දේට එකඟ ද?

නෑ. එහෙම නෑ. මෙහෙමයි මට අනවශ්‍ය දේවල් කිව්වොත් මට අදාළ නෑනේ. මට අදාළ දේවල් විතරයි මම භාර ගන්නේ. ඉතින් ඕනෑම මනුස්සයකුට කේන්ති යනවා, සතුටු හිතෙනවා. අපිට මනුස්ස ජිවිතයේ තියෙන්න ඕන දේවල් හැම මනුස්සයකුටම තියෙනවා. මමත් එහෙම කෙනෙක්. හැබැයි මම කේන්ති අරගෙන අනිත් අය වගේ රණ්ඩු කරන්න යන්නේ නැහැ. මම සද්ද නොකර පැත්තකට වෙලා ඉන්න කෙනෙක්. මම හරිම සංවේදී. මට හරියට දුක හිතෙනවා. ඉතින් මට තරහා යනවා. ඒත් ඒ දේ මම පෙන්වන්නේ නැහැ.