Showing posts with label sri lankan modlin. Show all posts

අලුත් ටී.වී. වැඩසටහනකින් එළියට ආපු අලුත් මූණක්!

සුපුන් ක්‍රිෂ්මාල් තරුණ වැඩසටහන් නිශ්පාදකවරයාගේ අදහසක් අනූව සිරස ටී.වී. නාළිකාවේ අලුත් වැඩසටහනක් ලෙස 'අංගර ඉගර' වැඩසටහනේ ප්‍රථම වැඩසටහන ප්‍රචාරය විය.ඒ සදහා නවක මුහුණක් ලෙස සහභාගි වූ 'බිනුර' Shii Magazine අපගේ සොදුරු කතා බහ සමග එකතු කරගන්නවා...

බිනුර කොහොමද ජීවිතේ?අපි අලුත් වැඩසටහනකින් ඔබගේ හැකියා වගයකුත් දැක්කා...
ආ...හොදයි අයියේ වරදක් නෑ.විශේෂයෙන්ම ස්තුතිවන්ත වෙන්න ඕන මේ වෙලාවේ 'සුපුන් ක්‍රිෂ්මාල්' අයියා ඇතුළු සිරස ටී.වී.රත්මලාන ස්ටයින් මැදිරි සංකීර්ණයේ කාර්යය මණ්ඩලයට මට මුල්ම ටී.වී.වැඩසටහනට අවස්ථාව ලබා දුන්නාට.ඒ වගේම 'Shii Magazine ' ඔබලාටත් ගොඩක් ස්තුතියි මේ තමයි මගේ මුල්ම සම්මුඛ සාකච්ඡාව...


අපි ඔබව දන්නේ බිනුර මල්ලි කියලා...ඔබගේ සම්පූර්ණ නම මොකක්ද?
බිනුර අශින්ත.

ඔබ ඉපදුණ ගම් ප්‍රදේශය සදහන් කළොත් මේ වෙලාවේ?
හොරණ.

අධ්‍යාපනය ලබපු පාසල් මොනවාද?
හොරණ තක්ෂිලා මහා විද්‍යාලය,හොරණ රාජකීය ජාතික පාසල.


උසස් පෙළ අධ්‍යාපනය හදාරපු විෂයන් මොනවාද?කලා විෂයන්ගෙන් උසස් පෙළ අධ්‍යාපනය ලැබුවේ.


ඔබව නිරූපණ ශිල්පියෙක් විදියට හදුන්වා දෙන්නද?නැත්නම් රංගන ශිල්පියෙක් විදියට හදුන්වා දෙන්නද?කොහොමද හොද?මම නිරූපණ ශිල්පියෙක් විදියට තමයි කලාවට ආවේ...දැනටත් නිරූපණ ශිල්පියෙක් විදියට තමයි වැඩ කරන්නේ.හොද නිර්මාණ වලට ආරාධනා ආවොත් අනිවාර්යෙන්ම රංගන ශිල්පයටත් යොමු වෙන්න කැමත්තක් තියනවා.

ඔබට කුඩා කාලයේ සිට තිබුණ සිහිනයක්ද මේ නිරූපණ ශිල්පය?කුඩා කාලයේදී මම කලාවට ගොඩක්ම යොමු වුණේ නෑ.පාසල් කාලය අවසන් වීමත් සමග නිරූපණ ක්ෂේත්‍රයට අවතීර්ණ වෙන්න මට ලොකු කැමැත්තක් ඇති වුණා.මේ එක්කම මම නිරූපණ ශිල්පය හදාරන්න පටන් ගත්තා.ඒ ආපු ගමනේදී ගොඩාක් මහන්සි වෙලා කැප කිරීම් කරලා අද ඉන්න සාර්ථකත්වයට ආවා.

ඔබට නිරූපණ ක්ෂේත්‍රයට එන්න අවස්ථාව හිමි කර දුන්නේ කවුද?
ඒක විශේෂයෙන් සදහන් කරන්න ඕන දෙයක්.මට නිරූපණ ශිල්පය හදාරන්න ගුරුහරුකම් ලබා දුන්නේ 'බ්‍රයන් ක්‍රැකෝවන්' මහත්මයාව විශේෂයෙන් සදහන් කරන්න ඕන මේ වෙලාවේ...


හොදයි.ඔබට අද මේ ඉන්න තත්වයට ළගා වෙන්න උදවු කරපු අය කවුද?මේ වෙලාවේ කෘතවේදීව ඒ උදවියවත් මතක් කළොත්...මට මේ තත්වයට හරි එන්න උදවු කරපු උදවිය හුගක් දෙනෙක් ඉන්නවා මගේ අම්මා/තත්තා/නංගි මගේ යාළුවෝ විශේෂයෙන්ම 'ඉරුදින - පවන' සගරාවේ අශාන්ති වර්ණසූරිය අක්කාව මේ වෙලාවේ ස්තුතිවන්ත වෙමින් සිහිපත් කරන්න කැමතියි.


ඔබ පොත් කියවන්න හරිම කැමතියි කියලා ආරංචියක් ආවා...මොකක්ද අවසානයට කියවපු පොත?'දුවකගේ කදුළු පොත' ඒක ලියලා තියෙන්නේ උත්තමපුරුෂ දෘෂ්ටි කෝණයකින් ප්‍රවීණ ගුවන්විදුලි නිවේදකයෙකු වුණ ප්‍රේමකීර්ති ද අල්විස් මහතාගේ දියනිය විසින් මට කාලයකට පස්සේ හම්බුණ හොදම සංවේදීම පොතක්...
ඔබ අවසානයටම නරඹපු චිත්‍රපටය මොකක්ද?
ආදරණීය කතාවක් චිත්‍රපටය.පුදුමාකාර සංවේදී චිත්‍රපටයක්.

ඔබ ප්‍රියකරන රංගන ශිල්පියා කවුද?හේමාල් රණසිංහ.

ඔබ ප්‍රියකරන රංගන ශිල්පිනිය කවුද?
මාලනී ෆොන්සේකා මහත්මිය.ඒ වගේ විශිෂ්ට නිළියක අපේ සිනමාවට ආයිත් කවදා පහළ වෙයිද කියන්නත් අමාරුයි...


ඔබ ප්‍රියකරනම ගායකයා?
ගුණදාස කපුගේ මහත්මයා.

ඔබ ප්‍රියකරන ගායිකාව?
උමාරියා සිංහවංශ.

ඔබ ප්‍රියකරන ක්‍රීඩකයා?කුමාර් සංගක්කාර.ක්‍රීඩාවේ විනය මා දැක්කේ ඔහුගෙන්...

පාසල් කාලයේ ගතකරපු ජීවිතය ගැන මොකද හිතෙන්නේ?
පාසල් කාලයේ අපි යාළුවොත් එක්ක හරිම විනෝදයෙන් දග වැඩ කරමින් කාලය ගෙව්වා...ඒ වගේම විශිෂ්ට ගුරුවරු අපිට ලැබුණා.අපි පුලුවන් උපරිම ඉගෙනත්ගත්තා...ආයිත් පාසල් කාලය ලැබෙනවානම් කියලා හිතෙනවා...

ෆැෂන් ගැන මොකක්ද ඔබගේ අදහස?
මම නිතරම අලුත් ෆැෂන් කරනවා.මොඩ්ලර් කෙනෙක් වුණාම අපි අලුත් ෆැෂන් ගැන සෙවිල්ලෙන් ඉන්න ඕන.හැබැයි තමන්ට ගැළපෙන පාරේ බැහැලා යන්න පුළුවන් ෆැෂන් විතරක් කරන්න අපි දැන ගන්න ඕන.

ලංකාවේ කලා ක්ෂේත්‍රය වර්ධනය වෙන්න කරන්න ඕන වෙනස්කම් විදියට ඔබ දකින්නේ මොනවාද?ගොඩක් දෙනෙක් කලාව කියපු ගමන් වැරදි ආකල්ප වල ඉන්නේ...ඒත් කලාවේ ඉදිරියට යන්න ගැළපෙන හැකියාව තියන තරුණ තරුණියන්ට උදවු කරොත් අනිවාර්යෙන්ම කලාව හොද තත්වයකට පත් කරගන්න පුළුවන්.


අවසාන වශයෙන් ඔබ හිටපු නිරූපණ තරගාවලිය ගැනත් සදහනක් කළොත්?
Bmich sportex 2016 ෆැෂන් ෂෝ එක cats mini pageant .


ශ්‍රී ලංකාවේ තරුණ තරුණියන්ට ඔබ ලබා දෙන පණිවිඩය මොකක්ද?උතසාහයයි/කැපකිරීමයි/හිතේ ශක්තියයි තියනවානම් කළ නොහැක්කක් නොමැත.





 








සම්මුඛ සාකච්ඡාව මෙහෙයවීම සහ අදහස - ඉෂාර ලක්මිණ.






"තමන් විනයගරුක නම් ගැටලුවක් නෑ..."ප්‍රශානි



2016.06.19 දින 'සත්හඩ පුවත්පතේ, කැදැල්ල අතිරේකයේ' කවරයේ ඡායාරූපය මේ දිනවල බොහෝ තරුණ තරුණියන්ගේ කතා බහට ලක් වූ මාතෘකාවක් විය.එහි නිරූපණ ශිල්පී තිලංක සමග කතාබහක් ඔබ වෙනුවෙන් ගෙන එන්නට අපට හැකි විය.අද කතාබහ ඒ කවරයේ ඡායාරූපය හැඩ කළ නිරූපණ ශිල්පිනිය 'ප්‍රශානි' සමගයි.



ආයුබෝවන්! ප්‍රශානි, ඔබගේ සම්පූර්ණ නම සදහන් කරමින්ම අපි කතා බහ ආරම්භ කරමු?

ප්‍රශානි පෙරේරා.

ඔබ ඉපදුණ ගම් ප්‍රදේශය සදහන් කළොත්?
පොඩි කාලෙයේ හිටියේ කිරිබත්ගොඩ...දැන්නම් බියගම.

අධ්‍යාපනය ලබපු පාසල් මොනවාද?
දළුගම ශාන්ත ෆ්‍රැන්සිස් විද්‍යාලය.

උසස් පෙළට පෙනී සිටියේ මොන විෂය 
ක්ෂේත්‍රයෙන්ද?
වාණිජ විෂයන්.

පාසල් යන කාලයේ ඔබ දුටු හීනයක්ද මේ සැබෑ වෙලා තියෙන්නේ?
නෑ...කවදාවත් මේ වගේ ෆීල්ඩ් එකකට එයි කියලා හිතලා තිබුණෙවත් නෑ.


එහෙනම්,පාසල් යන කාලයේ ඔබගේ හීනය වුනේ මොකක්ද?
එහෙම ලොකු හීනයක් කියලා දෙයක් තිබුණේ නෑ...හැබැයි ෆැෂන් ඩිසයිනර් කෙනෙක් වෙන්නනම් ආසාවක් තිබුණා.


ඔබ නිරූපණ ක්ෂේත්‍රය ඉගෙන ගත්තේ ඇකඩමියකින්ද?නැත්නම් තමන්ගේ හැකියාව තමන්ම වැඩි දියුණු කර ගත්තද?
නෑ...මම එහෙම ඇකඩමියකට ගිහින් ඉගෙනගත්තේ නෑ.

මුලින්ම ඔබ ජනප්‍රිය වුනේ මියුසික් වීඩියෝවකින්ද?නැත්නම් ෆොටෝ ෂූට් එකකින්ද?
මුලින්ම මම හිටියේ ක'මර්ෂල් එකක පෑන් ඒෂියා බැංකුවේ...


මුල් වතාවට ඔබගේ ෆොටෝ ෂූට් එකක් කවරයේ ඡායාරූපය ලෙස පළ කරපු සගරාව මොකක්ද?එදා දැනුණ හැගීම මොනවගේද?
තරුණයා සගරාවේ...විශේෂයක් නෑ.


'තිලංක' සමග කරපු ෆොටෝ ෂූට් එක ඔය තරම් තරුණ තරුණියන් වැළද ගනියි කියලා හිතුවද?
අනේ නෑ...ඒක පොසොන් පෝය දවස් වලම පන්සලක කරපු ෆොටෝ ෂූට් එකක් නිසා තමයි ඔය තරම් පොපියුලර් වුණේ.මම අවුරුදු දවස් වලත් තිලංක එක්ක ෆොටෝ ෂූට් එකකට හිටියා ඒක මේ තරම් හිට් වුණේ නෑ.






ඔබට වැඩිපුරම උදවු කරපු අයව මතක් කරමුද මේ වෙලාවේ?
මුලින්ම අම්මා.ගෙදර පවුලේ අය,ස්ටුඩියෝ යූ.කේ. ,තිලංක,දිලුම්,ෂේන්,බියූ,අශාන්, වගේම උදවු කරපු හැමෝටම ගොඩාක් ස්තුතියි...


ස්ටුඩියෝ යූ.කේ. කියන්නේ මොකක්ද?
ඉන්දික අයියා... එයා තමයි මගෙයි,තිලංකගෙයි ෆොටෝ ෂූට් කළේ.


ලංකාවේ 'මොඩ්ලින් ෆීල්ඩ්' එක ලෝකයේ අනිත් රටවල් එක්ක බැලුවාම කොතනද තියෙන්නේ?
ඒක සංස්කෘතිය අනූව රටින් රටට වෙනස් වෙනවා...අපේ රට තව වැඩිදියුණු විය යුතු තැන් තියනවා.ලංකාවේ බොහෝ දෙනෙක් ගතානුගතික වැරදි ඇහින් බලන්නේ මොඩ්ලින් ෆීල්ඩ් එක දිහා ඒත් මට හිතෙන්නේ තමන් විනය ගරුකයි නම්, ජනතාව එක්ක හොද විදියට ඉන්න දන්නවානම් ගැටලුවක් වෙන්නේ නෑ.

ඔබට රසවත්ව කෑම උයන්න පුළුවන් කියන්නේ ඇත්තද?මොනවගේ කෑම වර්ගද වැඩිපුරම හදන්න කැමති?
හ්ම්ම්...ඔව් කෑමනම් උයනවා.එහෙම විශේෂයක් නෑ.


මහාචාර්ය සුනිල් ආරියරත්නයන්ගේ 'පත්තිනි' ෆිල්ම් එක බැලුවද?
ඔව්...


ලංකාවේ බොහෝ තරුණ තරුණියන් විවාහ වන ඉක්මනින් දික්කසාද වීම ගැන මොකද කියන්න තියෙන්නේ?
ඒක ඉතිං පෞද්ගලික ජීවිතයනේ...කාටත් මුකුත් කියන්න බෑ එතනදි.


අවසානෙට බලපු විදේශීය චිත්‍රපටය මොකක්ද?
ෆෑන්...


ඒකෙදී සුපිරි නළු ෂාරුක්ගේ රංගනය කොහොමද දැනුනේ?
එයා ලෝකෙන්ම ගොඩක් ටැලන්ටඩ් නළුවෙක් ඒ ගැන විවාදයක් නෑ...


ඔබගේ ප්‍රියතම විදේශීය නළුවා?
රන්බීර් කපූර්.


ඔබගේ ප්‍රියතම ලංකාවේ නළුවා?
හේමාල් රණසිංහ.


'ආදරණීය කතාවක්' බැලුවද එහෙනම්?
ඔව්...හුගක්ම දැනෙන ෆිල්ම් එකක්...


ඔබගේ ප්‍රියතම විදේශීය නිළිය?
දීපිකා පදුකෝන්.


ඔබගේ ප්‍රියතම ලංකාවේ නිළිය?
එහෙම විශේෂ කෙනෙක් නෑ.


ඔබ ප්‍රියකරන ගීත ගායකයා?
කසුන් කල්හාර.


ඔබ ප්‍රියකරන ගීත ගායිකාව?
උරේෂා රවිහාරි.


දියනියක විදියට 'තාත්තා' කියන භූමිකාව ඔබට දැනෙන්නේ කොහොමද?
මම දකින විදියට තාත්තා කියන භූමිකාව මේ ලෝකේ කාටවත් සමාන කරන්න බැරි වීරයෙක්ගේ භූමිකාවක්.


ශ්‍රී ලංකාවේ තරුණ තරුණියන්ට දෙන්න තියන පණිවුඩය මොකක්ද?
තමන් කරන දෙය අරමුණක් සහ විෂ්වාසයක් ඇතුව කරන්න...



සම්මුඛ සාකච්ඡාව මෙහෙයවීම - ඉෂාර ලක්මිණ









*විශේෂ ස්තුතිය - 'සත්හඩ පුවත්පත' , 'ස්ටුඩියෝ යූ.කේ. (0777487745)