Showing posts with label gossip. Show all posts

හොලිවුඩ් සිනමාවට පැමිණි ගායිකාව බෙකී ජී.

හොලිවුඩ් සිනමා කර්මාන්තය තුළ විප්ලවීය වසරක් වූ මෙම වසරේ එළිදැක්වීමට ඇති චිත්‍රපට අතරින් තවත් සුවිශේෂී චිත්‍රපටයක් පිළිබඳව මේ දිනවල බොහෝ දෙනෙකුගේ අවධානය යොමුව තිබේ. 'ට්‍රාන්ෆෝමර්' චිත්‍රපට මාලාවත් සමග ඇතිවූ රොබෝ උන්මාදය නැවතත් ඇති කිරීමට හොලිවුඩ් සිනමාවට හැකියාව ලැබී ඇති බව පැවසිය යුතුය. A-X-L නම් නවතම චිත්‍රපටය පිළිබඳව මේ දිනවල බොහෝ දෙනාගේ අවධානය යොමු වූයේ පසුගියදා එහි ප්‍රචාරක පටය එළිදැක්වීමත් සමගිනි. 

තාක්ෂණික මට්ටමෙන් ඉහළ චිත්‍රපටයක් වන මෙම චිත්‍රපටය රොබෝ සුනඛයෙකු වටා නිර්මාණය වී අතර %ට්‍රාන්ෆෝමර්^ චිත්‍රපටයට පසු නිර්මාණය වන තාක්ෂණික මට්ටමෙන් ඉහළ චිත්‍රපටයක් ලෙස මෙය හඳුන්වනු ලබයි. A-X-L (2018) නම් මෙම චිත්‍රපටය සඳහා නවක නළු නිළි දෙපළක් දායකවීමත් මෙම චිත්‍රපට පිළිබඳව කතාබහට ලක්වීමට හේතුවී තිබේ. 


ඇලෙක් නෙස්ටෙඩ්ටර් සහ බෙකී ජී නම් නවක තරු දෙපළ මෙහි රංගනයෙන් දායක වෙති. A-X-L චිත්‍රපටයේ ප්‍රචාරක පටය පසුගියදා අන්තර්ජාලයට එක්වූ අතර, මේ වනවිට එම ප්‍රචාරක පටය විශාල නැරඹුම් සංඛ්‍යාවක්ද වාර්තා කරනු ලබයි. එම කාරණාවත් සමගින් මෙම නළු නිළි දෙපළ පිළිබඳවද විදෙස් මාධ්‍ය තොරතුරු අනාවරණය කරයි.

මෙම චිත්‍රපටය හැඩ කරන ප්‍රධාන නිළිය වන බෙකි ජී ගායිකාවක ලෙස බොහෝ ප්‍රසිද්ධියට පත්ව තිබේ. රෙබේකා මාරි ගෝමස් වන ඇය ගායිකාවක ලෙස කටයුතු කිරීමේදී ඇයව බොහෝ දෙනා හඳුන්වන්නේ බෙකී ජී නමිනි. 2008 වසරේදී ඇයට රංගනයට අවස්ථාවක් උදාවන අතර ඒ La estacion de la Calle Olvera නම් රූපවාහිනි චිත්‍රපටයක් සඳහාය. එම කාර්යයෙන් පසුව ඇයට කෙටි චිත්‍රපටයක් සඳහාද එම වසරේ අවස්ථාව උදාවී තිබිණි. 2011 වසරේදී ඇය ගායනට පිවිසෙන ලද්දේ ‍Dr ලූක් විසින් නිෂ්පාදනය කරනු ලැබූ ගීතයක් නැවත ගායනා කරමින් අන්තර්ජාලයට එක්කිරීමත් සමගිනි. එම කවර් ගීතයට ලැබුණු විශාල ප්‍රතිචාරය හේතුවෙන් ඇයට ගායන ක්ෂේත්‍රයට ප්‍රවිශ්ට වීමේ වරම හිමිවන අතර ඇයට ගීත ඇල්බමයක් නිෂ්පාදනය කිරීමට අවස්ථාව උදාවන්නේ කෙමොසාබේ රෙකෝඩ්ස් සහ RCA රෙකෝඩ් ලේබල් යටතේය.  

මේ ආකාරයෙන් ගායන ලෝකය තුළ කටයුතු කිරීමේදී ඇය 2011 වසරේදී සිනමාවට පිවිසීමට අවස්ථාව හිමිකර ගනී.
 2011 වසරේ තිරගත වූ House of Sin නම් චිත්‍රපටය ඔස්සේ ඇයට සිනමා වරම් හිමිවිය. එම චිත්‍රපටයෙන් පසුව ඇය රංගන ශිල්පිනියෙකු ලෙසත්, ගායිකාවක ලෙසත් කටයුතු කළාය. 2014 වසරේදී ඇයට රූපවාහිනි කතාමාලාවන් තුනක් සඳහා අවස්ථාව උදාවිය. 2016 වසරේදී ඇයගේ ගායන හැකියාවට සම්මානයක් හිමිවිය. ඒ 2016 පැවැති Latin American Music Awards නම් සම්මාන උළෙලේදී Favorite Pop/Rock Female Artist ලෙස සම්මානයකට පාත්‍ර වෙමිනි. 2015 වසරේදී පැවැති Premios Juventud නම් සම්මාන උළෙලේදී ඇයගේ කුලුඳුල් ගීතය වන Shower ගීතයට Favorite Hit නම් සම්මානයෙන් පිදුම් ලැබීය. 


2015 වසරේදී ඇය නැවත රූපවාහිනි කතාමාලාවන් දෙකක් සඳහා රංගනයෙන් දායක විය. ඒ Austing & Ally සහ Empier නම් රූපවාහිනි කතාමාලාවන් සඳහාය. 2016 වසරේදී Premios Juventud නම් සම්මාන උළෙලේදී Best Style නම් සම්මානයෙන් ඇය පිදුම් ලැබූ අතර 2011 වසරේ ඇය සිනමාවට සම්බන්ධ වූ නමුත් නැවත සිනමා නිර්මාණයක් සඳහා අවස්ථාව උදාවන්නේ 2017 වසරේ තිරගත වූ %පවර් රේන්ජර්ස්^ නම් චිත්‍රපටය ඔස්සේය. 2018 වසරේ තිරගත වීමට නියමිත %Gnome Alone^ නම් චිත්‍රපටයෙන් ඇයගේ රංගනය නැවත වරක් දැකගැනීමට හැකියාව ලැබෙන අතර, A-X-L නම් චිත්‍රපටය ඉදිරියේදී එළිදැක්වීමට නියමිතව තිබේ. 

මෙම චිත්‍රපටය පිළිබඳව බොහෝ දෙනෙක්ගේ අවධානය යොමුව ඇත්තේ තාක්ෂණික මට්ටමෙන් ඉහළ චිත්‍රපටයක් වීම සහ විශාල පිරිවැයක් මෙම චිත්‍රපටය සඳහා යොදවා තිබීම නිසාය. කෙසේ වුවත් හොලිවුඩ් චිත්‍රපට ඉතිහාසයට අලුත් වාර්තාවක් එක් කිරීමට මෙම චිත්‍රපටයට හැකියාව ලැබෙනු ඇති බවට චිත්‍රපට විචාරකයෝ මත පළ කර සිටිති.

ලංකාවේ නම ලෝකයට ගෙනා ක්‍රිස්ටිනාගේ සරාගී ඡායාරූප පෙලක්.



ක්‍රිස්ටිනා පීරිස් කියන්නේ ලංකාවේ නම ලෝකය හමුවේ තැබූ රූ රැජිනක්. 2017 වසරේ මිස් යුනිවර්ස් ( Miss Universe) තරඟයේ අවසන් 16 දෙනා අතරට පැමිණීමට ක්‍රිස්ටිනා පීරිස්ට වාසනාව ලැබුණා. ඇගේම වෙළඳ නාමයකින් ඇඳුම් නිර්මාණය කරමින් ව්‍යාපාරික පසුබිමක් සහිත ඇගේ පවුලේ ලාබාලතම ව්‍යවසායිකාව වන්නට හැකිවන්නේ ඇගේ දක්ෂතාවය නිසා. ක්‍රිස්ටිනාගේ විශේෂත්වය වන්නේ ඇගේ ව්‍යාපාරයෙන් ලැබෙන ලාබයෙන් කොටසක් පිළිකා රෝගීන් හට වෙන් කිරීමයි.

ලොව හමුවේ අපේ රටේ අභිමානය ලොවට ගෙන ගිය ක්‍රිස්ටිනාගේ නවතම ඡායාරූප කිහිපයක් පහතින්....








සරාගී පියුමි අහිංසකාවියක් කළ උදයකාන්තගේ ‘වස්සානයේ සඳ’



පියුමි හා හා පුරා කියලා සිනමාවේ දකින්න ලැබෙනවා?

ඔව්. ඒ 'වස්සානයේ සඳ' චිත්‍රපටය නිසා. චිත්‍රපටය තිරගත වෙනකල් මම බලාගෙන හිටියේ. දැන් චිත්‍රපටය තිරගත වෙන්න පටන් ගත්තා. කියාගන්න බැරි සන්තෝෂයක් තියෙනවා මේ වගේ හොඳ නිර්මාණයකට සම්බන්ධ වෙන්න ලැබුණු එක ගැන.

උදයකාන්ත වර්ණසූරියට පියුමි අහුවුණේ කොහොමද?

උදයකාන්ත අයියයි, ඔහුගේ බිරිය ශාන්ති අක්කයි මීට අවුරුදු පහකට කලින් රොසෑන් අක්කාගේ මොඩ්ලින් ස්කූල් එකට ඇවිත් රංගනයට ළමයි තේරුවා. එදා මාවත් තෝරගත්තා. ඒත් එදා මම රඟපාන්න එන්න බෑ කිව්වා. ඊට පස්සේ මීට අවුරුදු දෙකකට කලින් උදයකාන්ත අයියා මේ නිර්මාණයට මට කතා කළා.

මුල් ආරාධනාව කරද්දී පියුමි උදයකාන්තගේ ආරාධනාව භාරගත්තේ නැත්තේ?

මම ඒ වෙනකොට මොඩ්ලින් කළේ. ඉතිං මම කවදාවත් රඟපාලා තිබ්බේ නැහැ. මම රඟපාන්න දන්නේ නැති නිසා තමයි ඒ ආරාධනාව භාරගත්තේ නැත්තේ.

'වස්සානයේ සඳ' චිත්‍රපටයට ආරාධනා කරද්දී ඔයාගේ රංගන හැකියාව ගැන විශ්වාසයක් තිබුණද?

උදයකාන්ත අයියා මට දවස් දෙක තුනක්ම කතා කළා. මම බය වෙලා හිටියේ මට චිත්‍රපටයක රඟපාන්න පුළුවන් වෙයිද කියලා. උදයකාන්ත අයියගේ බිරිය මට හරිම ආදරෙයි. 'පියුමි මේක ඔයාට හොඳ චාන්ස් එකක්' කියලා එයා මට කිව්වා. මම ආශාවෙන් හිටියේ ඕෂධී කරන චරිතය කරන්න. ඒත් ශාන්ති අක්කා තමයි මට කිව්වේ ඔයාට දෙන්නේ ප්‍රධාන චරිතය. ඒකෙන් මාව වෙනස් කරනවා කියලා.

ප්‍රධාන චරිතය නැතිව, ඕෂධී කරපු චරිතයට පියුමි මාන බැලුවේ ඇයි?

ඕෂධී කරපු චරිතය ෂූට් කළේ ඕස්ට්‍රේලියාවේ. ඇත්තම කියනවා නම් මට ඕස්ට්‍රේලියාවේ යන්න ආස නිසා තමයි මම ඒ චරිතය ඉල්ලුවේ. ඒත් ඒ චරිතයට ඕන වුණේ බටහිර පෙනුමක් තියෙන කෙනෙක්. ඕෂධීට ඒ වගේ පෙනුමක් තියෙනවනේ. එයාට ඒ චරිතය ගැළපුණා. මට 'මිහිරි' කියන ප්‍රධාන චරිතය ලැබුණා.

'මිහිරි' ගේ චරිතයෙන් පියුමිට සිනමාවට හොඳ අඩියක් තියන්න පුළුවන් වුණා කියලා හිතනවාද?

ඔව්. මට වෙනස් වෙන්න හොඳ අවස්ථාවක් ලැබුණේ. මම මොඩ්ල් කෙනෙක්. මට රංගනය නුහුරුයි. ඒත් උදයකාන්ත අයියාගේ හැකියාව එක්ක ඔහු මගේ රංගනය හරියට එළියට ගත්තා. 'මිහිරි' ගේ චරිතය මට ලැබිච්ච හොඳ අවස්ථාවක්. මාව මේ වගේ නිර්මාණයකට තෝරගත්ත එකට උදයකාන්ත අයියට වගේම අක්කට ගොඩක් පින්. 'වස්සානයේ සඳ' මාව වෙනස් කළා.

පියුමිව ගොඩක් අය දැකලා තියෙන්නේ හොට් චරිතයක් විදියට. මිහිරි වගේ අහිංසක චරිතයකට අනුගත වෙන්න පහසු වුණාද?

සමහර හොට් චරිතවලට අහිංසක චරිත කරන්න බෑ. හැබැයි පියුමි හංසමාලි කියන මට හැම චරිතයක්ම කරන්න පුළුවන්. මම හැම වෙලාවෙම හොට්. ඒත් මට ලැබෙන චරිතයට අනුගත වෙන්න පුළුවන්.

පියුමිගේ රංගනයට කෙහොමද ලැබිච්ච ප්‍රතිචාර?

චිත්‍රපටයේ ට්‍රේලර් එක දැකලත් ගොඩක් අය මට කතා කළා. මගේ රංගනය මේ තරම් හොඳට තියෙයි කියලා හිතාගන්න බැරි වුණා කියලා තමයි ගොඩක් අය කිව්වේ. මොකද මාව මේ වගේ චරිතයකින් දැකලා තිබ්බේ නෑනේ. මට නිර්මාණ කිහිපයකටම ආරාධනාත් ලැබුණා. ඒත් පෞද්ගලික වැඩ කිහිපයක් නිසා ඒ ලැබුණ ආරාධනා භාරගත්තේ නැහැ.

ඒ කියන්නේ පියුමි රංගනය තුළ සාර්ථකයි කියන එකද?

මේ නිර්මාණයේ මගේ රංගනය සාර්ථකයි කියලා මම හිතනවා. සාර්ථක පුද්ගලයෙක් එක්කනේ මම මේ ගමන පටන් ගත්තේ. මට ඊට පස්සේ විදේශීය චිත්‍රපටයකටත් ආරාධනා ලැබුණා. ඇත්තටම මම ගොඩක් වාසනාවන්තයි.

මිහිරිගේ චරිතයට අනුගත වෙද්දී අභියෝගයක් වුණ තැන් තියෙනවාද?

මට ස්කර්ට් බ්ලව්ස් අඳින එක ටිකක් අලුත්. හැබැයි මම සාරි ඇඳලා තිබ්බා. මිහිරි කියන්නේ තමන්ගේ මල්ලීව මුළු ලෝකයම කරගත්ත කෙනෙක්. මල්ලීට දක්වන ආදරය මට අලුත් වුණේ නැහැ. මොකද මගේ පුතා වගේ හිතාගෙන තමයි මම ඒ චරිතය කරපු මල්ලීව බලාගත්තේ. එයා ටිකක් අකීකරු දරුවෙක්. ඒත් එයාව පාලනය කරගන්න පුළුවන් වුණේ මට විතරයි. මම හරිම ආදරෙන් ඒ චරිතය කළා. පළමුවැනි වතාවට තමයි මට ඒ වගේ අත්දැකීමක් ලැබුණේ.

සිනමාවේ පියුමිගෙ පෙම්වතා වෙන්නේ අනුජ්. කොහොමද අනුජ්ගෙන් පියුමිට ලැබුණ සහාය?

ඔව්. තත්පර ගාණක් ඇතුළේ අනුජ් හොඳ පෙම්වතෙක් වුණා සිනමාවේදී මට. මගේ පළමුවැනි චිත්‍රපටය වුණාට මම, අනුජ්, ඕෂධී, ඇන්ජලෝ අපි හැමෝම නිරූපණ ක්‍ෂේත්‍රයේදී මුණගැහිලා තියෙනවා. අනුජ් කියන්නේ බොහොම නිහතමානී කෙනෙක්. සමහර අඬන සීන් කරද්දී මට හිනා යනවා. මට ඒ චරිතය හරියට කරන්න අනුජ් ගොඩක් උදවු කළා. මහන්තත්තකම් තියෙන නළුවෝ අතර අනුජ් කියන්නේ පොළොවේ පයගහලා ඉන්න කෙනෙක්.

සිනමාවේදී පියුමිගේ පෙම්වතා අනුජ් වුණ එක හොඳක් නේද එහෙනම්?

ඔව්. ඇත්තටම මම සතුටු වෙනවා ඔහු එක්ක රඟපාන්න ලැබුණ එක ගැන.

පියුමි නිර්මාණයක් භාර ගනිද්දී මුදල ගැනත් හිතනවාද?

මේක මගේ ජොබ් එක නෙවෙයි. මගේ ගාණට ආවොත් මම වැඩේ භාරගන්නවා. මගේ මුදල හම්බවුණත් මට බැරි දේවල් කරලා ලැජ්ජ වෙන්න මම කැමැති නැහැ. මට කරන්න පුළුවන් චරිතයක් නම් මම භාරගන්නවා.

පියුමිව ටෙලිනාට්‍යවල දකින්න නැත්තේ ඇයි?

ටෙලි නාට්‍යවලට ආරාධනා ලැබුණා. චිත්‍රපට වගේ නෙවෙයි ටෙලි නාට්‍යවල නිදහසක් නැහැ. වැඩ ඉවර වෙද්දී රෑ වෙනවා. මම අම්මා කෙනෙක්. මට දිගටම එහෙම කාර්යබහුල වෙන්න බැහැ.

පියුමිට ආදරය දැනෙන්නේ කොහොමද?

ආදරේ සුන්දර දෙයක්. ඒක සුන්දරව විඳින්න ඕනෑ. එක වෙලාවකට ඒක වේදනාවක්.

ආදරයේ අලුත් බලාපොරොත්තු තියාගෙනද ඉන්නේ?

ඒකට තව කාලය දුරයි.

පියුමිගේ ජීවිතයේ සීමා මායිම් තියෙනවාද?

නෑ. මගේ ජීවිතයේ සීමා මායිම් නැහැ.

ඒ ඇයි?

සීමා මායිම් තිබ්බම හරි කරදරයි. මම කොටු වෙන්න කැමැති නැහැ. අපි ජීවිතේ විඳවන්නේ නැතිව විඳින්න ඕන. මම ජීවිතය විඳිනවා. ඇයි අපි විඳවන්න කොටුවෙන්නේ.

[තිළිණි කෞශල්‍යා විජේසිංහ]

සඳලි ඕස්ට්‍රේලියාවේ ඉඳන් නිවාඩුවට ලංකාවට ඇවිත්...


කොහොමද සඳලි?

හොඳින් ඉන්නවා. මේ දවස්වල ගෙදර ඇවිත් ඉන්නේ. ඒ නිසා ගොඩක් සතුටින්.

ලංකාවට ආවේ කොච්චර කාලෙකට පස්සෙද?

මම මගේ උසස් අධ්‍යාපන කටයුතු වෙනුවෙන් ලංකාවෙන් ගියේ මීට අවුරුදු දෙකකට කලින්. ගිය අවුරුද්දෙත් මම පොඩි නිවාඩුවකට ලංකාවට ආවා. ඒත් මේ සැරේ තමයි ටිකක් දිග නිවාඩුවක් ලැබුණේ.

මේ සැරේ කොච්චර දවසක් ලංකාවේ ඉන්නවාද?

මාසයක් වගේ ලංකාවේ ඉන්නවා. නිවාඩුව ඉවර වුණු ගමන් ආයෙත් ඕස්ට්‍රේලියාවට යනවා.

සඳලි උසස් අධ්‍යාපන කටයුතු කරන්නේ මොන අංශයෙන්ද?

ජීව විද්‍යා අංශයෙන් තමයි මගේ උපාධිය මම කරන්නේ. දැන් දෙවැනි වසර අවසන්. තව වසර දෙකක් අධ්‍යාපන කටයුතු කරන්න තියෙනවා.

කලා කටයුතුවලින් අෑත් වෙලා විදේශ රටකට යන්න වෙච්ච එක ගැන සඳලිට දුකක් තිබ්බෙම නැද්ද?

නැහැ. එහෙම ලොකු දුකක් තිබ්බෙ නැහැ. මුලින්ම ඉගෙනීම් කටයුතුවලට මුල් තැන දෙන්න ඕන කියලා හිතුවා. ඒ නිසා රංගන කටයුතුවලින් අෑත් වීම මට දුකක් වුණේ නැහැ.

ලංකාවෙන් යන්න කලින් සඳලි මොන නිර්මාණයටද අන්තිමට දායක වුණේ?

පෝය නාට්‍යයක් කළා. හැබයි ඒක විකාශය වුණේ නැහැ. තණ්හා රතී රඟා චිත්‍රපටය තමයි මම ලංකාවෙන් යන්න කලින් කළ අන්තිම චිත්‍රපටය.

ලංකාවෙන් යන්න කලින් ලැබුණු ආරාධනා කිහිපයක්ම ප්‍රතික්ෂේප කරන්නත් වුණා නේද?

ඔව්. මම නිර්මාණ භාරගෙන මඟදී අතහරින්න කැමැති වුණේ නැහැ. කාවවත් අමාරුවේ දාන්න බැරි නිසා මම ලංකාවෙන් යන්න ඉද්දි වැඩ භාරගත්තේ නෑ.

සඳලි පුංචි වයසෙන්ම මතක හිටින නිර්මාණ ටිකක් ප්‍රේක්ෂකයන්ට ඉතුරු කළා නේද?

ඔව්. මම මුලින්ම රඟපෑවේ 'මායා ඇවිනිව්' කියන නාට්‍යයේ. එතකොට මට අවුරුදු පහක් විතර ඇති. ඊට පස්සේ රජවීදිය, පෙම්බරයාණනි ටෙලිනාට්‍යයත් සමාරා, උත්පලවණ්ණා, සුවඳ දැනුණා ජීවිතේ, තණ්හා රතී රඟා වගේ චිත්‍රපට කිහිපයකටත් සම්බන්ධ වුණා. 'පුංචි පැංචි' වැඩසටහනේ නිවේදන කටයුතු කළා. හඬ කැවීම් කළා. ඒක නිසා ගොඩක් අයට තාමත් මාව මතකයි.

කලා ක්‍ෂේත්‍රයේ යාළුවො තාමත් ආශ්‍රය කරනවාද?

ඔව්. දසුන් අයියා, නිත්‍යවානි වගේ යාළුවෝ කිහිප දෙනෙක්ම මට ඉන්නවා. ඒ අය තාමත් මගේ යාළුවෝ.

අධ්‍යාපන කටයුතු ඉවර කරලා ඇවිත් ආයෙත් රංගනයට එකතු වෙයිද?

දිගටම රඟපාන්න අදහසක් නැහැ. මම ඉස්සරත් රඟපෑවේ ආසාවට. අධ්‍යාපන කටයුතුවලින් පස්සේ විනෝදාංශයක් විධියට ලැබෙන වැඩ කිහිපයකට සම්බන්ධ වෙනවා.

සඳලිට මතක් කරන්නත් පිරිසක් ඇති?

ඔව්. මාව තාමත් ගොඩක් අයට මතක මම කළ නිර්මාණ නිසා. ඒ නිර්මාණ අධ්‍යක්ෂණය කළ නිෂ්පාදනය කළ මාමලා සහ මගේ මවුපියෝ මේ වෙලාවේ මතක් කරන්නම ඕනේ.

- තිළිණි  කෞශල්‍යා විජේසිංහ
ඡායාරූප - අනුරුද්ධ මැදවත්තේගෙදර

කල දවස Location වල ගෙවිලා යනවා : අංජුලා ශානි


ආටක නාටක හරහා ඔබට වඩාත් සමීප වු ඇය අංජුලා ශානි.

* ඉතින් අංජුලා කෙහොමද ජීවිතේ?

ලොකේෂන්වල ගෙවිලා යනවා. ඩ්‍රාමා කිහිපයක් විකාශය වෙන්නත් තියෙනවා.

* ඔබේ ඇත්ත නම අංජුලා නෙවෙයි නේද?

ඔව්. මගේ ඇත්ත නම අංජානා ශාන්ති. මං මගේ ෆේස්බුක් එකවුන්ට් එක හැදුවේ අංජුලා ශානි නමින්. ඒක ගොඩක් ජනප්‍රිය වුණා. අංජානා ශාන්ති කියන නම වැඩිය ලස්සන නිසා වෙන්න ඇති මට නිර්මාණවලටත් වැඩියෙන් කතා කළා ඒ නමත් එක්ක. කෙටියෙන්ම කිව්වොත් අංජුලා ශානි කියන නමත් ජනප්‍රිය වුණා. මේ හේතුවෙන් මං දිගින් දිගම ඒ නමම භාවිතා කළා.

* ආටක නාටක කොටස් කීයකට ඔබ සම්බන්ධ වුණාද?

අම්මෝ කොටස් ගණනාවකටම හිටියා.

* ඊට පසුව රඟපෑ නාට්‍ය පෙළ මතක් කළොත්?

හිතුවක්කාරයා, පිණිදිය වැස්ස, පින්ක්, මං නැතිදා, ශාන්ත සොයිසා මහත්මයාගේ නාට්‍යකටත් කතා කරලා තියෙනවා.

* ඔබ තවමත් ප්‍රධාන චරිතයක් රඟපැවේ නැහැ නේද?

ඔව්. මට තාම ලැබුණේ අතුරු චරිත පමණයි. ඒ වුණත් කැපවීමකින් ලැබෙන කුමන හෝ චරිත රඟපානවා. කාලයක් යද්දී මටත් ප්‍රධාන චරිත ලැබෙයි. එතකම් ඉවසනවා.

* ඇයි ඔබ නිළියක් වුණේ?

හිතේ තිබුණු ආසාවට. පොඩි කාලේ ඉඳලා හිතාගෙන හිටියේ නිළියක් වෙන්නම තමයි. ඒ අතරේ මෝස්තර නිරූපිකාවක් වෙන්නත් හීන මැව්වා. ඒ බලාපොරොත්තු දෙකම ඉෂ්ඨ කරගත්තා මං.

* නිළියක් වෙන්න ගිහින් දුෂ්කරතාවලට මුහුණපාන්නත් ඇති?

ඒ ගැන නම් කියලා වැඩක් නැහැ. අපි අලුත් අය නිසා කට්ට කන අවස්ථා වැඩියි. ඒක මං හොඳට අත් විඳලා තියෙනවා. උදේ පාන්දරින්ම දර්ශන තලයට එන්න කියලා හවස් වෙනකම්ම තියාගෙන ඉඳලා හවස එක සීන් එකක් විතරක් කරල ගියපු අවස්ථා එමටයි. එහෙම වෙලාවලදී හිතෙනවා හිතලමදෝ අපව මෙහෙම රස්තියාදු කරන්නේ කියලා. මොන බාධක ආවත් මං මගේ ඉලක්කයට යනවා. මොන දේ වුණත් මං වැටෙන්නේ නැහැ.

* ඇතැම් නිර්මාණකරුවන්ගෙන් නවක නිළියන්ට අයුතු යෝජනා එනවා. ඔබටත් ඒක පොදුයි?

ඔව්. මටත් එහෙම යෝජනා ඇවිත් තිබෙනවා. ඒවාට අකැමැති වුණ නිසා අවස්ථාවනුත් අහිමි වුණා. මොනවා කරන්නද. වෙච්ච දේ ගැන නොසිතා පාඩුවේ ඉන්නවා එතකොට.

* අංජුලාගේ පවුලේ විස්තර මොනවද?

මගේ පවුලේ එකම ළමයා මම. අම්මයි තාත්තයි මමයි තමයි පවුලේ සාමාජිකයෝ.

* ඔබේ ගම?

පයාගල.

* ඉගෙන ගත් පාසල?

පයාගල රෝමාණු කතෝලික විදුහල.

* උපන් දිනය?

මාර්තු 31.

* ඔබ ගැන කෙටියෙන් හඳුන්වා දුන්නොත්?

හිනාවෙලා ඉන්න කැමැති කෙනෙක්.

සටහන - ප්‍රසාද් සමරතුංග
සේයාරූ - නිශ්ශංක විජේරත්න 

මගේ ළඟ බොරු වැඩ නෑ : වොල්ගා කල්පනී


මේ දිනවල විවිධ චරිත තුළින් ප්‍රේක්ෂකයන්ගේ ආදරය සොයා යන ඇය එක්කයි. ඇය නමින් වොල්ගා කල්පනී.

අද නිවාඩුයි වගේ දෙන්නටම?

ඔව්. හර්ෂණටයි මටයි අද නම් ගොඩක් දවසකින් ගෙදර විවේකීව ඉන්න ලැබුණා. වෙන දවස්වලට ෂූටින් වැටෙනවා නේ.

ඉතින් වොල්ගා කොහොමද ජීවිතේ?

බොහොම නිදහසේ සතුටින් සැහැල්ලුවෙන් ජිවත් වෙනවා. විවාහ වුණා කියලා ලොකු වෙනසකුත් නැහැ.

කලා ක්ෂේත්‍රයේ ඔබ හා සමකාලීන විවාහ ජීවිත ගෙවන අයත් එක්ක බලද්දී හර්ෂණ හා වොල්ගා වැඩිය දකින්න ලැබෙන්නේ නැහැ ඇයි ඒ ?

ඔව්. ඒකට හේතුව අපේ දේ ලෝකෙට පෙන්වන්න අවශ්‍ය නැහැ . හර්ෂණ කියන්නේ ප්‍රේක්ෂකයෝ ආදරේ කරන රංගන ශිල්පියෙක්. වොල්ගා කියන්නෙත් ප්‍රේක්ෂකයෝ ආදරේ කරන රංගන ශිල්පිනියක්. ඉතින් ඒකත් එක්ක අපේ පෞද්ගලික දේවල් එහෙම නැත්නම් බොරුවට,මම කියන්නේ ටීවී එක ඉස්සරහට ගිහිල්ලා බොරුවට පෙනී ඉඳලා වැඩක් නැහැ ඇතුළේ ඒක නැත්නම්. මාව ආශ්‍රය කරන යාළුවෝ මට කියන දෙයක් තමා 'වොල්ගා ගේ බොරු ෂෝ නෑ' කියලා. පාටීස් වලට සහභාගී වෙනවා. නමුත් අපේ ප්‍රතිපත්තියක් තියෙනවා පෞද්ගලික යාළුවකුගේ හැර වෙන පාටීස් වල ඉඳලා ටික වෙලාවකින් එනවා කියන එක. ඒ දේ අපි පුරුද්දක් කරගෙන තියෙනවා. මෑත කාලීනව ඇවිත් ඉන්න නිරූපිකාවෝ නිළියෝ කියලා හිතාගෙන ඉන්න කට්ටියක් ඉන්නවා නේ. ඒ අය පාටි වලට ගිහින් ඩාන්ස් එකක් you tube දාලා ජනප්‍රිය වෙන්න හදනවා. අනේ මං දන්නේ නැහැ මට නම් එහෙම දේවල් හිතිලා නැහැ. මගේ ළඟ බොරු වැඩ නැති නිසා තමයි වැඩිය පෙන්න නැත්තේ.

වොල්ග - හර්ෂණ සුන්දර කැදැල්ලට අලුත් අමුත්තෙක් ගෙනෙන්න අදහසක් නැද්ද ?

කැමැතියි. මම කොහොමත් දරුවන්ට කැමැතියි. නමුත් මම බුද්ධාගමේ. බුදුන් වගේම දෙවියෝත් අදහන කෙනෙක්. ඉතින් මම විශ්වාස කරනවා මට අවශ්‍ය වෙලාවට ඒ දේ ලැබෙයි. ජීවිතේ හැමදේම නිසි වෙලාවට වුණා වගේම දෙවියෝ ඒ කෙනා දෙන දවසක් ඇති නේ. ඒ වෙනතුරු ඉන්නවා.

රංගන වැඩ කටයුතු ගැන කතා කරමු.

ටෙලි නාට්‍ය කිහිපයකම මේ දවස්වල ඉන්නවා. ස්වර්ණවාහිනියේ 'පාරා' ටෙලි නාට්‍ය විකාශය වෙනවා. ඒවගේම ජනක සුරංජිත් මහත්මයා අධ්‍යක්ෂණය කරන 'අපේ ආදරේ' ටෙලි නාට්‍යය. පැහැසරා නාට්‍යයෙන් මම අයින් වෙලා ඉන්නේ. ඔය ටෙලි නාට්‍යවලට තමයි රංගනයෙන් දායක වෙන්නේ.

ඒ කියන්නෙ නාළිකා කිහිපයකම වොල්ගා මේ දවස්වල දකින්න ලැබෙනවා.

මටත් මේ ළඟදි කෙනෙක් මතක් කළා ටෙලි නාට්‍ය 4ක් යනවා නේද කියලා. ඉතින් සතුටුයි. සාමාන්‍ය සතුටක් තියෙනවා. මොකද ප්‍රේක්ෂකයෝ මට නිතරම හම්බවෙන්න ලැබෙනවා නේ විවිධ විවිධ චරිත හරහා.

තරුලි කියන චරිතය වොල්ගගේ සැබෑ ජීවිතයට යම් සමානකමක් දක්වනවා නේද?

නෑ. තරුලියි වොල්ගයි කොහෙත්ම සමාන නැහැ. තරුලි ආදරේ පස්සෙන් යනවා. වොල්ගා ආදරේ පස්සෙන් යන කෙනෙක් නෙමෙයි. තරුලි ආදරේ කියන දේ බලෙන් කොහොමහරි ලබා ගන්න කෙනෙක්. ඉතින් එහෙම බලනකොට තරුලියි, වොල්ගයි කොහෙත්ම සමාන නැහැ. නමුත් දඟ පැත්තෙන් බලද්දී නම් දෙන්නගේ පොඩ්ඩක් සමානකමක් තියෙනවා. කොහොමත් වොල්ගා කියන්නෙත් දඟ ළමයෙක්.

මේ දස්වල හර්ෂණයි වොල්ගයි ටීවී බලන්න හරියට රණ්ඩු වෙනවලු නේද?

කවුද කිව්වේ...? අනේ එහෙම නැහැ.

ඇයි දෙන්නගෙම ටෙලි නාට්‍ය, නාළිකා කිහිපයකම විකාශය වෙනවා නේ?

ඔව්. මෙහෙමයි ඇත්තටම ටෙලි නාට්‍ය යන වෙලාවට අපිට ටෙලි නාට්‍ය බලන්න වෙන්නේ නැහැ. ඒව බලන්න වෙන්නේ peo tv එකෙන් නැත්නම් you tube එකෙන් .